Afilibiyi 3:20 - Alkawali Woiwoyi

²⁰ Ama eyi a-yi lo n ʼshemi, aba n yi gniyi, Dagayi Yesu Kristi nyi. Yiye zlii yi pmi wo nu, wa jeze zhi.

Afilibiyi 3:20 Iomraidhean Croise

Matta 19:21

Yesu wa gna wo, “Ndei ho ye ha ze za nu-nuyi, lo ho ku anya kun vinya n ho cei, ha ku agyiwye ga a san-yi, ho ɓa bwa duciya n she, ha ɓe ha vi mi.”

Luka 12:21

“I, zaho-zahoi wa zhin aziki n anyi ye, to wa zhin n she m, wola ze zagbolo.”

Luka 14:14

Nnabai wyi yi n Shekwoyi ɓei ku azafi kala nyi, woi gaho lada ntu aza ɓo n ɓa to mi ɓa gbaho nyi m.”

Atnu-tnuyi Aɓozhin 1:11

Aza n ɓa nu a gna “Agalili yi fye gye kniyi nu ʼshe a? She fye gye Yesu woi lo nyi elonu wo ɓa jeze ɓe.”

Akorintiyi I 1:7

Fye la alheri doho-dohoi bwa nna anabarka yi n sayi; zafun nyaga doho-dohoi n iko yi fya zhin Wo ɓeye, ɓa zhin fye nya nu dna saye n na zhi ai pmi eyi Dagayi Yesu Kristi Jezeɓe nyi.

Akorintiyi I 15:48

Zanyikoci doho-dohoi n nayi wu ngye Adamu nya n na zhin ko nʼkni butukun nya, ama oza n wa ze Kristi nya, wa bwa wo nayi pya nayi nko gmi nʼshe.

Akorintiyi II 4:18

Gama yi zhin ya hankali dna, n anya nu n nata gyeɓa wyem. Nya aza gye kwo ta mwa sam, ama nya aza ta gyem, okwonu mwasa so-sai har nyalo-nyalo.

Akorintiyi II 5:8

Yi wyepai lo so-sai ama yi gna ye lo ya fa nayi ye, ya lo Shekwoyi puwa.

Agalatiyayi 4:26

Amaeyi zhimi zhin Urushelima eshe nya nu, kwoi to zhin a Yahudiyi aɓo kni fyenu nun.

Afisusuyi 2:19

Nsaiye fye to zhin a zhiɓei nu n Shekwoyi aban, kwo a zhiɓei n; eshen, ama fye zhin Shekwoyi apuwa da nu, Shekwoyi-kni aɓi, fye zhin Shekwoyi puwa azanu, n gnisun n a Yesu viyi ajei.

Afisusuyi 2:6

Wa kuyi kala n vingwo fi n mwa-mwa n gnisun n Kristi yi. Aba n yi sase n gnisun n woi n eshe mi, ntu nya ɓo n Yesu Kristi ɓei zhin nyi.

Afilibiyi 1:10

Gama mi ye Ifya kpe ɓe nukwoyi ye n ɓemanayi cewo. Fye ku ze a gyi-gyi-yi n fye mi, to oza mi wa gye fye laifin har esa n Dagayi ɓa jeze ɓe n cei.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Akolosiyi 1:5

Fye pmi agmada eshe nya nu, tunyi esa n na ɓei kmi fye waʼazi nabari manayi nya zhin nyi.

Atasalunikayi I 1:10

Ɓai da lo ngye shi fye nawyetuyi lo ntu Shekwoyi Nugun jezeɓe n ʼshe, wato Yesu, n Shekwoyi ɓei la wo kala n vingwo nyi, wo nu zhin eyi Gniyi n Shekwoyi minagyi n kwo ɓe lo nyi.

Atasalunikayi I 4:16

Gama Dagayi nu ɓei kashi ɓe n eshe, n wyisa kalai, wyisa a malayika esu ɓegye nya, n Shekwoyi mwayi yi. A Yesu-viyi n ɓa ku fi, ɓanu ɓei kukala n na abye ɓa sun n Dagayi.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Titus 2:13

Yi shi esayi awye n yi pmi nyi, n na aɓei gyewo mwa-mwa wye n cei nyi, mwa-mwa eyi Shekwoyi dnagmayi n eyi Gniyi Yesu Kristi yi.

Aibraniyi 12:22

Amma fye ku ɓe Sihiyona pe, kwo nu zhin Urushelima eshe nya. Fye ku ɓe amalaika yezhi ba, agmada ʼba.

Aibraniyi 9:28

Ntu cenu Yesu ɓei fi ntu yi ɓo zungmanyi, wo ɓei fi eyi a laifi fi nu. Amma wo ɓei la laka n vingwo, wo je ze ɓe lo wa gni aza nɓa vi wo nyi.

YOHANNA ƁEWYEGYE 1:7

Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.