Afilibiyi 2:8 - Alkawali Woiwoyi

⁸ Wa gba wohin tukwo n du-du, wa fi ngye evi fi tu n zundu.

Afilibiyi 2:8 Iomraidhean Croise

Matta 17:2

Ɓa zhi ɓai shi wa wye, ɓa gye wo la shando, Owa wyebai bmiyana ngye nyipyei, Owa je ɓa ku wu bui-bui yi pau.

Matta 26:39

Wa ce ta lo fyewyi wa ya shi n kni wa zhin aduwa. “Emi Dada! Ngye ko ɓa ye zhin, fwa wahala ye kwa mi duya. Ama emi ɓomwi nu to na ɓa vi m, sai oho nya.”

Matta 26:42

Wa je ɓa fwa wa lo Wa zhin aduwa, “Emi Dada! N gye wahala ye ta duya m, sai Ma sin ko vinya, Oho ɓeye ko ze lo nu.”

Luka 9:29

Shi wo ɓei tu woi zhin aduwa, ɓa gye owo awyeba ɓai bmiyana owo aje ɓa ku wu n bui-bui pau.

Yohanna 10:18

Zaho-zahoi ta mi wa wu mim, akpe ma ye. Omi nu ga mihin tukwo. Ntuge mi iko yi lo ma ga kwo esa nma ye njesun ma gwo kwo esa nma ye. Gama, Dada la iko ye ga mi.

Yohanna 14:31

Ama, nɓa zhin ɓo Dada wa gna mi ge mi zhin. Ntu ge anyi ɓa kpe ge mi ye Dada lo. Fye kukala ya lo.

Yohanna 15:10

Esa fya vi mi aɓeda, fye sase fi nu nmi ye-ye, ngye shi mihin mi ye Dada mi-i sase dna nwo ye.

Yohanna 4:34

Yesu wa ci ɓa ge, Emi nyagyi nu ge mi zhin Shekwoyi ɓeye nwa tnumi nyi ma zo kwo zhin njesun.

Atnu-tnuyi Aɓozhin 8:33

“Ntu wohin tukwo gba ɓo, to a gye wo ɓe manayi m. Ntu ge aza n wo ʼsa, ɓa ɓei zhin aza nukwoyi nu. Har ɓa wo wu.”

Aromayi 5:19

Adamu wa zhin aza n mwa begye, ɓa ze alaifi da, ɓai zun Shekwoyi ɓeda gna, ama Kristi wa zhin Shekwoyi woi gwo aza n mwa begye ntuge wo ɓei vi ɓo.

Akorintiyi II 8:9

Fye kpe lo shi eyi Dagayi Yesu ɓei nu n ye-yeyi, n na aza bmazhin yi. Kwo shi kwo nyi wo zhin nyabwa-yi nu, ama wa ze wyekwoyi nabayi, dna n wo awyekwo wa ze fye a nyabwayi.

Agalatiyayi 3:13

Ama Kristi n la yi si, woi layi kunya n zokwo ɓednayi ye, woi la yi knitu ɓenukwoyi zhinya tu n wohin tukwo. Gama a cei kafi n littafi. Knitu n za ba n na zun wo du tu n shinwa.” Shi a ɓei zun Yesu du tu n zundu shinwa nya nyi.

Titus 2:14

Wo ɓei fi Zafun Gyi-gyi-yi nya n yi abugbami dna n Shekwoyi owa ntu yi alaifi ɓo nu, n na bai wa gni yi to ya je kayafi n laifi ci-ci, wa ze yi owo aza, n na abugba manayi n pwa wo yi, ya zhin azaje ɓemana.

Aibraniyi 12:2

Yi shi Yesu nu awye, wo nu zhin yi gnabye. Vinyikwo to ɓei wo wo wa fi ntu ya laifi ɓon. Wo ɓei kpe ge kwo ɓa ɓe wo n mwa-mwai. Nsaiye kuwa wo tu lo n naba duduyi n kunsun n Shekwoyi n ʼshemi.

Aibraniyi 12:4

Kwo dama yi to shi gusun n laifi yi kwo n jarabai har yi la amisa kpe ɓedo n ami yin.

Bitrus I 2:24

Wonu ɓei la eyi alaifi kaya n wohin nayi, esa n wo ɓei fi tu n zundu nyi, n na bai ya ze afifiyi n laifi aba, ya se ase gyi-gyi-yi nsayi. Ntuge ntu wo aci ɓonu yi-i bwa kagna.

Bitrus I 3:18

Kristi ɓei ku wahala sin, wo ɓei fi bwa zungmanyi ntu eyi vinya alaifi ɓo. Koda-yake owo wohin tukwo wo to ɓei n laifiyi kwo gmanyi n, nnabai wa ɓe yi n Shekwoyi aba n tna Benukwoi. Koda-yake owo nayi ɓolafi, owo zafun ye n wye-wyeyi lo.