Afilibiyi 3:10 - Alkawali Woiwoyi

¹⁰ Nsaiye mi ku anya vinya ya, miku gye okwonu zhin zokwo gmanyi n za ɓa kpe Kristi ye, oza kpe iko ye n kwo ɓo je wo wye-wyeyi ga nyi, ma bwa awyega wahala sin nya, n fi yi ngnisun n woi.

Afilibiyi 3:10 Iomraidhean Croise

Matta 20:23

Wa gna ɓa, “Fye ɓa ku sin nkwo. Ama mi ta mi ma da, aza n ɓa ɓei sase kpe na shinkpegye n wo Vivi n Mi yi m. Aba deye zhin ntu naza ɓo nu n mi Dada wa ga ɓa.”

Yohanna 10:18

Zaho-zahoi ta mi wa wu mim, akpe ma ye. Omi nu ga mihin tukwo. Ntuge mi iko yi lo ma ga kwo esa nma ye njesun ma gwo kwo esa nma ye. Gama, Dada la iko ye ga mi.

Yohanna 17:3

Zokwo wye-wyeyi nyalo-nyalo nya nu nyi, ɓa kpe ge ho nu zhin Shekwoyi gaiciya nya gmanyi, ɓedo n Yesu Kristi yi n ha tnu nwoi dna anyi nyi.

Aromayi 8:17

Shi yi zhin owo aɓi nu nyi, yi ɓei gyiwo gado – ntuge nya n Shekwoyi gawo Nugun Yesu kwo zhin eyi nyanu ce. Ama n yi ye owo mwa-mwa tilas ya gye azhin nkunsun nwoi.

Aromayi 8:29

Ntuge, tunyi n kmisunyi, Shekwoyi ɓei ku da aza vinya n ɓa ɓe wo aba, wo ɓei n cei pma-kpe aza nɓa ɓa ɓe–ɓa ze ngye owo Nugun, n na bai owo Nugun wa ze oza kmisunyi dna nwo azaje.

Aromayi 8:36

Awo, gama littafi a gnayi, ntu n wo ɓo tilas ya zhin shiri ya sin wahala n saho-sahoyi, yi wu ngye akni nu n ɓa pmi a wuɓa.

Akorintiyi II 1:10

Dna efi wahala yi pya wa gni yi woi ɓo gniyi nabye. Yi na wyetu yi lo nge wo ɓa gyi abye wa gni yi.

Akorintiyi II 1:5

Shi yi sin wahala ngnisun n Yesu yi dna nwo a wahala nyi, elonu yi ɓa bwa owo bmazhin ɓedo n bugba fu yi.

Akorintiyi II 13:4

Ewo nayi kala gbayi ɓei lafi tu n zundu, ama nsayi ye wo n wye-wyeyi lo dna n Shekwoyi iko. Eyi n yi cenyi yi gba kala gba-gbayi lo dna n nayi, shi wo ɓei gbakala, ama nsayiye yi sase n kalayi shi wo ncei nyi, n Shekwoyi ikoyi vinya n wo aɓo zhin nfye yi.

Agalatiyayi 2:20

“Alami zundu n gnisun n Yesu yi, emi n mihin mito ye lon, ama Kristi nu dnalo n sayi ye n mi-mi. Wye-wyeyi hin-hin n mi ncei lo-lo dna n nayi ye n saiye nyi, kwa ɓe ntuge ma ga Shekwoyi Nugun gaiciya nu, n wa yemi wa gawo wyewyeyi ntu n mi ɓo nyi.

Agalatiyayi 6:17

Nsaiye, fye to shan dami n miyi ntu n na ɓeye tukwon, gama mi n na aci gusayi kpelo n mi nayi n na Yesu anuwun yi ɓei lumi ntu n wo ɓo, kwa wunu ge mi zhin wo fyenu nu.

Afisusuyi 4:13

Har ya ga gaiciya gmanyi ntu n yi gni-gni ɓo, n yi Gniyi, Shekwoyi Nugun, ya mwa fi n Dagayi, E, har ya si aba n Kristi ɓa dna n yi mi dei-dei.

Afilibiyi 3:8

E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Akolosiyi 1:24

Ama emi tnu-tnu nu ma sin wahala ntu fye ɓo, ai dami lo, gama mi bmazhin lo ma nu Kristi azhingye n tu wo nayi ɓo, wato ikklisiya.

Akolosiyi 2:13

Fye ɓei ku fi fi n fye alaifi, ato ɓei zun fye a shakpe a laifi nya yan. Wa ga fye aba dna n Kristi wye wyeyi gama wo ɓei ku fye zhin gafara.

Akolosiyi 3:1

Shi fye ɓei bwa wye-wyei n jesun, esa n Kristi ɓei laka n efi nyi, fye la awyetu, nwo nyabwa yakwo, n na gmadayi eshe nya, aba n wo sase tu lo n Shekwoyi bwaizhebwa, n she n mwa-mwai n ikoyi nyi.

Bitrus I 1:3

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.

Bitrus II 1:13

Ama Dagayi Yesu Kristi ku wumi ge ema nyipyei n na nyiye, ɓaku ga nu, miɓa fi esa fyewyi sa n mi ye wye-wyeyi lo kpa, miɓa tnu fye na ɓepayei cici,

Yohanna I 2:3

Yi ɓa kpe nwuna nu ge yi zhin owo anya nua? N ya shi yihin awye, yi zhin atna lo ya zhin oɓo n wo ye?

Yohanna I 2:5

Ama aza n ɓa zhin oɓo n Kristi a gna ɓa ge ɓa zhin, ɓa ɓa tumwi ɓa ye Shekwoyi ndudu, nlonu yi kpe kwo yi zhin a Yesu-viyi nu.