Afilibiyi 1:16 - Alkawali Woiwoyi

^16-17 Ɓai zhin waʼazi ntuge ɓa yemi, gama ɓa kpe lo ge Dagayi wa ɓe miyi n ya wa zhin apma n miyi ma kna gaiciya. Azaho zhin waʼazi ɓa zhin mi ma wo she, ɓai gye ge oɓa abye gyi ɓa ɓemi bugba zhizhiyi dna n Kurkuku ya.

Afilibiyi 1:16 Iomraidhean Croise

Akorintiyi I 9:17

Ndei ko ɓo lo ge omi bugba na la ma zhin tnu-tnu-ye Shekwoyi wo gami ko lada; ama ko to wulo lonu nun, ntuge Shekwoyi nu na kni mi Woi dna mi tnu-tnu ye n nakun mi-i to n mihin ɓo kni-yi lo n shan sun.

Akorintiyi II 2:17

Ai, yi to wu lo ngye aza nu, n ɓa la Shekwoyi ɓeda kwa ɓa ze gyiba nya m. Ama shi Shekwoyi nu na tnuyi, yi daɓo n gaiciya yi, ntuge yi zhin Kristi abara nu.

Afilibiyi 1:10

Gama mi ye Ifya kpe ɓe nukwoyi ye n ɓemanayi cewo. Fye ku ze a gyi-gyi-yi n fye mi, to oza mi wa gye fye laifin har esa n Dagayi ɓa jeze ɓe n cei.

Afilibiyi 1:12

Mi cei pma lo fya kpe, omi azaje, aɓo vinya n ɓa bwa mi ya, kwo la ze apma nya kwoi zhin aza ɓai wo Nabari manayi Kristi nya.

Afilibiyi 1:5

Ntu fye bmazhin ɓo, fyei zhin aza ɓai kpe Nabari manayi, Kristi nya ɓeye, tunyi esa n fye ɓei wo har nsai ye.

Afilibiyi 1:7

Kwo wulo cewo ma wo n mi mi ntu fye ɓo ngye shi mi wo nyi, ntuge, fye dnalo n mi bugba mwa. Yila gni bwa ngnisun Shekwoyi anabarka esa n mi ɓei dna n Kurkuku nyi, n esayi n mi ɓei la gmi nyi. Mi-i sunkun ntu gaiciya ɓo mi-i gna aza Kristi nabari.

Afilibiyi 2:22

Ama fye kpe Timatawus ye lo. Wo la ze n gye mi ɓinu, woi bma mi nabari manayi waʼazi zhin.

Afilibiyi 4:15

Shi fye kpe lo nyi, sanu n mi ɓei kmi fye ɓe n nabari manayi nyi, ma godiya ma fa Makidoniya, ofye a Filibiyi nu ɓei bwami a nugundo zhin n nyaga ngwo-gwo yi. Ikklisiya ho to ɓei shan deye pya zhin.

Afilibiyi 4:3

Ma gna fye, emi a tnu-tnu kun-zhin yi n gaiciya yi, fye bma anyikwoza ye zhin. Ntu ge ɓa ɓei ku tnu-tnu kun zhin n miyi dna n Nabari manayi waʼazi zhin. Ɓa tnu-tnu ngnisun zhin Klement n mi azaje yi n ɓa aye kafi lo n lifafi wye-wyeyi nya nyi.