Afilibiyi 2:16 - Alkawali Woiwoyi

¹⁶ Fyei wuɓa Nabari wye-wyeyi nya. Sanu n Kristi bei jeze ɓe ncei, aɓei da mi n mwa, nge emi tnu-tnu n fya ba to ze gbeloyin.

Afilibiyi 2:16 Iomraidhean Croise

Matta 10:27

“Enya n mi gnafye dna n wyegmaa nyi fye la begye tu fya da kwo n nyipyei yi. Aɓo sanya n mi gna fye nyi fye knitu n nyakun she fya da ɓa.

Luka 12:8

“Njesun ma gnafye gaiciya, omi, Kristi mi ɓa gafye mwa-mwa n Shekwoyi amalaika aba ndai fya gwo mi ngye ofye nugundo.

Yohanna 6:63

Zafun Gyi-gyi-yi nu ga wye-wyeyi nyalo-nyalo nya, ama nayi nya ta ga za kwom. Mi ku wu fye shi fye ɓa bwa wye-wyeyi zafun nya.

Yohanna 6:68

Siman Bitrus wa dna wo ɓegbe wa gna, “Dagayi, yi ɓa lo da nyika? Oho nu gmanyi nna ɓeda yi nɓa ɓa mi ɓa ga wye-wyeyi nyalo-nyalo nya,

Atnu-tnuyi Aɓozhin 13:26

“Omi azaje Ibrahim a yawyi n fye abye do yi n fye wo Shekwoyi dna nyi, gni-gni ye zmn fye nya nu.

Akorintiyi I 1:8

Wo la ye har nyalonyalo ayi fye aza kni-kni-yi, tna laifi n ɓenukwoi yi dna Wo nyipyei jezezhi nya.

Akorintiyi I 9:26

Ntuce nu mi busi n na wyetu yi na bye. Sa mi zhin dambye, ma sha akun ma ku ɓa mwi kpa, to ma she ɓa fi nʼsem.

Akorintiyi II 1:14

Nya fye kpeye n saiye nyi ko to nu-nuyi lo m. Ama, Esa Yesu ɓei ɓe n cei, fye ɓei kpe ɓeho-ɓehoyi ye vinya, fye ɓei gyigbe n yi-i ngye shi yihin ɓei gyigbe n fyei.

Agalatiyayi 2:2

Mi ɓei lo nɓo n tnu-tnuyi nu n Shekwoyi ɓo tun mi, mi-i gna ema zaje nya n Shekwoyi zhin lo n abyedo aba. Mi ɓei ku ɓoda n na tukwoda yi n nya tukwo n mi zhin kwo waʼazi, mi zhin nubo ɓa ɓei ku kpe ɓeye n mi da ɓa.

Agalatiyayi 4:11

Edna wo mi lo ntu fye ɓo. Edna wo mi lo, kwo emi tnu-tnu vinya n fya ba ɓa ze gbeloyi.

Afilibiyi 1:10

Gama mi ye Ifya kpe ɓe nukwoyi ye n ɓemanayi cewo. Fye ku ze a gyi-gyi-yi n fye mi, to oza mi wa gye fye laifin har esa n Dagayi ɓa jeze ɓe n cei.

Afilibiyi 1:6

Mi tabata lo Shekwoyi n wa ya tnutnu manayi n fye mi nyi, wo ɓa gyi abye n fye bmazhin yi, fya mwa fi n wo alheri, sai esa n owo tnu-tnu n fye mi nku zo zhin, ewyi n Yesu Kristi ɓei jeze ɓe cei.

Atasalunikayi I 2:19

Gama yi sase, n kniɓei nua kwoi gayi awyetua, bugba bui, n yi lada yi n yi ɓa gma? Ofyenu, Eʼe fye ɓei ɓe yi n bugba buyi n mwa, yi gni-a-gni zhin n gnisun n Dagayi Yesu Kristi abye esa n wa jeze ɓe n jesun.

Atasalunikayi I 3:5

Shimi ɓei danyi, esa n mi to ɓei shan mi to mi yi gye fye wyen, ma tnu n Timatawus yi wa kpe kwo efye gaiciya ga ye n kalayi lo, mi ɓo wodna kwo shetan ku nasara gyi tu n ofye tukwo, eyi tnu-tnu kwoi la ze gbeloyi.

Aibraniyi 4:12

Gama Shekwoyi ɓeda zhin wyewyeyi nu. Ko gyi-gyi-yi sosai. Ɓehinhin, ko du beyakwo n gyi-gyi. Kwa fin za har bugba. Kwa wu asiri bmi peipei.

Bitrus I 1:23

Ntuge fye n wye-wyeyi woi-woyi lo, fye to ɓei bwakwo n fya zakwoyi nun, ntuge wye-wyeyi n ɓa ɓei ga fye nyi kwo ɓa zo, woi-woyi deye ta shan zon, ntuge kwo gmi n Kristi nu - Shekwoyi Ɓeda wye-wyeyi n na za aba.

Yohanna I 1:1

Kristi ɓei n wye-wyeyi kafin a zhin anyi, har emi n mihin tukwo maku gyewo nmi awyei, maku wo wo woi daɓo, ma wo to bwa nmi abwai, Wo zhin Shekwoyi ɓeda wye-wyeyi nya nu.

YOHANNA ƁEWYEGYE 22:17

Zafun n mulaɓayi ɓa gna ge, “Be” Fa azaho-zahoi n wa wo wa gna ɓe, oza ho-zahoi nwo n cei pma wo ɓe wa sin nuwan Wyewyeyi nya cauta.