Afilibiyi 1:21 - Alkawali Woiwoyi

²¹ Gama n mi aba wye-wyeyi zhin esa bwa nu ntu n Kristi ɓo, efi kuwa, n gna bmiya lo.

Afilibiyi 1:21 Iomraidhean Croise

Akorintiyi I 1:30

Ntuge n Shekwoyi aba nu gmanyi nfye wye-wyei yi lo dna Kristi Yesu. Owo na wuyi Shekwoyi shiri ntu gni-gni ɓo; Owo na zhin Shekwoyi Woi gwo yi: Owo na ze yi aza Gyi-gyi-yi, Wona ga Wohin tukwo Wa gni yi.

Akorintiyi I 3:22

Wo la Bulus, n Apollos yi, n Bitrus yi ga fye ɓa bma fye zhin. Wo la anyi vinya ga fye fya zhan-pma ceyi, wye-wyei ɓedo nʼfi yi ofya afyenu nu. Wo ku anya vinya ga fye nɓa lo n sayi ye ɓedo na nya yi nɓa ye ɓeɓelo. Ɓa zhin fyanya nu vinya

Akorintiyi II 5:1

Gama yi kpelo ge, esa tent ye n yi fi nkwo nyi wato eyi nayi n anyimi ye, esa kwa miya Shekwoyi ɓei gayi puwa n she, puwa n wa mi n wohin tukwo yi, puwa n kwo ta shan miyam.

Akorintiyi II 5:6

Ntu cenu yi wyepai lo, yi kpe lo gʼe esa yi fi nayi ye, yi to lo n Shekwoyi puwam.

Akorintiyi II 5:8

Yi wyepai lo so-sai ama yi gna ye lo ya fa nayi ye, ya lo Shekwoyi puwa.

Agalatiyayi 2:20

“Alami zundu n gnisun n Yesu yi, emi n mihin mito ye lon, ama Kristi nu dnalo n sayi ye n mi-mi. Wye-wyeyi hin-hin n mi ncei lo-lo dna n nayi ye n saiye nyi, kwa ɓe ntuge ma ga Shekwoyi Nugun gaiciya nu, n wa yemi wa gawo wyewyeyi ntu n mi ɓo nyi.

Agalatiyayi 6:14

Nmi aba dai Shekwoyi kiyaye ma mwa mihin tukwo, sai dai dna Dagayi Yesu Kristi zundu mi. Ntu ge n zundu aba nu emi shakpe anyi da nya ɓei la duya tunyi n sapa, anyi ɓoda n kwo dna-mi nyi ɓola fi.

Afilibiyi 1:20

Gama mi zhin nubo n na awyetuyi, mi ta zhin ɓeho n kwo ɓa zhin mi ma wo mihin vinyikwon, ama ma gni n shiri yi zhin n saho-sahoi, ma da Kristi nabari n bugba kalayi, sa n mi dna n na a zhin gye n ya, shi mi shin gye n sapa n na abai ma ga Kristi mwa-mwa, kwo mi-i n wye-wyeyi kwo mi ya fi.

Afilibiyi 1:22

Ama ngye n mi wye-wyei ɓa ga mi esa ma gni aza ga Kristi, to a gye mita kpe edo ye lo n kwo gna bmiya lon, Wye-wyeyi ko efi m.

Afilibiyi 1:23

Nsahoi mi n cei pmalo ma gni wye-wyeyi sahoi mi to n cei pmalo n. Gama mi n cei pma lo ma lo mi kunsun n Yesu yi, Kwo ɓa gna ma gmada n mwa ma ndu n mi wye-wyeyi lo ya.

Afilibiyi 2:21

Zaho-zahoi ce woi wo wohin nu ɓo, to woi shan Yesu Kristi ɓo won.

Akolosiyi 3:4

Esa n Kristi nwo zhin eyi wye-wyeyi hin-hin, wa jezeɓe fye ɓei bmiya na fyei bwa owo mwa-mwa.

YOHANNA ƁEWYEGYE 14:13

Mawo begye n eshe bmana, n mi eshe kwoi cige, “Ka aɓeye kpe, esa n la si nsai n awo aza a fifiyi ɓa lo oɓa sun-sun, E, Zafun nu na da, ɓazhin anabarkada nu, gama nsaiye ɓaɓa sun n ɓa azhin, ntnu-tnuyi, gama oɓa atnu-tnu manayi viɓa lo har eshemi.”