Afilibiyi 2:1 - Alkawali Woiwoyi

¹ Enya lo n na a Yesu viyi ai yi ge atna-zhin? Fye ye mi lo har fyei ye fya bmami zhin? Kwo zhin nyaho nu n fye aba nge yi zhin a zaje nu dna n Dagayi, yi n Zafun gmanyi lo? Ofye abugba n na atnazhin yi lo n bugba bwa yi?

Afilibiyi 2:1 Iomraidhean Croise

Luka 2:25

Nwyihi kwa ozaho ai yi wo ge Simon n dna n Urushelima wa ɓe aduwa nyakun. Wo ɓei zhin oza manayi nu, woi wo Shekwoyi dna n nu-nuyi n zafun yi woi pmi Yesu ɓeɓe dna anyi.

Yohanna 14:18

Mi ta fwa fye ngye akuwyim, nɓa jeze ɓe da fye.

Yohanna 14:27

Kyauta asese-lafiya nyami la fwa nfye aba; Omi asese-lafiya nya nu nmi ga fye, kwo kakayi lo nnanyi nya. Ntu ce nu bugba to wun fyem, fyei to wo edna m.

Yohanna 17:13

“Nsaiye, mi ɓe ho aba nu, esa nmi ɓei kunsun nɓai, ma ku aɓo gna ɓa n mwa ntu ge oɓa agmada kwa nu.

Atnu-tnuyi Aɓozhin 2:46

Ɓai ga mwa-mwa nu aduwa nyakun, ɓai yezhi n aje puwa ntu zumunta ɓo. Ɓai gyi nyagyi ngnisun nagmadai.

Atnu-tnuyi Aɓozhin 4:32

A Yesu viyi bugba vinya ɓei nyi gmanyi nu. Ozaho-zahoi to ɓo shi nyanyaho yi n wo gmanyi ɓo nun, ɓa ɓo ce ga aje.

Aromayi 5:5

Nnavun, sanu n kwo zhin lonu, yiɓa mi ya bwa bugba kala ko knidonu na zhin yiʼa, yi kpe ge nyaho ta zhin ntuge yi kpelo shi Shekwoyi yeyi, yi wo ye-ye yi lo n yi abugba mi, ntuge Shekwoyi zafun dnalo n yi mi, woi nuyi a bugba n wo yeye yi.

Aromayi 8:26

Dna n zokwo gmanyi Zafun Gyi-gyi-yi bmayi zhin n yi aɓesa yi fyegyi-fyegyi dna n yi aduwa zhin mi. Ntuge yi ta kpe nya ye lo n yi ɓa zhin aduwa n kwo tukwon, kwo n yi ɓa zhin cewon. Ama Zafun Gyi-gyi-yi zhin aduwa n tu yiɓo n bugba shanwo yi n na ta mi ada n gbeyi m.

Akorintiyi I 12:13

Zaho-zahoi nʼyi mi wo zhin oga nu dna Kristi nayi. Azaho nʼyi mi a Yahudiyi nu, a zaho a Helleniyi, azaho zhin afyenu nu, a zaho kwa a loloiya nu. Ama Zafun Gyi-gyi-yi kuyi zhin batisma fi n Kristi nayi gmanyi, ai la Zafun Gyi-gyi-yi ho gayi n naba gmanyi.

Akorintiyi I 15:31

Oma-zaje, mi zhin ma gundo n ʼfiyi fyegyi-fyegyi. Mi daɓoye ntuge mi n ʼgbegyi yi lo n fye tukwo dna Yesu Kristi.

Akorintiyi I 3:16

Fye ta kpe lo ge fye zhin Shekwoyi nyakun nu, Shekwoyi Zafun yi sase lo dna fye mim?

Akorintiyi II 13:14

Alheri eyi Dagayi Yesu Kristi nya ko kunsun nfyei vinya. Shekwoyi ye-ye n Zafun jedoɓe yi ko kunsun nfyei. Amin.

Akorintiyi II 2:14

Ama godiya ga Shekwoyi, ntu nasara ɓo, n Yesu Kristi ku zhin, tu n yi tukwo nyi, ngye shi wo zhin ampanyi n yi abaho-baho yi n ya lo, ntu ge ya da owo Nabari manayi n aza aba, ngye turare sundayi.

Agalatiyayi 4:6

Ntuge yi zhin wa ʼɓi nu, Shekwoyi la tnu n wo Nugun Zafun yi n yi abugba mi, ntu cenu yi ɓa mi ya yi Shekwoyi ge eyi Dada ye-ye yi.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Afisusuyi 4:4

Yi zhin aga nanyi gmanyi nyanu, yi n Zafun gmanyi nu, ai la yi yi ntu n na aɓo a manayi ɓo.

Afilibiyi 1:8

Shekwoyi gmanyi nu kpe lo shi mi ye fye lo n sun, n Yesu Kristi bugba ye-ye nya pyai.

Afilibiyi 3:3

Gama eyi nayi zunya nu ta ze yi Shekwoyi aɓin, mwa-mwa ga nu n yi Zafun yi, kaciya hin-hin nu, eyi a Yesu viyi, yi dagma fi n nya n Kristi Yesu ku zhin gayi, yi kpe ge yita mi n yihin bma-zhin ya gni yihin tukwon.

Akolosiyi 2:2

Nya nyi n mi nya Shekwoyi ntu fye ɓo, fya bwa kala fya nyimaje dna n ye-ye, fya kpe Kristi ye dei-dei, n tna wyegma. Gama Shekwoyi shiri asiri, n na ala guya wuyi nyi, okwo nu zhin Kristi n wohin tukwo yi.

Akolosiyi 3:12

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Aibraniyi 6:18

Deye kwa wu ge Shekwoyi alkawali zhin gaiciya nu. Kmisunyi Shekwoyi la wo ɓeda ga, ko ta shando n. Bayi, Shekwoyi la nyasi si, Wo ta ce akata m. Aza nɓa ɓe Shekwoyi aba, ɓa bwa abwi ba n bmazhin yi.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Yohanna I 3:24

Aza n ɓa zhin enya n Shekwoyi wa da ɓa sease lo fi n Shekwoyi owohin nɓa mi, Yi kpelo deye kwo zhin gaiciya nu, n tuge Zafun Gyi-gyi-yi n wa gayi nyi wo gna yi nlonu.

Yohanna I 4:12

Gama kwo da yake yi to shin Shekwoyi gyen, esa n ya ye n na ajeyi, Shekwoyi dnalo n yi, owo ye-ye n yi mi kwa dnakala lo abye-bye.

Yohanna I 4:16

Yi kpelo shi Shekwoyi ye yi nsun, ntuge yi ku owo ye-ye woshan, ntu ge yi ku gaiciya gawo esa n wa gnayi nge wo ye yi lo n mwa. Shekwoyi zhin ye-ye nu, zahozaho yi nwo dnalo n ye-ye, wo dnalo n Shekwoyi, Shekwoyi dnalo n wo.