Afilibiyi 3:8 - Alkawali Woiwoyi

⁸ E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Afilibiyi 3:8 Iomraidhean Croise

Luka 1:43

Ai mi to shin esa ye pya bwa m, gama eza n woɓa ma emi Dagayi nyi wola ɓemi gnaɓi.

Luka 11:20

Amma ngye mi kun alijenu ya n Shekwoyi ikwo yi nu, to kwa wu nu ge Shekwoyi ʼbe mi la ɓe.

Yohanna 14:20

Nwyihi-i fye ɓo kpe ge mi dna lo n Dada, efyehin ce nfi lo nmi, omihin njesun n dna lo n fye.

Yohanna 14:7

Fye ɓo gna fye kpe mi ye lo, fye kpe mi Dada ye lo, nsayi ye fye kpe wo ye lo, fyei ku wo gye wye.”

Yohanna 16:3

Ɓa ɓo zhin nu, ntu ge ɓa ta kpe Dada ye lo kwo omi m.

Yohanna 17:3

Zokwo wye-wyeyi nyalo-nyalo nya nu nyi, ɓa kpe ge ho nu zhin Shekwoyi gaiciya nya gmanyi, ɓedo n Yesu Kristi yi n ha tnu nwoi dna anyi nyi.

Yohanna 17:8

Ntu ge mi ku ho awyidna ga ɓa vinya, ɓai la gwo. Ɓa kpe lo ge ma gmi nho aba nu, Oho na tnu mi.

Yohanna 20:13

Ɓa nya wo ɓo ge, “Nyikwoza knihin nu zhin hoi cibwi a?” Wa gna ɓa ge, “Ɓa la mi Dagayi la, mi ta kpe aba lo nɓa woi ya shim.”

Yohanna 20:28

Toma wa ci wo ge, “Omi Dagayi nmi Shekwoyi.”

Atnu-tnuyi Aɓozhin 20:24

Omi wye-wyei zhin gbeloyi nu sai dai ma zhin a pma n kwoi, ma zhin tnu-tnu n Shekwoyi ga mi nyi. Emi tnu-tnu nu ge ma gna azaje Shekwoyi yeye ɓo, nwo alheri yi.

Aromayi 8:18

Wahala n yi sin n saiye nyi kwo to kunce lo a mwi kwo do n mwa-mwai n wo ɓei gayi nyin.

Aromayi 8:39

Kwo aba n yi nyi, n eshe bmana, dna n nuwan yakwo min, Nyaho ta mi kwa gnayi ajeya n Shekwoyi yeye yin n wa wuyi dna n Yesu Kristi, Sanu n wa fi n yi ɓo nyin.

Akorintiyi I 2:2

Gama mi ɓei la tu ge miɓa bwa ɓeda tu n Yesu tukwo nu n Wo fiyi tu n zundu.

Akorintiyi I 9:10

Kwo woto ɓei zhin nubo nʼyi nu ma? Sosai kuwa. Wo ɓo da lonu Wa wu yi ge a Yesuviyi a tnu-tnuyi ɓa go lada n naza ba nɓa bma ɓa zhin. N fwa-nuyi yi, n nawyi luyi yi, ɓa na wyetu yi ɓa gyi ofwa ampanyi.

Akorintiyi II 4:4

Ɓa ta ga gaiciya lom, ntuge oɓa ɓo nubozhin fi lo a wyegma. Shetam nu nafi ɓa ɓo. Wo ta ye ge ɓa gye buzangna n kwo ɓe oɓa ʼba nyi m. Buzangna n kwo kun n nabari manayi aba n ko wu Yesu Kristi latu nyi, n wo nu zhin Shekwoyi degbe nyi.

Akorintiyi II 4:6

Shekwoyi n wa cige, “Buzangna ɓa knaya n wyegma aba nyi,” owo nu na zhin owo buzangna kwoi ɓe ya bugba, kwoi ɓe yi buzangna n Shekwoyi latu yekpe yi, nkwo nyi n Yesu awyeba nyi.

Agalatiyayi 1:16

Wa wu owo ɓi n mi mi, n na bai ma lo a byedo aba, mi wu ɓa Nabari manayi Yesu nya. Sanu n ɓeye ɓei zhin lo nu n mi-i, mi to ɓei lo zaho-zahoi aba ma wu won.

Afisusuyi 4:13

Har ya ga gaiciya gmanyi ntu n yi gni-gni ɓo, n yi Gniyi, Shekwoyi Nugun, ya mwa fi n Dagayi, E, har ya si aba n Kristi ɓa dna n yi mi dei-dei.

Afilibiyi 1:1

Bulus n Timatawus yi, Yesu Kristi a fyenu, eyi nu ka ga fye a Pasto n na abyedo yi n na Yesu viyi vinya n fye fi n Filibi zhi mi nyi.

Afilibiyi 3:10

Nsaiye mi ku anya vinya ya, miku gye okwonu zhin zokwo gmanyi n za ɓa kpe Kristi ye, oza kpe iko ye n kwo ɓo je wo wye-wyeyi ga nyi, ma bwa awyega wahala sin nya, n fi yi ngnisun n woi.

Afilibiyi 3:12

Mita ye ma ci ge mi la ze oza tna-laifi da nu n, mito tu aɓo mwi n kwo kunce ma tu mwi n. Ama mi zhin tnu-tnu lo abye har ewyi n mi ɓei ze enya n Kristi wa gni mi ntu ce, woi yemi ma ze nyi.

Afilibiyi 3:7

Ama anya deye vinya n mi ɓei gye ɓa n na pmai, nsaiye mi ku ɓa ya vinya n na bai ma kpema, ma tu awye n Kristi nu gmanyi.

Timatawus II 4:6

Mi da ɓeye gama mi to gnilo n mi ɓa bmaho zhin, Emisa la gasi, Esa fyewyi mi ɓa wan zokwo maloʼshe.

Aibraniyi 3:14

Yi kuze agado gyiyi n Kristi yi, yi zhin wo aɓi ɓehin-hin nya nu, N ya mi zhi dna gaiciya ga har nyalo-nyalo.

Bitrus I 2:7

E, wo n latu yi lo n fya ba n fye ku gaiciya ga nyi, n na zaba n ɓa la wa ɓo na nyi, To, “Kuta ho n na a nyakunmiyi la kwa ɓo nanyi, kwo la ze kuta nyakun-bwakonu nya nkwo du n mwa-mwa n na pmai dna nyakun mi nyi.”

Bitrus II 1:2

Fye ye Shekwoyi alheri lo woye ga fye lo abye? To, fye tumwi fya kpe woye lo abye-abye.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

Bitrus II 1:8

Nfya gyabye lonu, fye ɓa gna kala bwa-bwa dna zafun har fya ze aza apmada n yi Dagayi Yesu Kristi aba.

Bitrus II 3:18

Ama fye mwa fi n alheri, n yekpe yi eyi Dagayi n Gniyi yi Yesu Kristi nya. Mwamwa vinya n latu yakwo yi, ɓa kunsun woi nyalo-nyalo. Amin. Sai wyihoi.

Yohanna I 1:3

Ma gnafye njesun, yi gnafye oɓo nu n yi ku gye yi ku to bwa, nna abai fya bwa jedoɓe n na gmadai n yi cei lo n Dadayi n Yesu Kristi owo Nugun.

Yohanna I 2:19

Aza n ɓa zhin gaba n Kristi yi nyi, ɓei fi n yi aduwa nyakun, ama ɓa to ɓei kunsun n yin to ɓaye kun, esa nɓa ɓei fa yi nyi kwo ku wuyi ɓa to ɓei zhin eyi anya num.

Yohanna I 5:20

Yi kpelo ge Kristi, Shekwoyi Nugun, nla ɓe wa bmayi zhin, yakpe, ya bwa Shekwoyi hinhin ye, Nsayiye yi filo n Shekwoyi ntuge yi fi lo n Yesu Kristi owo Nugun. Nwonu zhin Shekwoyi gaiciyada gmanyi, owonu zhin wyewyeyi nyalo-nyalo nya.