Afilibiyi 2:9 - Alkawali Woiwoyi

⁹ Ntu cenu Shekwoyi ɓei la wo kala tu n eshe wa ga wo eye ndu aye aje vinya.

Afilibiyi 2:9 Iomraidhean Croise

Matta 11:27

“Emi Dada ku anya vinya fa fi n ma kun. Dada gmanyi wo nu kpe Nugun ye, Nugun ce wa kpe Dada fye ɓedo naza yi n Nugun wu ɓa Dada.

Matta 28:18

Yesu wa gna wo abara, “Iko vinya n ʼshe ɓedo na nyi yi, a la ga Mi.

Luka 10:22

Emi nu zhin Shekwoyi maimako n nyaho-nyahoi zaho to lo woi kpe nugun ye m, n zai n nugun la kni ge wa wu wo”.

Yohanna 13:3

Yesu ɓo ku kpe ge, Dada ku anya vinya fa fi nwo akun, njesun shi wa gmi Shekwoyi aba nu nyi, wo ɓa je ze lo Shekwoyi aba n njesun.

Yohanna 17:11

Miye ma fa anyi nu, ma ce ɓa fi ʼya, ma ɓe ho aba. Dada Gyi-gyi-yi, oɓa nu nho ku ga mi nyi, mi ye ha kna ɓa nho ikoyi, ntu ge ɓa ze gmanyi, ngye shi yi zhin gmanyi nyi.

Yohanna 17:12

Esa nu mi ɓei dna cei nanyi nyi mi ɓei la ɓa kna, mi-i gu ɓa, dna n eyehi n ho ɓei ga mi nyi. Nabai to ɓa bwim akpe ena ɓi ntu ge wanu Littafi Gyi-gyi-yi ɓeda.

Yohanna 17:5

Nsaiye, Dada, la mi tu nho aba, n latu pyai nmi ɓei cei shin sun nhoi, tunyi to ai zhin anyi nyim.

Atnu-tnuyi Aɓozhin 5:31

Shekwoyi lawo ze yerima ɓedo n gniyi. Wa zhin ce lo nu ntu ge a Israilayi ɓa ya bui, a zhin ɓa laifi gafara.

Afisusuyi 1:10

Owo nufi nu nyi, nge sanu nsa lasi wo ɓa yei zhi n gnisun, aba n yi nyi vinya n eshe kwo n anyi, ya gnisun n woi dna Kristi nyalo-nyalo.

Akolosiyi 1:18

Owo nu zhin Tukwo, owo nayi nya, wato ikklisiya-nwo ɓei ya, owo nu zhin shugaba aza nya nɓa kukala n efi, n na abai wa zhin kmisunyi n na anya vinya.

Atasalunikayi II 1:12

N lonu aza vinya ɓa ci Dagayi Yesu Kristi eye, ntu n na aɓo ɓbo gye n nfye. Ofye mwa-mwa dnagmayi nunyi vinya, nge fye zhin Kristi nyanu. Sun-sun gye dnagmayi eyi Shekwoyi nya, n Dagayi Yesu Kristi yi nu na zhin deve kwoi si fye.

Aibraniyi 1:4

Aɓei la Yesu ze oza ndu a malaika. Aga wo eye ndu oɓa nya.

Aibraniyi 1:9

Ho ye atnu-tnu manayi to haye alaifi m. Ntu ce nu oho Shekwoyi gmanyi, wa gaho agmada duduyi.

Aibraniyi 12:2

Yi shi Yesu nu awye, wo nu zhin yi gnabye. Vinyikwo to ɓei wo wo wa fi ntu ya laifi ɓon. Wo ɓei kpe ge kwo ɓa ɓe wo n mwa-mwai. Nsaiye kuwa wo tu lo n naba duduyi n kunsun n Shekwoyi n ʼshemi.

Aibraniyi 2:9

Ama yi gye Yesu lo n wo ɓo la ze ngna amalaika gba. Nsaiye dei Shekwoyi la wo latu, woi la wo ga mwa-mwa ntu ge wa fi ntu yi ɓo. E, ntu Shekwoyi yeye ɓo Yesu wa fi ntu zaho-zahoi ɓo n nanyi.

Bitrus I 3:22

Nsaiye Kristi dnalo n ʼshe, n sase tu n mwa, mwa aba n Shekwoyi bwai-zhe-bwa, amalaika, n na iko yi n ʼshe mi ɓa yazhi lo n wa bye ɓai vi wo ɓeda.

Bitrus II 1:17

Mʼɓei tu n epe Gyi-gyi-yi sanu wo ɓei bmiyana n mwa n Shekwoyi owo Dada ɓei gawo nyi. Mʼɓei ku wo, begye yakwo, ikoda, latu nya, kwoi gmi n ʼshe kwoi ci ge, “omi Nugun ye-yei nu nyi. Owo ɓo dami n mwa.”

Yohanna III 1:7

Gama a zan Dagayi ezan nu to ɓai go, kwo nyagyin, ajekpe, agye wanba kwo agyiwye n na azaba n ɓa ta vi Yesun, kwo da yake ɓaku waʼazi zhin ɓa.

YOHANNA ƁEWYEGYE 1:5

N Yesu Kristi yi n wa nu egbe woi wuyi gaiciya vinya nyi. Owo nu zhin Kmisunyi n wo ɓei lakala n efi, to wa shan fin. Wo du esu dohodohoyilo n esayi vinya, n wa loyiya, n yi alaifi, shi wa ze owo ami ya ntu yi ɓo nyi.

YOHANNA ƁEWYEGYE 11:15

Gama n sayi nu n malaika tnabayi ɓei bye mwayi abegye yakwo ɓai da ɓo n eshe, nge, “Ebe anyi nya nsai ye zhin, eyi Dagayi nyanu n wo Kristi yi wa gyi ebe nyalo-nyalo.”

YOHANNA ƁEWYEGYE 19:16

Nwo eye yi kakpe n wo jekpe n buzhi-kwo nge, “Esu aje Esu, Dagayi a dagayi aje nya.”

YOHANNA ƁEWYEGYE 3:21

Mi ɓa ye zaho-zahoi n wa gyi nasara wa sasetu n miyi n mi akujara-ebenya shi mi ɓei sase tu n gnisun n mi Dada nyi n mi ɓei gyi nasara nyi.

YOHANNA ƁEWYEGYE 5:12

“Kugya n na aɓei zunsha. Wo kuncelo wa gwo iko, n kalai, n latuyi, n mwa-mwai n anabarka yi.