Afilibiyi 2:11 - Alkawali Woiwoyi

¹¹ Nyitala doho-dohoi ɓei cige, Yesu Kristi nu zhin Dagayi dna Shekwoyi Dada mwa-mwa.

Afilibiyi 2:11 Iomraidhean Croise

Matta 10:32

“Eza n wa da Mi ɓo pei-pei na za ʼba ge Mi zhin wo nugundo nu, Mi hin miɓa da wo ɓo ge wo zhin mi nugundo nu n Mi Dada abye, wo dna ʼshe nyi.

Luka 2:11

“Gama n naiye ala anyi gyiyi ma n Baitalami.

Yohanna 12:42

Dudu lo nu a Yahudiyi atukwoda nmwa begye ɓei ku gaiciya ga ge Owo nu zhin Kristi. Ama ɓa to ɓo ye ɓa wu ɓahin tukwo pei-pei m, ntu odna ɓo ge kada Afarisiyi ɓa nya ɓa ya nna duwa nyakun;

Yohanna 13:13

“Fye yi mi ge malami, njesun ge Dagayi, gaiciya nu, ntu ge mi zhin kwo nu.”

Yohanna 13:14

Shi emi nmi zhin Dagayi n Malami yi mi la apita zhan fye nyi, fyehin fye zhan aje apita.

Yohanna 14:13

Fye nya Dada nyaho-nyahoi ɓo dna nmi eye, nɓa ga fye, ntu ge a la Dada tu n Nugun aba.

Yohanna 14:23

Yesu wa dna wo ɓegbe wa ci ge, nɓa wu mihin tukwo nnaza ba nɓa ye mi nyi. Dada ɓa ye nɓai ce. Yi ɓa ɓe ya sase nɓai.

Yohanna 17:1

Esa nu wo ɓo la pwo aɓeda ye da ɓo, Wa kpe awye shi nshe wa gna, “Dada! Esa la si ha la ho Nugun tu. Nabai, Nugun nwohin wa la ho tu.

Yohanna 20:28

Toma wa ci wo ge, “Omi Dagayi nmi Shekwoyi.”

Yohanna 5:23

Ntuge aza vinya ɓa ga Nugun mwa-mwa, ngye shi ɓa ga Dada. Nfye to ye fya ga Shekwoyi Nugun mwa-mwa n wa tnu mwoi nyim, agye fye ta ga Dada mwa-mwa lo n.

Yohanna 9:22

Ɓa to ɓo ye ɓa da m, ntuge ɓa ɓo wo Ayahudiyi ʼdna nu, ntuge ɓa ɓo ku da ge, Oza nwa gna ge Yesu zhin Kristi nu, a ɓa wo gmi ya aduwa nyakun.

Atnu-tnuyi Aɓozhin 10:36

Ho ku nabari manayi wo a Israilayi salama n Shekwoyi yi dna n Yesu eye kwo? Almasihu nu zhin Dagayi anyi zhinyi. Nabari ye la gnami vinya n Yahudiya kwoi ya n Yohanna batisma yi dna Galili.

Atnu-tnuyi Aɓozhin 2:36

“Ntu ce nu mi gna a Israilayi ge Yesu n fye ɓo wu nyi, Shekwoyi la wo ze Dagayi n Masihu yi.”

Aromayi 14:11

Ntuge, a cei kafi “Shi mi nyi”, nyikutukwo dohodohoi ɓei ce a kwo-kwo n mi abye, nyitala doho-dohoi ɓei ye abui n Shekwoyi aba.

Aromayi 14:9

Kristi ɓei fi wa laka njesun ntu n na aɓeye ɓo nu. N na bai wo ɓa zhin yi Dagayi kwo yi nwye-wyei, kwo yi ku fi.

Aromayi 15:9

Njesun fye pa ge waɓe n na bai abyedo ɓa bwa gnigni, ɓa ga Shekwoyi mwa-mwa ntu wo sun-sun gye ɓo. Nyanu n Zabura kayi wa da, sanu n wo ɓei ka n cei ge, “Mba ciho dna n abyedo, ma la oho ye tu.”

Akorintiyi I 12:3

Ama fye sun lo n na zai n ɓa yi ɓahin lo ge Shekwoyi Zafun nu wu ɓa ɓo nɓa da nyi. Fye ɓa kpe wuna ge ɓa zhin a Shekwoyi nya nu ko aza kata? Fye ɓa kpe ɓaye lainu. Zaho-zahoi n Shekwoyi Zafun kun-sun lo woi, wota mi wa cige, “Yesu zhin knitu yi nun.” Zahoi ta mi wa cige, “Yesu zhin Dagayi nu,” har koi kufi nwomi lonun, akpe ge Zafun Gyi-gyi-yi kunsun woi.

Akorintiyi I 15:47

Adamu kmisunyi azhin wo nʼkni nu, butukun nya, ama Adamu bayi wo gmi nʼshe nu.

Akorintiyi I 8:6

Ama yi kpelo ge Shekwoyi bwasun lo gmanyi nu, Owo nu zhin Dada nwa zhin anya vinya, Wa zhin yi ya ze Wa nya. Njesun Dagayi bwasun gmanyi nu – Yesu Kristi – Wo nu na zhin anya vinya, Woi ga yi-wyewyeyi njesun.

Bitrus I 1:21

Ntu cenu efye gaiciya ga nyi n Shekwoyi nu n wo ɓei la Kristi kala n efi, wa gawo mwa-mwa n jesun nyi. Nsaiye efye gaiciya ga n na wyetui ɓa bwa kpema n wo nu gmanyi.

Yohanna I 4:15

Zaho-zahoyi n wa ga gaiciya wa ci ge Yesu nu zhin Shekwoyi Nugun, Shekwoyi dnalo n owo mi, owohin ce dna n Shekwoyi mi.

Yohanna I 4:2

Zokwo nfye ɓa kpe ge ɓeda ye zhin Zafun Gyi-gyi-yi nya nu, okwo nu ge fya nyaɓo ge ɓeda ye da lo ge Yesu Kristi, Shekwoyi Nugun ɓo la ze Zanyikwoci wa ɓe dna na anyi n nayi ku ngye za? Nkwo wu lonu agye ɓedahi gmi n Shekwoyi aba nu.

Yohanna II 1:7

Fye ka atukwoda akatai wye, n ɓa sheyi gun laɓa nyi, n ɓata ga gaiciya nge Kristi ɓei la ɓe anyi dna n nayi ngye eyi nya pyan. Aza deye pya gni apapa n gaiciya yi, n Kristi yi.

YOHANNA ƁEWYEGYE 3:5

Ozahozahoyi n wa gyi nasara, aɓei kpewo aje abuyi, mi to ɓei wun owo eye ya n Littafi wye-wyeyi nyan, amma mi ɓei zhin wo se-ida n emi Dada abye n wo a malaikayi nge wo zhin emi nya nu.