Afilibiyi 3:9 - Alkawali Woiwoyi

⁹ Maze gmanyi n woi, to a shan gna ge ma bwa gni-gni ntu n mi ɓe manayi zhin ɓo nu m, ko Shekwoyi awyidna bwa shin, ama ma ga Kristi gaiciya wa gni mi nu, gama Shekwoyi zokwo n wo zeyi aza ɓefyece da, ko nu zhin gaiciya ga dna n Kristi gmanyi.

Afilibiyi 3:9 Iomraidhean Croise

Matta 9:13

Fye lo fye zan aya ye awyega shin, ‘Mi ta ye sadaka lo n na nyaga yim, Mi ye fya ze asun-sun gye yi.’ Ma ɓe, ntu ge ma yi alaifi da ɓa ɓe Shekwoyi aba to ge aza n ɓa yi ɓahin ge aɓe-fyeceyi m.”

Aromayi 1:17

Nabari manayi ye gna yi ge, Shekwoyi zhin yi shiri ntu she ɓo, woi zeyi aza manayi n Shekwoyi awyeba. Esa n ya ga gaiciya ya kpema Yesu wa gniyi, nkwo ya-yai har okwo zo-zo, gaiciya ga nu gakwo. Shi a cei kafi dna n littafi “Oza n wa bwa wye-wyeyi woɓa bwa kwo dna n gaiciya ga n Shekwoyi aba nu.”

Aromayi 10:10

Gama dna n gaiciya ga nu nbugba n oza bwa gnigni manayi n Shekwoyi aba, n wo gbeyi nu njesun n wo gna aza owo gaiciya ga ɓo.

Aromayi 16:7

Fye ɓi Andarinikus n Yunuyas yi gna, omi bye n ɓa ɓei kunsun n miyi fi n kurkuku nyi. Amanzani gaɓa mwa-mwa. Ɓa ɓei ku vi Yesu n mi abye.

Aromayi 5:21

Nsapai, laifi ɓei gyi ʼbe tu n aza tukwo vinya kwoi ɓe n ɓai nfi, ama nsayi ye Shekwoyi alheri nu gyi be, kwoi gayi a gni-gni manayi n Shekwoyi abye, n wye-wyeyi nyalo-nyalo nyayi n Yesu Kristi eyi Dagayi.

Aromayi 8:1

Ntu cenu, knizun to lo nna aza ba, n ɓa zhin Kristi Yesu nya n.

Aromayi 8:3

Ato gni yi, n laifi akun ntuge yi kpe Shekwoyi awyidna ye lo nun, ntuge yita mi n ɓa kni ya shi bwan, ama Shekwoyi wa zhin zokwo do wa gni yi, wa tnu n wo Nugun yi dna n Zanyikwoci nayi ngye eyi nya, ama eyi anya n laifi yi wa wun laifi iko ya n yi tukwo. Wa ga wohin tukwo hadaya ntu yi alaifi ɓo.

Akorintiyi I 1:30

Ntuge n Shekwoyi aba nu gmanyi nfye wye-wyei yi lo dna Kristi Yesu. Owo na wuyi Shekwoyi shiri ntu gni-gni ɓo; Owo na zhin Shekwoyi Woi gwo yi: Owo na ze yi aza Gyi-gyi-yi, Wona ga Wohin tukwo Wa gni yi.

Akorintiyi II 5:17

Esanu oza la vi Yesu, wola ze oza woi-woyi, oza kwo-kwoyi la duya, hali woi-woyi la ɓe.

Akorintiyi II 5:21

Yesu to ɓei zhin laifi da num, ama ntu yi ɓo Shekwoyi wa zhin wo, har wa ze laifi da, ntuge ya kuze aza manayi.

Agalatiyayi 2:16

Yi kpelo ge eyi a Yahudiyi a Yesu viyi, yi ta bwa gni-gni n Shekwoyi aba ntu n ɓa kni ɓon. Ama gaiciya ga gmanyi n Yesu Kristi, kwa zhan yi alaifi ya. Ntu cenu yi kpema Yesu Kristi n na bai Shekwoyi wa gwo yi ntu gaiciya ɓo, to ge ya shi a Yahudiyi awyidna bwan. Ntuge zaho to lo n wo ɓa pwo n tu ɓa bwa shi ɓon.

Afilibiyi 3:6

N wyenyi? E, har ma ma ga ikklisiya wahala ma zhin atna ma shi a Yahudiyi awyidna bwa vinya.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Titus 3:5

Wa gniyi, tu ntuge n eyi ɓemana zhin ɓo nu wa gni yin, ama ntu n wo alheri ɓo n sun-sungye yi, wa zhan yi alaifiya, wa gayi agmada Zafun Gyi-gyi-yi nya n yi abugbami.

Aibraniyi 6:18

Deye kwa wu ge Shekwoyi alkawali zhin gaiciya nu. Kmisunyi Shekwoyi la wo ɓeda ga, ko ta shando n. Bayi, Shekwoyi la nyasi si, Wo ta ce akata m. Aza nɓa ɓe Shekwoyi aba, ɓa bwa abwi ba n bmazhin yi.

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Yohanna I 3:4

Ama aza n ɓa gyi abye n laiti zhinyi, ɓa zhin Shekwoyi nuwunyi nu, gama ata zhin alaifi doho-dohoyi n Shekwoyi ɓeye yi nun.