Afilibiyi 3:2 - Alkawali Woiwoyi

² Fye zhin peceiye n na za nukwoyi, amwi, nɓa gna ge sai oza zhin kaciya nu a kpe wo gni nyi.

Afilibiyi 3:2 Iomraidhean Croise

Matta 24:10

“N mwa begye n fye mi n ɓa ɓo jeze na vun yi fi n laifi, fye ga fyehin, fyei wun aje nu.

Matta 7:15

“Fye zhin pceiye na malami akata nya yi ɓa zhin ɓa ɓe ngye akni ntna ɓaina, ama n ɓa mi, a cam-cam nu ɓa ɓa gna fye ajeya laɓa.

Matta 7:6

“To fa nya gyi-gyi-yi ga aza nukwoyi m, to ga aburutu nya manayi m. Ɓa ɓa kpe kwo apita, ɓa pmi da fye nsayi ɓa sa fye ya.

Aromayi 2:28

Fye to zhin a Yahudiyi hin-hin nu shifye azakwoyi zhin a Yahudiyin, kwo kuwa shifye zhin kaciyan.

Akorintiyi II 11:13

Shekwoyi nu to tnu n na aza ye pyayin. Kwo fyewyi, ɓa zhin akataceyi nu, ɓa dnafye kwoce n gye ɓa zhin Kristi atnu-tnu yi.

Agalatiyayi 5:13

Emazaje, ala loloya ga fye, to ge loloya fya zhin ɓenukwo yin, ama loloya fya ye na jei fya bma je zhin.

Agalatiyayi 5:15

Ama ndei maimakon fye wu ye-ye, fye ce fyei wu anya n na jei, fyei wun aje nu, fye zhin peceiye. Fye zhin peceiye n na jebwi yi.

Agalatiyayi 5:6

Eyi, n Kristi la wye-wyei nyalo-nyalo nya gayi nyi, yi to n na apmai lo ya damu kwo yi kaciya yi zhin lon, ko yi shi a Yahudiyi awyidna bwa lon, ntuge nya n yi ye kwonu zhin gaiciya ga tnu-tnu dna n ye-ye.

Afilibiyi 3:19

Oɓa kpegni ba abwi nu, gama oɓa Shekwoyi kwo nu zhin ɓa shakpe, ɓai mwa ɓahin tukwo n ɓa kunce ɓa wo vinyikwo, enya nɓa zhin nubo vinya, okwo nu, zhin anyi ye n ɓa nyai vinya.

Afilibiyi 3:3

Gama eyi nayi zunya nu ta ze yi Shekwoyi aɓin, mwa-mwa ga nu n yi Zafun yi, kaciya hin-hin nu, eyi a Yesu viyi, yi dagma fi n nya n Kristi Yesu ku zhin gayi, yi kpe ge yita mi n yihin bma-zhin ya gni yihin tukwon.

Timatawus I 1:19

La gaiciya ga shi n kalai dna n Kristi ha anubo-zhin ze agyi-gyi-yi, ha zhin oɓo n kpe ge kwo zhin ɓemana nu. Gama azaho n la oɓa anubozhin zungna ɓai zhin oɓo n ɓa kpelo ge kwo to bmiya lon, kwo to zhin ɓe wo-woyi nu shi ɓa ya ɓa gaiciya ga dna n Kristi, ɓai la Shekwoyi eye aɓo na lo nun.

Titus 1:16

Azayi pya ci ge ɓa kpe Shekwoyi ye, ama nha gye nya n ɓa zhin, ha ku kpe ge ɓata kpe wo ye lon. Ɓa wun-wun yi ya, to ɓai vi ɓom, n tna a pma dna n ɓe manayi zhin.

Bitrus II 2:22

Anyi ɓesi-si kwo-kwoi lo ai cige, “Omui zhin kwa jeze ɓe da okwatu, a fu burutu nuwan kwa jezeɓe kwa nya kma-kma dna na denbi nu.” Kwo wu lonu, n naza ba n ɓa jeze ɓeda ɓa laifi.

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.

YOHANNA ƁEWYEGYE 2:9

“Mikpelo shi ho sin wahala ntu Dagayi ɓo nsun, mikpe oho awye kwoye lo, (amma ho n nabwa eshe nyayi lo.) Mi kpe aza kwoce dnai yelo n ɓa gni apa-pa n hoi nyi, nɓa gna ge ɓa zhin a Yahudiyi nyi Shekwoyi aɓi, ɓai to zhin owo aɓi nun, gama ɓa ce Shetan zokwo golo.

YOHANNA ƁEWYEGYE 21:8

Ama aɓiɓi n ɓa fa mi viɓo ɓai jeze n na avun yi, n na azayi nɓa ta nu egben, n na cegye dayi, azawuyi, n na aɓenukwoyi-zhinyi, n na aza yi n ɓa daɓo n alijanu yi, n na shangbayi, n na a kataceyi vinya, oɓa abwiba nyi n anapi ena zundna n kwo gyi ena n sulfa yi. Efi bayi nu.

YOHANNA ƁEWYEGYE 22:15

“Aza nɓa bma Shekwoyi zokwo ya to ɓai vi won, n na aɓeyi, n na a shan-gbayi, n na azai n ɓa ye akata, ɓai ce ɓa.

YOHANNA ƁEWYEGYE 3:9

“Wo ga, miɓa tu azayi tile n ɓa ce shetan zokwo gwolo ɓai gwo gna ge ɓa zhin emi nya nu nyi (amma ɓato zhin emi anya nun – ɓace akatanu,) ɓa ya zhi n ho a pita ba ɓakpe nge oho nu zhin oza n mi ye.