Afilibiyi 2:13 - Alkawali Woiwoyi

¹³ Ntuge Shekwoyi nu zhin tnu-tnu n fye mi, Woi bma fye zhin n nabai fya wowo ɓeda, fya zhin ɓo n wo cei pma fya zhin.

Afilibiyi 2:13 Iomraidhean Croise

Luka 12:32

“Ntu cenu fye to wo dna m, aɓi gama ko zhin kwa da fye dada wa ga fye owo ʼbe mi.

Luka 2:14

Ɓa ko anyi ge, “Aga Shekwoyi mwa-mwa n She, Bugba fu kwa ku ɓe aza ɓa n ɓa da Shekwoyi nyi.”

Yohanna 3:27

Yohanna wa gna ɓa ge, Shekwoyi na ga zaho-zaho wo tnu-tnu.

Yohanna 6:45

Alkawali kwo-kwoi ku da ge, ʼShekwoyi ɓo wu aza nya vinya, Oza n wa wo Dada ɓeda wo ɓa ɓe mi aba.

Yohanna 6:65

Wa gyi abye wa gna, “Ntu cenu ma gna fye ge, ozaho to lo nwo ɓa mi wa ɓe mi abam, akpe Dada gni wo ɓe cei.”

Atnu-tnuyi Aɓozhin 11:21

Dagayi ɓo la ɓa ɓeda tu anabarka, har abye deye ɓa ku gaiciya ga.

Aromayi 12:3

Ngye Shekwoyi tnu-tnuyi mi ga zaho-zahoi nfye mi Shekwoyi pmagna: Fye zhin gaiciya n fyehin tukwo ɓo, fyei mwi shi Shekwoyi wa ga fye gaiciya-ga n sun.

Aromayi 9:16

Ntu lonu, Shekwoyi ta ga anabarka ntu ge oza kun ce wa bwa kwo nun, kwo wa zhin tnu-tnu n kala yi wa bwan, wo bwa ntuge, Shekwoyi gye oza sun-sun nu n wa ye ko n wa gye dama.

Akorintiyi I 12:6

Atnu-tnu lo gbo-gbo, ama Shekwoyi gmanyi nu lo tnu-tnu n naza mi vinya.

Akorintiyi I 15:10

Ama dna Shekwoyi alheri, mi la ze nya miɓa ze, alheri kuwa nwo ɓei gami nyi ko to ze gboloyim. Mi ku tnu-tnu zhin n mwa n du atnu-tnuyi aje vinya, kwo shi kwo nyi emi ɓo zhin nu tom, ama Shekwoyi alheri nu ɓei lo tnu-tnu dna mi mi.

Akorintiyi II 3:5

Nyahonyahoi to lo, n yi ɓami ya cige ya zhin tnu-tnu ye n ya kalai nu m, Eya kala kun n Shekwoyi aba nu.

Afisusuyi 1:11

Ntu nya ɓo n Kristi n ku zhin, yi ku ze a cauta n Shekwoyi aba n ɓa da wo agma, gama dna n Shekwoyi shiri wo ɓei kni yi tunyi n sapa, aɓo vinya ɓei zhin shiwo ɓo zhin shiri nu.

Afisusuyi 1:5

Owo shiri, tna do shanyi nu nyi wa ze yi owo aɓi, cenu a zhin wa tnu Yesu Kristi yi wafi ntu yi ɓo. Wa zhin ce ntuge wo ɓei n cei pma nu.

Afisusuyi 1:9

Shekwoyi ku owo asiri wu yi nkwo ɓei so shi, dalili n wa tnu n Kristi yi, enya n wa zhin shiri dna n sun-sun gye tunyi n sapa.

Afisusuyi 2:8

Ntu n wo alheri ɓo ala fye gni, n tu gefya ga Kristi gaiciya, gaiciya ga n kwo nyi kwo to zhin efye nya nu n, kwo zhin Shekwoyi cauta nu n wa ga fye.

Atasalunikayi II 1:11

Ntu cenu yi zhin aduwa ntu fye ɓo cici, nna bai eyi Shekwoyi, dna nwo iko, wo ɓa zhin fye fya ze aɓi manayi, ngye shi wo ye fya ze, wa zhin fye fya nu ofye aɓomwi manayi, ntu fye gaici-ya ga ɓo.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Aibraniyi 13:21

Shekwoyi wo gba fya bukata ntu ge fya zhin wo ɓeye. Wo zhin ɓo n yi-i, nwo cei pma, wo zhin ntu Yesu ɓo. A ga Yesu mwa-mwa nyalo-nyalo.

Bitrus I 1:3

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.