Afilibiyi 1:6 - Alkawali Woiwoyi

⁶ Mi tabata lo Shekwoyi n wa ya tnutnu manayi n fye mi nyi, wo ɓa gyi abye n fye bmazhin yi, fya mwa fi n wo alheri, sai esa n owo tnu-tnu n fye mi nku zo zhin, ewyi n Yesu Kristi ɓei jeze ɓe cei.

Afilibiyi 1:6 Iomraidhean Croise

Yohanna 6:29

Yesu wa gna ɓa ge, “Shekwoyi ɓeye nu nyi ge, fye ga oza gaiciya nwa tnu n woi nyi.”

Atnu-tnuyi Aɓozhin 11:18

Shi a zaje ɓo wo lonu ɓa ku ɓa aɓena fa ɓa ci Shekwoyi. Ɓa gna, E, Shekwoyi la dama ga abye do ɓa ɓe wo aba ɓa bwa wye-wyei nyalo-nyalo.

Atnu-tnuyi Aɓozhin 16:14

Nyikwoza gmanyi a yi wo Lidiya, wo gmi n Tiyatera wo ɓo zhin bwazeyi nu, woi kun aje nakwoyi nu, wa ɓe ntuge wa ci Shekwoyi wa gu wo bugba ya, wa ye abui, ntu waʼazi ɓo n Bulus ɓo zhin nyi.

Akorintiyi I 1:8

Wo la ye har nyalonyalo ayi fye aza kni-kni-yi, tna laifi n ɓenukwoi yi dna Wo nyipyei jezezhi nya.

Akorintiyi II 1:15

Mi ɓei kpe deye tunyi sapa, cenu na zhin ma ye ntuge, ma je fya ba ɓe, n nabai fye bwa anabarka zunɓa.

Akorintiyi II 2:3

Cenu ɓei zhin ma ka fye wasika hi, mi to ɓei cei pma ma ɓe fye aba fya zhimi ma wun bugba m. Gashi kwa ofye nu na gmadai lo.

Akorintiyi II 7:16

Deye da mi bugba lo, shi mi kpelo ge nyaho to dnalo n yi atasin, njesun mi n bugba kalayi lo n fye aba.

Akorintiyi II 9:4

Vinyiko ɓa wo mi n mwa – nfyei ɓe, n na azan Makidoniya ɓe n gnisun n miyi, to ɓa gye fye nshiri yi zhin mi-i ku gna ɓan.

Agalatiyayi 5:10

Mi kpe ma Dagayi nu wa je fye ze ɓe cei, fya vi a ɓeye shi mi vnyi. Shekwoyi ɓa zhin n zahi yi, kwo nyikadona n wo dami n fyei woi dna fye kwoce nyi.

Afisusuyi 4:12

Kni nu zhin woi gayi ɓe-kpezhin n nabai ya kpe aɓo zhin n bmiya? N na abai Shekwoyi aza ɓami ɓa zhin tnu-tnu manayi gawo, ɓa mi ikklisiya, Kristi nayi kwa mwa kwa bwa kala.

Afilibiyi 1:10

Gama mi ye Ifya kpe ɓe nukwoyi ye n ɓemanayi cewo. Fye ku ze a gyi-gyi-yi n fye mi, to oza mi wa gye fye laifin har esa n Dagayi ɓa jeze ɓe n cei.

Afilibiyi 1:29

Gama n fye aba ala esa ga fye, to ge fya kpema wo kawai m, ama fya gye azhin ntu wo ɓo.

Afilibiyi 2:12

Omi a nugundo yeye yi, sanu n mi ɓei gnisun n fyei, fye ɓei vi mi ɓo-wu peceiye. Shi mi to gni lo n saiye nyi n, fye zhin peceiye fya vi aɓo vinya n ɓa ɓe n gni-gni, avun Shekwoyi mwa-mwa ga, n dna yi, fyei ta na avun yi n nya n kwo ɓa wun wo bugba ya.

Afilibiyi 2:13

Ntuge Shekwoyi nu zhin tnu-tnu n fye mi, Woi bma fye zhin n nabai fya wowo ɓeda, fya zhin ɓo n wo cei pma fya zhin.

Afilibiyi 2:16

Fyei wuɓa Nabari wye-wyeyi nya. Sanu n Kristi bei jeze ɓe ncei, aɓei da mi n mwa, nge emi tnu-tnu n fya ba to ze gbeloyin.

Akolosiyi 2:12

Gama dna n baptisma fye gye shi efya anayi akwo-kwoyi, anukwoyi ɓo ku fi n gnisun woi, aku fye bi n gnisun n woi, fya kun n ʼfi n woi, dna n wye-wyeyi woi-woyi ntu ge fye ɓei ga Shekwoyi ikoda ɓeda gaiciya n wo ɓei la Kristi kala n ʼfi nyi.

Atasalunikayi I 1:3

Yi ta ze ofye atnu-tnu ye-ye nya amwi, esa n yi daɓo n Shekwoyi Dadayi, ntu fye ɓom, nfye gaiciya ga kalada yi, nfye awyetu yi nfye cei ntu Dagayi Yesu Kristi jezeɓe ɓo nna anyi nyin.

Atasalunikayi II 1:11

Ntu cenu yi zhin aduwa ntu fye ɓo cici, nna bai eyi Shekwoyi, dna nwo iko, wo ɓa zhin fye fya ze aɓi manayi, ngye shi wo ye fya ze, wa zhin fye fya nu ofye aɓomwi manayi, ntu fye gaici-ya ga ɓo.

Atasalunikayi II 3:4

Yi n gaiciya ga yi lo ge, fye zhin aɓolo n yi ɓei wu fye nyi, fya zhin ɓa cici.

Filimon 1:21

Mika wasika ye ntuge mi kpelo ho ɓa zhin oɓo n ma gna ho, har n diya ɓo.

Aibraniyi 10:35

Fye to fa kpema Shekwoyi ɓo m, kwo n wuso-wuso, fye to fa m. Shekwoyi n lada yi shi fye lo n ʼshemi.

Aibraniyi 12:2

Yi shi Yesu nu awye, wo nu zhin yi gnabye. Vinyikwo to ɓei wo wo wa fi ntu ya laifi ɓon. Wo ɓei kpe ge kwo ɓa ɓe wo n mwa-mwai. Nsaiye kuwa wo tu lo n naba duduyi n kunsun n Shekwoyi n ʼshemi.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Bitrus II 3:10

Dagayi nyipyei ɓelo ntna kmakma, ntna esa dnayi ngye evi, nsayi eshe ɓei kmi kwoi duya wyeɓo yakwo yi, anya ɓa kpe na nyibmana ena ɓei gyi ɓa, ekni nna nyai ɓa kpe kwo, ena ɓei gyiɓa vinya.