Afilibiyi 2:3 - Alkawali Woiwoyi

³ To ye hohin tukwon, to zhin ɓo n na bai aza ci hon, gba hohin tukwo, ha gye azaje ndu hohin.

Afilibiyi 2:3 Iomraidhean Croise

Luka 18:14

To, ma gnafye laifi da yi ɓei la lo api n gafara yi, amma Farisiyi to ɓei bwa m. Gama oza n wo zhin aɓoko a ɓa gba wo amma oza n wo gba wohin aɓa gawo mwa-mwa.”

Aromayi 12:10

Fye ye n na ajei ngye aya-ɓi, fya ga aje mwamwa n bugba buibui.

Aromayi 2:8

Ama wo ɓei ga aza tata n ɓa gni a papa n Shekwoyi gaiciya yi, ɓai zan-zan fi n na zokwo nukwoyi, aɓei ze Shekwoyi minagyi ya kpe ɓa.

Akorintiyi I 15:9

Ntuge minu zhin oza gbagbayi dna na bara vinya, mii to kunce lo ayi mi ge owo baram, ntuge maku Shekwoyi ikklisiya dna na zhin gye n mwa.

Akorintiyi I 3:3

Ntuge fyeye zhin a Yesu viyi-putu nu, fyei vi fya ɓeye, toge Shekwoyi nya m. Sanu fye wun aje nu fyei gnajeya ntu nanya wu ɓo, kwo ta wu nu ge fye zhin aɓi-putu nu fyei ye fyehin zokwo m? Ɓehin-hin, fye zhan ɓo lo ngye aza nɓa to zhin Dagayi nya num ko fye-fye.

Akorintiyi II 12:20

Gama edna wo mi lo esa n ma ɓe n cei, anya n mi ɓo gye ta damin, enya n mi ɓa zhin ceta da fyen, edna wo mi lo mi bei gye fye fi fyei wu anya. Fye wo aje ʼshe, fyei gyi minagyi n na ajeyi fyei mwa fyehin tukwo, fyei da ɓo a nukwoyi n na aje tukwo n nunuyi n tukwomwayi n na ajegna yi.

Agalatiyayi 5:15

Ama ndei maimakon fye wu ye-ye, fye ce fyei wu anya n na jei, fyei wun aje nu, fye zhin peceiye. Fye zhin peceiye n na jebwi yi.

Agalatiyayi 5:26

Nnavun yi ta shan mwa-mwa zanshin akpeyiye na za ba nkwo ɓe nshewo yi nyim.

Afisusuyi 4:2

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

Afisusuyi 5:21

Fye ga Kristi mwa-mwa, fyei gba fyehin tukwo n na aje aba.

Afilibiyi 2:14

Nyaho-nyahoi n fye ɓa zhin, fye bui gunu-gunu da si na ɓena yi, na jeyi.

Akolosiyi 3:12

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Akolosiyi 3:8

Ama nsaiye, esa la si n fye ɓa kma anya gye ya, fya kma jekpe kwo-kwoyi minagyi nya ya, nbmi-bmiyi, akmi, na ɓeda kasayi.

Timatawus I 6:4

Oza n wa da ɓedo gvo wo zhin aɓekwo nu, n za gbeloi, wo la pmiya n Kristi ɓeda, woi ze kwo aɓona n kwo ɓa zo fi n shewo, n minagyi yi n kwo ɓe n na agyekpei laifi zanshi n na aɓemwi nukwoyi.

Bitrus I 3:8

Nsaiye ɓeda ye kwo ɓe fye abanu vinya. Fyeku ze ngye puwa yakwo ɓai dagma, fyei gye aje sun-sun fyei ye najei n bugba manayi n tukwo-gba yi.

Bitrus I 5:5

Ofye aɓi kasa, fye vi aza ɓeda n ɓa gyilo nfya bye. Ofye vinya fye zhin aje bauta dna tukwo gba, ntuge Shekwoyi tu aza anabarka nɓa gba ɓahin tukwo, ama wo zhin gaba n nazai n ɓa mwa ɓahin tukwo.