Afilibiyi 1:27 - Alkawali Woiwoyi

²⁷ Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Afilibiyi 1:27 Iomraidhean Croise

Matta 12:25

Yesu wa ku a nubo zhin kpe wa gna ɓa ge, “Ebe n kwo zhin gaba n kohin yi, kwo ɓa miya. Ezhi n kwo zhin gaba n kohin ko ta mi kwa gni-agni m.

Atnu-tnuyi Aɓozhin 2:46

Ɓai ga mwa-mwa nu aduwa nyakun, ɓai yezhi n aje puwa ntu zumunta ɓo. Ɓai gyi nyagyi ngnisun nagmadai.

Atnu-tnuyi Aɓozhin 24:24

Anyipyei fyewyi avun Feliks wa ɓe n Dirasilayi owo nyikwo, wo ɓei zhin Yahudiyi za nu. Ɓa tnu Bulus ɓo ntu ge wa gna ɓa Yesu ɓeda.

Atnu-tnuyi Aɓozhin 4:32

A Yesu viyi bugba vinya ɓei nyi gmanyi nu. Ozaho-zahoi to ɓo shi nyanyaho yi n wo gmanyi ɓo nun, ɓa ɓo ce ga aje.

Aromayi 1:16

Nabari manayi Kristi nya vinyiko ta wo milon, Shekwoyi ikoda zokwonu n wo ɓe n na zayi ri Shemi n ɓa gwo ko. Aɓei zhin nabari ye waʼazi n kmisun na Yahudiyi aba nu, amma n sayiye ala aza vinya yi ɓa ɓe Shekwoyi aba n zokwo yeyi.

Aromayi 1:5

Nsayi ye dna n Kristi, ala Shekwoyi alheri zeya pu eyi alaifi da n yi to kunce lo yagwo kwo gmanyi n amin. Nsayi ye wo tnuyi nge yi lo anyi, yi gna aza vinya n na bai vinya, aɓo ayakwo n Shekwoyi ku zhin ɓa nabai ɓa ga gaiciya ɓa vi wo ɓo.

Aromayi 1:9

Shekwoyi kpelo shi mi zhin ma zhin aduwa, ntu fye ɓo cici. Nyipyeyi n sukwoyi mi-i ɓe nfyei n fya bukatai, n za aba n mi zhin wo tnu-tnu n mi kalayi vinya, miyi gna aza nabari manayi owo nugun nya.

Aromayi 10:8

Ntuge gni-gni n kwo ɓe dna n gaiciya ga n Kristi, ekwo nu zhin nya n yi zhin waʼazi, kwo to mwa kpa lon n zaho-zaho yin, ɓehin-hin kwo wo viviyi lo n yi ngye, eyi abugba n yi agbei.

Aromayi 15:29

Mi kpe lo sanu n mabe, Dagayi ɓei gami anabarka ntu n fye ɓo, ma ɓefye n cei.

Akorintiyi I 1:10

Ama, oma-zaje, mi gyi fye wye dna Dagayi Yesu Kristi ʼye, fye ku ɓeda ajegna nya ya nfya tasin. Fye ku ze gmanyi, to ajegna lo aduwa nyakun m. Fye la ye ɓedo, efye ɓo nubo-zhin gmanyi, ɓemwi gmanyi njesun.

Akorintiyi I 15:58

Ntucenu, emazaje yeyeyi, fye ku gni mizhi dai-dai. Fye gyi abye n Shekwoyi tnu-tnu yi nʼwyei nyice, Shikonyi fye kpelo ge efye tnu-tnu dna Dagayi ta ze gboloyim.

Akorintiyi II 13:11

Mi zo emi wasika n na ɓe da ye yi. Fye da gma fye mwa fi n Kristi fye kna aɓo tunbua n mi ku da nyi, Fye sase n bugba-doloyi, n bugba fuyi. Shekwoyi ye-ye nya, n bugbafu nyayi wo kunsun n fyei.

Akorintiyi II 4:4

Ɓa ta ga gaiciya lom, ntuge oɓa ɓo nubozhin fi lo a wyegma. Shetam nu nafi ɓa ɓo. Wo ta ye ge ɓa gye buzangna n kwo ɓe oɓa ʼba nyi m. Buzangna n kwo kun n nabari manayi aba n ko wu Yesu Kristi latu nyi, n wo nu zhin Shekwoyi degbe nyi.

Akorintiyi II 9:13

Aza nfya bma zhin aɓa daɓa, to n tukwoyi tu n fye bmazhin n fya zhin ɓa n na azajeyi nyin, ama ɓa ɓei ci Shekwoyi, ntuge ofye a ɓezhin wu lo dei-dei nfye wuwuyi.

Agalatiyayi 1:7

Gama zokwo do to lo n du odo n ya wu fye nyi m, aza n ɓa shando ɓai pmi Kristi gaiciya bma, ɓanu dna fye kwo ce.

Afisusuyi 1:13

Ntu nya ɓo n Kristi wa zhin nyi, ofye vinya ce n fya wo nabari manayi shi oza ɓa pwo, fya ga Kristi gaiciya nyi, a tufye eze n Zafun Gyi-gyi-yi ge fye zhin Kristi nya nu, oza n na ɓei zhin wo alkawali ga a Yesu viyi nyi.

Afisusuyi 1:15

Cenu zhin, tunyi esa n mi ɓei wo fye gaiciya ga ɓo dna n Dagayi Yesu, n ye-yei nfye wu a Yesu viyi n nna aba vinya nyi.

Afisusuyi 4:1

Mi gyi fye wye, emi nmi dna n kurkuku ntu Dagayi bauta ɓo nyi, fye zan-zan fya zhin aɓo n kunce n na zayi n na la ɓa kni, ntu n anabarka wo-wo yi ye pya ɓo.

Afilibiyi 1:5

Ntu fye bmazhin ɓo, fyei zhin aza ɓai kpe Nabari manayi, Kristi nya ɓeye, tunyi esa n fye ɓei wo har nsai ye.

Afilibiyi 2:12

Omi a nugundo yeye yi, sanu n mi ɓei gnisun n fyei, fye ɓei vi mi ɓo-wu peceiye. Shi mi to gni lo n saiye nyi n, fye zhin peceiye fya vi aɓo vinya n ɓa ɓe n gni-gni, avun Shekwoyi mwa-mwa ga, n dna yi, fyei ta na avun yi n nya n kwo ɓa wun wo bugba ya.

Afilibiyi 2:24

Mi ga Shekwoyi gaiciya lo ge, esa fyewyi mi ɓa ɓe ma gye fye wye.

Afilibiyi 3:18

Gama miku gna fye n kmisunyi, ma je fye ce gna n saiye n na awye nyi yi, aza lo n ɓa zan-zan fi n a Yesu viyi zokwo, ama ɓa zhin Kristi zundu a nuɓayi nu.

Afilibiyi 3:20

Ama eyi a-yi lo n ʼshemi, aba n yi gniyi, Dagayi Yesu Kristi nyi. Yiye zlii yi pmi wo nu, wa jeze zhi.

Afilibiyi 4:1

Omi Yesu viyi aje, mi ye fye lo, ofye awye ko milo, ntuge ofyenu zhin mi bugba buyi, n mi tnu-tnu ladayi, Omi a nugundo yeyeyi, fye ku mi zhi dna Dagayi.

Akolosiyi 1:10

Yi nya wo n na abai efye asese ɓa da Dagayi agma kwa la wo tu, n na bai nfye ɓa bwa ɓe manayi zhin, fyei zhin aza ɓe manayi, fya tumwi fya kpe Shekwoyi ye lo abye-abye.

Akolosiyi 1:4

Gama yi ku wo, shi fye kpema Dagayi n jesun shi fye ye owo aza n sun.

Atasalunikayi I 3:6

Nsaiye Timatawus la jeze ɓe, woi gna mi ge, of ye gaiciya ga, n ye-ye yi ɓa gyi abye lo. Fyei pa eyi ziyara ɓo n bugba bui buyi shi fye n cei pma fya gye yi wye, shi yihin cei pma ya gye fye wye nyi.

Atasalunikayi I 4:1

Omi azaje fye kpelo, shi fye ɓa da Shekwoyi bugba, dna n fye asese fyegyi-fyegyi, gama fye kpe wyidna ye lo n yi ɓei ga fye dna n Dagayi Yesu, Nsaiye yi gyi fye wye dna n Dagayi Yesu, nge fye zan-zan shi ya wu fye.

Timatawus I 1:19

La gaiciya ga shi n kalai dna n Kristi ha anubo-zhin ze agyi-gyi-yi, ha zhin oɓo n kpe ge kwo zhin ɓemana nu. Gama azaho n la oɓa anubozhin zungna ɓai zhin oɓo n ɓa kpelo ge kwo to bmiya lon, kwo to zhin ɓe wo-woyi nu shi ɓa ya ɓa gaiciya ga dna n Kristi, ɓai la Shekwoyi eye aɓo na lo nun.

Timatawus II 4:7

Miku okun sun n mwa ntu n emi Dagayi ɓo, Dna n kwo vinya miku ɓefyece zhin. Nsaiye esa lasi n mi ɓa fa kun sunɓo ma sun.

Titus 2:10

Kwo ɓa wyi evim, ama ɓa wu ge ɓa zhin azanu aɓa mi a kpema, Nlonu ɓaɓa zhin aza ɓaye ɓa ga eyi Gniyi n yi Shekwoyi gaiciya.

Filimon 1:5

Gama mi wo oho ye-ye n kpemayi ɓo lo n Dagayi Yesu n wo aza yi.

Yakubu 3:18

Aza n ɓa ga bugba-fu, ɓa ɓa bye nyabye bugbafu nya, ɓa do ɓemana.

Bitrus II 3:11

Tunda anya vinya n shegunyi laɓa ɓa ɓei wuya, ashe ko to bmiya lo ya se ase gyi-gyi yin?

Bitrus II 3:14

Oma nugundo ye-yeyi, sa fye zhilo fyei pmi nyipyei ye, Owo ɓeɓe nya, fye zhin kukari fya sase ntna ɓenukwoi zhin yi, fya sase n gyi-gyi-yi, n bugba fuyi n wa bye.

Yahuda 1:3

Omi anugundo ye-yeyi mi zhin shiri maka ga fye ntu n gni-gni ɓo n Shekwoyi la gayi, Ama nsaiye kwo la ze dole ma ka fye n nyaho tukwo gbo, ma gna ge fye sunkun n wyei bmi ntu n gaiciya ɓo n Shekwoyi ɓei ga owo aza, bwa sun gmanyi, ɓa shikwo ntna doshanyi, aye yi mwa begye.