Afilibiyi 3:12 - Alkawali Woiwoyi

¹² Mita ye ma ci ge mi la ze oza tna-laifi da nu n, mito tu aɓo mwi n kwo kunce ma tu mwi n. Ama mi zhin tnu-tnu lo abye har ewyi n mi ɓei ze enya n Kristi wa gni mi ntu ce, woi yemi ma ze nyi.

Afilibiyi 3:12 Iomraidhean Croise

Matta 5:48

Ama kwo bmiya fya ze aza nunuyi, ngye shi efye Dada n wo dna n ʼshe nyi, wo zhin nunuyi nu.”

Atnu-tnuyi Aɓozhin 9:15

Amma Dagayi wa gna wo e, “lo ho zhin ɓo ma gna ho, gama Bulus zhin omi ʼza kni-kniyi nu ntu ge wa dami nabari n abye aba, n asu yi, na Israilayi vinya.

Aromayi 8:39

Kwo aba n yi nyi, n eshe bmana, dna n nuwan yakwo min, Nyaho ta mi kwa gnayi ajeya n Shekwoyi yeye yin n wa wuyi dna n Yesu Kristi, Sanu n wa fi n yi ɓo nyin.

Akorintiyi I 13:10

Ama shi aɓei ku yi ze nunuyi anya ga atna nuyi ye, ɓa ɓa duya.

Akorintiyi I 13:12

Nlonu, nya yi gyelo nʼsaiye, yi kpawyega tu n Shekwoyi tukwo nyi, ko wulo duru-duru ngye shi oza zhin wa gye wohin duru n maganyi cegyeda nyi; ama n wyihoi yi ɓa gye Wo pei-pei shi Wo nyi dna Wo nunu-ntuge Wo ɓei ce yawye yihin yi ce Wawye. Oɓo mi kpeye lo nsaiye, mi kpeyelo kpe nʼsheshe nu, ama n wyihoi, mʼɓei kpeye n shince nʼkni yi, n nunuyi njesun ngye shi Shekwoyi kpe miye lo n nunuyi nyi.

Akorintiyi I 9:24

Lalle fye kpelo ge nna wyefan ba, asubui vinya nu zhin ɓa busi, ama zaknayi nu zhin wa bwa lada kmisun-yi gwo. Ntucenu fye bui si ntuge fya gwo lada-yi.

Akorintiyi II 13:9

Adayi lo shi yi to n kalayi lon ai ciyi wyegba, ama fye n kalayi lo. Eyi ɓemwi n yi aduwa zhin yi, okwo nu zhin fya ku ze a Yesu vi yi kalada.

Akorintiyi II 7:1

Ntu n na alkawali dnagmayi ɓo n na a cei gayi nyi, omi a nugundo ye-ye-yi, yi la awye pmi ya n ɓonukwoyi doho-doho yi, Ko dna n zafun, ya ze yihin a gyi-gyi-yi, ya zan-zan n Shekwoyi dnawoyi, yi ga yihin tukwo n wo akun.

Agalatiyayi 5:17

Gama yi gna ye ya zhin ɓo n yi nayi a gnayi ge yi zhin, gbo n nyai n Zafun Gyi-gyi-yi ye ya zhin. Anya manayi n Zafun ye ya zhin ɓa wu gbo n nyai n nayi ye ya zhin. Anya deye ngun aba n ɓafi n yi nayi nyi, ɓa sunkun na jei n na bai ɓa gyi nasara n yi tukwo, ɓai gna ya ɓomwi gna-gna.

Afisusuyi 1:4

Tunyi n sapa, to ai zhin anyi n, Shekwoyi wa kni yi n na bai ya ze wo nya, ntuge wa zeyi aza agyi-gyiyi n wo awyeba, ntna laifi, eyi n yi gni-agni zhi n wo abye n wo ye-yei pwi.

Afisusuyi 4:12

Kni nu zhin woi gayi ɓe-kpezhin n nabai ya kpe aɓo zhin n bmiya? N na abai Shekwoyi aza ɓami ɓa zhin tnu-tnu manayi gawo, ɓa mi ikklisiya, Kristi nayi kwa mwa kwa bwa kala.

Afilibiyi 1:1

Bulus n Timatawus yi, Yesu Kristi a fyenu, eyi nu ka ga fye a Pasto n na abyedo yi n na Yesu viyi vinya n fye fi n Filibi zhi mi nyi.

Afilibiyi 3:16

n fya vi gaiciya n fye n cei nyi.

Afilibiyi 3:3

Gama eyi nayi zunya nu ta ze yi Shekwoyi aɓin, mwa-mwa ga nu n yi Zafun yi, kaciya hin-hin nu, eyi a Yesu viyi, yi dagma fi n nya n Kristi Yesu ku zhin gayi, yi kpe ge yita mi n yihin bma-zhin ya gni yihin tukwon.

Afilibiyi 3:8

E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Atasalunikayi I 5:15

Fye to ye nge oza wo gba ɓenukwoyi ta n ɓenukwoyi yin, ama fye zhin atna fya zhin aje ɓemana, n na azaje vinya.

Atasalunikayi II 2:13

Ama tilas ya zhin Shekwoyi godiya cici ntu fye ɓo, eyi aza je n Dagayi ye fye nyi, gama Shekwoyi a ɓei kni fye tunyi n sapa, wa ga fye gni-gni, woi zhan fye ya n Zafun Gyi-gyi-yi ntu fye kpema ɓo n gaiciya.

Timatawus I 5:10

Azai dawo ɓeda manayi ntu n wo atnu-tnu manayi ɓo n wo ku zhin, woku owo aɓi shi n bmiya? Woku ɓemana zhin a zhiɓei n na a Yesu viyi ajeyi? Wo ku bma a nyasan yi zhin n na bugba wunyi? Wo n cei pma n sai vinya wa zhin ɓemana?

Timatawus I 6:19

Nɓa zhin nlai ɓa so nya bwa hin-hin shi nu nshemi, nyaso shi manayi nu nyalo-nyalo nya. Ɓa se ase manayi n kwo kunce n na a Yesu viyi n na anyi deye.

Aibraniyi 12:14

To je zaho-zahoi m, ha zan-zan gyi-gyi-yi cici, Ntu ge aza n ɓa to gyi-gyi-yi m, ɓa ta gye Shekwoyi wye m.

Aibraniyi 12:23

Fyehin kwa wato zaho-zaho n wo eye katu lo n Shemi, fye ɓe Shekwoyi-wada yi aba, fye ɓe azafun aza gni-gni yi nya aba. Ɓa lo n ʼshe, ɓa ku ze n nu-nuyi.

Aibraniyi 13:21

Shekwoyi wo gba fya bukata ntu ge fya zhin wo ɓeye. Wo zhin ɓo n yi-i, nwo cei pma, wo zhin ntu Yesu ɓo. A ga Yesu mwa-mwa nyalo-nyalo.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Bitrus II 3:18

Ama fye mwa fi n alheri, n yekpe yi eyi Dagayi n Gniyi yi Yesu Kristi nya. Mwamwa vinya n latu yakwo yi, ɓa kunsun woi nyalo-nyalo. Amin. Sai wyihoi.