Afilibiyi 3:19 - Alkawali Woiwoyi

¹⁹ Oɓa kpegni ba abwi nu, gama oɓa Shekwoyi kwo nu zhin ɓa shakpe, ɓai mwa ɓahin tukwo n ɓa kunce ɓa wo vinyikwo, enya nɓa zhin nubo vinya, okwo nu, zhin anyi ye n ɓa nyai vinya.

Afilibiyi 3:19 Iomraidhean Croise

Matta 16:23

Yesu wa gna Bitrus, “La mi ka lo bwai, shetan! Ho zhin kuta bonyice nya-nu maba. Eza ɓemwi nu n ho da, Shekwoyi nya nu to m.”

Matta 25:41

Ma ɓo pmi ma gna aza, nɓa zhi nmi bwaikmi nyi, Fye la ku mi ka, aza aknituyi, fya lo ena a ɓo zhin shiri ntu Shetan ɓo ɓedo nwo amalaika yi nyi.

Luka 12:19

Nsayi ma ci mi wye-wyeyi ge, la sun lonu, gama ho n nyagyi lo har n ayei mwa. Ntuce nu dagma ha gyi hoi sin.’

Luka 16:19

Yesu wa cige, ozaho ɓei nyi n agyiwye yi sosai. Wo ɓei na je yi n mwa har woi dagma n saho-sahoi.

Luka 18:4

To Alkali yi wa gye wo ngye nya ho m. Amma nyikwoza yi woi ɓe cici. N sayi Alkali yi wa cige Koda shike niita wo Shekwoyi dna m, ko gbagyi za m. Dole ma da nyikwoye wa dai-dai gama wola gna mi gna-gna.

Aromayi 16:18

A zayi pya ta zhin tnu-tnu ga eyi Dagayi Yesu nun, ama ɓaye gyiba ga ɓahin nu. Ɓa zhin a ɓeda kpedayi nu, aza nɓato ceceyin, ɓata wo ɓa kwoce dnan.

Aromayi 6:21

Fya bwa kni gyiba yiʼa? Gyiba to ɓei bmiyam, tunda vinyikwo wo fyelo fyei ya zhin aɓo nubo n fyeɓei zhin fyei zhin nyi. Ntuge aɓeye zofi n anapi nu n Shekwoyi minagyi yi.

Akorintiyi I 3:3

Ntuge fyeye zhin a Yesu viyi-putu nu, fyei vi fya ɓeye, toge Shekwoyi nya m. Sanu fye wun aje nu fyei gnajeya ntu nanya wu ɓo, kwo ta wu nu ge fye zhin aɓi-putu nu fyei ye fyehin zokwo m? Ɓehin-hin, fye zhan ɓo lo ngye aza nɓa to zhin Dagayi nya num ko fye-fye.

Akorintiyi I 5:2

To fya zhin aɓoko ge na, fye gye ge fye fi n zafun nu? Ai ko kamata lo bugba wunfye ɓedo vinyiko yi, har fya gye fye la zayi pya biya n fya tasin.

Akorintiyi I 5:6

Ko zhin ɓo nukwoyi nu fyei gma ntu fye gyi-gyi ɓo, ama fyei fa ɓeye pya koi gyabye. Fye ta kpe lo ge n na fa zaknayi dna wo laifi, sa fyewyi aɓa wan wo zokwo m?

Akorintiyi II 11:12

Ama, mi ɓa zhin ma zun aza kni n ɓa gma ge ɓa zhin Shekwoyi tnu-tnu nu shi yi zhin nyin.

Akorintiyi II 11:15

Ntuce nu kwo to zhin oɓe wo-woyi nu, owo abara ɓami ɓa zhin lo nu ce, ɓa ze n gye a tnu-tnuyi, manayi. N navun ɓa ɓa gwo tata doho-dohoyi, nɓa atnu-tnu nukwoyi kunce lo n cei.

Agalatiyayi 6:13

A Malami hi nɓa vi kaciya nyi, ɓa ta shi a Yahudiyi awyidna bwan, ama, ɓaye fya zhin kaciya n nabai ɓa zhin aɓokwo nge fye zhin ɓa bara nu.

Afilibiyi 2:21

Zaho-zahoi ce woi wo wohin nu ɓo, to woi shan Yesu Kristi ɓo won.

Akolosiyi 3:2

Fye zhin aɓo nubo nu n ɓa lo eshe, fyeto la esa n mwa n na anyiɓonubo zhin yin.

Atasalunikayi II 1:9

Aɓei taɓa fi n anapr nyalo-nyalo nya, n gnajegna-gnayi ya n Dagayi, ɓa ta gye owo iko mwa-mwa wyen, har abada.

Atasalunikayi II 2:12

Aɓei da ɓa owa dei-dei shi ɓa ga akata gaiciya, ɓai na gaiciya aɓo, ɓai gyi abye fi n ɓa a laifi.

Atasalunikayi II 2:8

Nsai oza nukwoyi ye ɓei ɓe, oza n Dagayi Yesu ɓei bmiwo na n wo gbe osun yi, woi wu wo, esa n wa jeze ɓe n cei.

Timatawus I 6:5

Aɓenaiye n ɓa bugbai nunu yi n ɓenukwoyi, ɓa ta kpe gaiciya da m, n ɓa aba Nabari manayi zhin agyiwye bwa zokwo nu fye la bui ɓa si.

Timatawus II 3:4

Ɓa ɓei kun oɓa anugundo, a tukwo gnana-kwoyi n nu-nuyi n na aɓokwoyi, ɓai gna agmada ye ndu Shekwoyi mwa-mwa ga.

Yakubu 4:16

Nto lonu, fye mwa fyehin tukwo nu, tukwo-mwa ye pya ta da Shekwoyi n.

Bitrus II 2:1

Ama a anabi akatai ɓei nyi nna nyipyei avun nyace, ngye shi amalami akatai ɓa kun nfye mi nyi. Ɓa ɓei ce akata nʼgbai tu n Shekwoyi tukwo, ɓai pmi avun wu ɓa Dagayi nwo ɓei si ɓa nyi; ama wahala bwi-bwi nya ɓelo tu nɓa jtukwo npye-pyei.

Bitrus II 2:13

Lada nyi n na malami ye ɓei gwo ntu ɓa laifi ɓo. Ntuge ɓa sase fi nanyi da nukwoi fyegyi-fyegyi, ɓa zhin a vinyikwo nya nu n na aci gusai n fyaba, ɓa dna fye kwoce, ɓai sasefi n na laifi nukwoi n sahoi, har ɓai lofi nfya gmada ye-ye nya ngyeɓa zhin aza manayi.

Bitrus II 2:3

Amalami ye, ntu ɓa shakpe ɓo, ɓa ɓei gna fye ɓeho-ɓehoi ntuge ɓa bwa fye agyiwye. Ama Shekwoyi ɓei laɓa zunkni tunyi n sapa, oɓa bwi-bwi tulo n zokwo.

Yahuda 1:10

Ama aza deye, ɓa kpe anya agye, ɓai kni anya akmi n ɓa to nɓa awyegayin, ngye anya fanya ɓai zhin aɓo n ɓa gye dama, ɓai lo n ɓa awye-wyeyi n na abwi.

Yahuda 1:16

Aza deye zhin anya abwa shiyi nu nyaho ta kunɓa, bai zhin ɓenukwoyi doho-dohoi n ɓa gye, ɓai mwa ɓahin n gbeyi, n ɓa ga aza mwa-mwa ɓa ga ntuge ɓa ye nyaho nu.

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.

YOHANNA ƁEWYEGYE 18:7

Wola sase dna n nanyi do n agmadai, mwi kwo do n kasu n ibugbawunyi n anyi. Nsayi woi gma nge, ‘Mi zhin Sarauniya nu tu n mi esu-shinkpegye, mito zhin anyigbai banzanya nun, mi ta kpe bugba wun yen.’

YOHANNA ƁEWYEGYE 19:20

A wan Nyawye-wyei n Anabi Katayi, n wo zhin aɓo wowoi esa n Nyawye wyei nukwoyi gni n cei nyi, aɓo a wo-woi nɓa dna aza kwoce n ɓa ɓei gwo Nyawye-wyei Nukwoyi zetu, n ɓa ga owo nya zhin-zhin mwa-mwa nyi, Oɓa ba Nyawye-wyeyi nukwoyi n wo anabi Katayi a sheɓa yafi n wye-wyeyi yi n ena zundna n kwo gyina n suffa yi nyi.

YOHANNA ƁEWYEGYE 21:8

Ama aɓiɓi n ɓa fa mi viɓo ɓai jeze n na avun yi, n na azayi nɓa ta nu egben, n na cegye dayi, azawuyi, n na aɓenukwoyi-zhinyi, n na aza yi n ɓa daɓo n alijanu yi, n na shangbayi, n na a kataceyi vinya, oɓa abwiba nyi n anapi ena zundna n kwo gyi ena n sulfa yi. Efi bayi nu.

YOHANNA ƁEWYEGYE 22:15

“Aza nɓa bma Shekwoyi zokwo ya to ɓai vi won, n na aɓeyi, n na a shan-gbayi, n na azai n ɓa ye akata, ɓai ce ɓa.