Afilibiyi 2:7 - Alkawali Woiwoyi

⁷ Ama wa kma owo mwa-mwa ya zhi n ikoyi, wa gba wohin tukwo wa ze zanyikwoci ngye fyenu.

Afilibiyi 2:7 Iomraidhean Croise

Matta 12:18

“Shi Mi Bara awye! Gye Mi Za kni-kniyi! Owo nu n mi ye, n mi wye-wyei dagma woi. Miɓa puwo mi Zafun, Wo ɓa da abye ʼwa.

Matta 20:28

Tile efya-ɓo zhin-zhin ɓa wu gye Mi nya, ntu ge Emi, Za Nugun, to ɓe ntu ge azhin mi bauta nu n, ama ma zhin bauta, ma ga mi wye-wyei ngye nya-doshan ntu naza begye ɓo.”

Markus 9:12

Yesu wa ya ɓeda Wa cige, “Tilas nu Iliya ɓe wa zhin zokwo kpa ɓehin-hin, wo la ɓe ama aza to zhin wo ɓo nbmiya m, ɓa wu wa nyi shi anabi ɓei da. Yesu wa nyaɓa ɓo na anabi ɓei da n Kristi tukwo ge Wo ɓa sin wahala n vinyikwo yi.”

Luka 22:27

Nyikadonu du loʼa? Oza n wo saseshi woi gyi nyagyi nyi, ko oza n wo ga nyagyi ga-ga nyiʼa? Ai ozanu n wo sase shi nyi. Amma mi dna n fya tantasi ngye oza nu n wo ku nyagyi ga nyi.

Yohanna 1:14

Yesu ɓo la ze Oza wa dna n anyi ye n yi atasin. Yi ku wo latu gye wye. Latu Shekwoyi ɓi gba nya nu. N nunuyi na alheri n gaiciya yi.

Aromayi 1:3

Kwo zhin nabari manayi nwo Nugun tukwonu, Yesu Kristi eyi Dagayi n wo ɓei ɓe ngye oɓi a mawo dna Dawuda Esu abe ɓi fye.

Aromayi 15:3

Kristi to zhin ɓo n kwo dawo num, She, zabura ka yi wa da “Waɓe n tuge, wa sin wahala, n na za kun nɓa wun Dagayi nu nyi.”

Aromayi 15:8

Fye pa ge, Yesu Kristi wa ɓe wa wu ge Shekwoyi ta daɓo wa pman, njesun wa bma a Yahudiyi zhin.

Aromayi 8:3

Ato gni yi, n laifi akun ntuge yi kpe Shekwoyi awyidna ye lo nun, ntuge yita mi n ɓa kni ya shi bwan, ama Shekwoyi wa zhin zokwo do wa gni yi, wa tnu n wo Nugun yi dna n Zanyikwoci nayi ngye eyi nya, ama eyi anya n laifi yi wa wun laifi iko ya n yi tukwo. Wa ga wohin tukwo hadaya ntu yi alaifi ɓo.

Akorintiyi II 13:4

Ewo nayi kala gbayi ɓei lafi tu n zundu, ama nsayi ye wo n wye-wyeyi lo dna n Shekwoyi iko. Eyi n yi cenyi yi gba kala gba-gbayi lo dna n nayi, shi wo ɓei gbakala, ama nsayiye yi sase n kalayi shi wo ncei nyi, n Shekwoyi ikoyi vinya n wo aɓo zhin nfye yi.

Akorintiyi II 8:9

Fye kpe lo shi eyi Dagayi Yesu ɓei nu n ye-yeyi, n na aza bmazhin yi. Kwo shi kwo nyi wo zhin nyabwa-yi nu, ama wa ze wyekwoyi nabayi, dna n wo awyekwo wa ze fye a nyabwayi.

Agalatiyayi 4:4

Ama sa n sa manayi ɓo la si, sa n Shekwoyi ɓei kni, wa tnu n wo Nugun yi n nyikwoza ba, n na Yahudiyi mi.

Afilibiyi 2:6

Oza nu, kwo da yake wo ɓei zhin Shekwoyi nu, wo to ɓei gyima nge wo zhin Shekwoyi nu n.

Aibraniyi 12:2

Yi shi Yesu nu awye, wo nu zhin yi gnabye. Vinyikwo to ɓei wo wo wa fi ntu ya laifi ɓon. Wo ɓei kpe ge kwo ɓa ɓe wo n mwa-mwai. Nsaiye kuwa wo tu lo n naba duduyi n kunsun n Shekwoyi n ʼshemi.

Aibraniyi 13:3

Pa za ɓo nɓa fi n kurkuku nyi, gye she a ga aza wahala. Sun wahala n kun-sun ɓai. Sun wahala yi n gye kwo zhin ho nya nu.

Aibraniyi 4:15

Gama Yesu eyi pirist wo kpe yi a kala gbaɓolo, ntu ge a ɓei ku jaraba zhin wo ngye yi. Ama wo to zhin laifi m.