Afilibiyi 1:29 - Alkawali Woiwoyi

²⁹ Gama n fye aba ala esa ga fye, to ge fya kpema wo kawai m, ama fya gye azhin ntu wo ɓo.

Afilibiyi 1:29 Iomraidhean Croise

Matta 16:17

Yesu wa gna wo ge, “Shekwoyi la ho tu anabarka, Siman, Yunana nugun. Ntu ge emi Dada n wo dna ʼshe nyi, wo na wu ho ɓeye, zanyikoci nu ton.

Atnu-tnuyi Aɓozhin 13:39

Zaho-zahoi wa gawo gaiciya aɓa ze wo oza gyi-gyi yi, enya n a Yahudiyi owa ta mi kwa zhin m.

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Atnu-tnuyi Aɓozhin 14:27

Sa n ɓa ɓo zhi, ɓa yi a Yesu viyi ɓa wu ɓa lafiya nya n ɓa ɓo zhin. Ɓa gna ɓa shi Shekwoyi ɓei gu zokwo ya ntuge abyedo ɓa kpe Yesu ye.

Atnu-tnuyi Aɓozhin 5:41

Abara kun ɓai dagma gama ɓa ku kunce ɓa sun wahala ntu Yesu ɓo.

Aromayi 5:3

Yi ɓa dagma ce sanu n ya lo wahala ncei, ntu ge yi kpe ge ko n na pmayi lo-lo n yi aba, ɓa wu yi shi yi ɓa zhin hankuri.

Afisusuyi 2:8

Ntu n wo alheri ɓo ala fye gni, n tu gefya ga Kristi gaiciya, gaiciya ga n kwo nyi kwo to zhin efye nya nu n, kwo zhin Shekwoyi cauta nu n wa ga fye.

Akolosiyi 2:12

Gama dna n baptisma fye gye shi efya anayi akwo-kwoyi, anukwoyi ɓo ku fi n gnisun woi, aku fye bi n gnisun n woi, fya kun n ʼfi n woi, dna n wye-wyeyi woi-woyi ntu ge fye ɓei ga Shekwoyi ikoda ɓeda gaiciya n wo ɓei la Kristi kala n ʼfi nyi.

Yakubu 1:2

Omi azaje ye-yeyi, fye sin wahala lo, fyei gye azhin? Fye dagma.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.