Afilibiyi 2:12 - Alkawali Woiwoyi

¹² Omi a nugundo yeye yi, sanu n mi ɓei gnisun n fyei, fye ɓei vi mi ɓo-wu peceiye. Shi mi to gni lo n saiye nyi n, fye zhin peceiye fya vi aɓo vinya n ɓa ɓe n gni-gni, avun Shekwoyi mwa-mwa ga, n dna yi, fyei ta na avun yi n nya n kwo ɓa wun wo bugba ya.

Afilibiyi 2:12 Iomraidhean Croise

Matta 11:12

Tunyi, esa nu Yohanna ɓo ya waʼazi zhin ɓedo n batisma yi har n sayi, aza mwa begye lo ɓai ɓe Shekwoyi ebe mi.

Matta 11:29

Fye la ma kaya, ɓa wo lo fafa miɓa wu fye ge mi zhin eza hankali da nu n bugba sun-sun gye nya yi, efye wye-wyei ɓa bwa sun-sun. Ntu ge mi ta ga za akaya shan-wo yi m.”

Atnu-tnuyi Aɓozhin 16:29

Woi gni wo vin ntu edna ɓo, wa gna ge ɓe n na yi. Wa lo ɓe kurkuku wa chakwo-kwo shi n Bulus abye n Sila yi.

Atnu-tnuyi Aɓozhin 9:6

“Laka ha lo zhimi n ɓo gna ho nya miye.”

Aromayi 2:7

Wo ɓei ga aza n ɓa zhin Shekwoyi ɓeye n hakuri yi, Wye-wyei nyalo-nyalo nya, ɓai zan mwa-mwa n latu yi shin n wyewye yi nyalo-nyalo nyai nwo ganyi.

Akorintiyi I 15:58

Ntucenu, emazaje yeyeyi, fye ku gni mizhi dai-dai. Fye gyi abye n Shekwoyi tnu-tnu yi nʼwyei nyice, Shikonyi fye kpelo ge efye tnu-tnu dna Dagayi ta ze gboloyim.

Akorintiyi I 2:3

Ntucenu ma ɓe fya ba dna n kalagba, n dnawo yi, n vinvin yi.

Akorintiyi I 4:14

Mi ta ka fye ɓedaye ge mi ye ma dnafye vinyiko nu m, ama mi kun fye nu ntuge fye zhin ma ɓi ye-ye yi nu.

Akorintiyi II 7:15

Wo ye fye n mwa, saho-sahoi nwa pa shi fye ɓei wo owo ɓeda n bugba yi gmanyi fya gwo wo n pwawo-yi, n bugba manayi.

Afisusuyi 6:5

A fyenu fye vi fye a dagayi ɓeda, fye zhin ɓa tnu-tnu n pwawoyi dna, fye zhinɓa tnu-tnu shi fye ɓa zhin Kristi nya nyi.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Afilibiyi 1:29

Gama n fye aba ala esa ga fye, to ge fya kpema wo kawai m, ama fya gye azhin ntu wo ɓo.

Afilibiyi 1:5

Ntu fye bmazhin ɓo, fyei zhin aza ɓai kpe Nabari manayi, Kristi nya ɓeye, tunyi esa n fye ɓei wo har nsai ye.

Afilibiyi 1:6

Mi tabata lo Shekwoyi n wa ya tnutnu manayi n fye mi nyi, wo ɓa gyi abye n fye bmazhin yi, fya mwa fi n wo alheri, sai esa n owo tnu-tnu n fye mi nku zo zhin, ewyi n Yesu Kristi ɓei jeze ɓe cei.

Afilibiyi 2:19

N Dagayi wa ye, mi ɓa tnu n Timatawus yi esa fyewyi wa gye fye wye. N wa jeze ɓe wo ɓa fu mi bugba wa wu mi efye lafiya, shi fye zhin lo.

Afilibiyi 4:1

Omi Yesu viyi aje, mi ye fye lo, ofye awye ko milo, ntuge ofyenu zhin mi bugba buyi, n mi tnu-tnu ladayi, Omi a nugundo yeyeyi, fye ku mi zhi dna Dagayi.

Afilibiyi 4:15

Shi fye kpe lo nyi, sanu n mi ɓei kmi fye ɓe n nabari manayi nyi, ma godiya ma fa Makidoniya, ofye a Filibiyi nu ɓei bwami a nugundo zhin n nyaga ngwo-gwo yi. Ikklisiya ho to ɓei shan deye pya zhin.

Atasalunikayi I 1:3

Yi ta ze ofye atnu-tnu ye-ye nya amwi, esa n yi daɓo n Shekwoyi Dadayi, ntu fye ɓom, nfye gaiciya ga kalada yi, nfye awyetu yi nfye cei ntu Dagayi Yesu Kristi jezeɓe ɓo nna anyi nyin.

Timatawus II 2:10

Mi shiri lo ma sin wahala, ndei okwo nu ɓa ɓe n gni-gni yi, n mwamwa nyalo-nyalo nya yi, dna n Kristi Yesu ga aza n Shekwoyi n la ɓa kni nyi.

Aibraniyi 12:1

She azalo n mwa ɓai shi ya, wye nyi, yi ku akaya shanwoyi ya, yi ku a laifi fa nɓa shi yi nyi to ɓai ye ge ya gyi abye nyin. N nabai ya zan-zan dna n gaiciya n hakuri yi n Shekwoyi la shi n ya bye nyi.

Aibraniyi 4:1

A Yila alkawali gwo pwo-pwo nya, ntu deye ɓo yi zhin peceiye, Ko ta bmiya to ya lo Shekwoyi ebemi m.

Aibraniyi 4:11

Ntu cenu, yi zhin atna ya lo ofun deye Kada tna gaiciya ga kwa hana n yi.

Aibraniyi 5:9

Ntu deye ɓo wo ɓei la ze oza nunuyi. Woi ga aza nɓa vi wo ɓo gni-gni nyalo-nyalo nya.

Bitrus I 2:11

Oma zaje, fye zhin azhiɓeyi nu ya. Shikwonyi ofya yi hin-hin lo n ʼshe mi nu, mi gyi fye wye fya bui anyi dada nukwoyi ye nya si, ɓa to zhin ofye nun, ntuge ɓa sunkun n ʼfya wye-wyeyi.

Bitrus II 3:18

Ama fye mwa fi n alheri, n yekpe yi eyi Dagayi n Gniyi yi Yesu Kristi nya. Mwamwa vinya n latu yakwo yi, ɓa kunsun woi nyalo-nyalo. Amin. Sai wyihoi.