Afilibiyi 1:15 - Alkawali Woiwoyi

¹⁵ Azaho zhin waʼazi ntuge ɓa wo she, shi Shekwoyi zhin apma n miyi. Ɓaye a ciɓa nge ɓa zhin waʼazi n tna dna. Ama azaho zhin n bugba yi gmanyi.

Afilibiyi 1:15 Iomraidhean Croise

Matta 23:5

Nya ɓa zhin vinya ɓa zhin ge agye nu. Ɓa zhan ɓo gye aza gyi-gyi-yi, ɓai shi a takarda aduwa nya n na ayoyi kafi, ɓai ɓe atnu-tnu-je ɓopa nya yi kpe.

Atnu-tnuyi Aɓozhin 10:36

Ho ku nabari manayi wo a Israilayi salama n Shekwoyi yi dna n Yesu eye kwo? Almasihu nu zhin Dagayi anyi zhinyi. Nabari ye la gnami vinya n Yahudiya kwoi ya n Yohanna batisma yi dna Galili.

Atnu-tnuyi Aɓozhin 11:20

Ama dai a viyi n ɓa ɓo lo Antakiya ɓai kun n Saiparus nyi, ɓa da nabari manayi ye, ga Helleniyi.

Atnu-tnuyi Aɓozhin 5:42

Ɓa gyi abye fyegyi-fyegyi n aduwa nyakun ɓai wu nya ɓai zhin waʼazi ge Yesu nu zhin Kristi.

Atnu-tnuyi Aɓozhin 8:35

Sai Filibus wa ya wo awyega wu nya na da ntu Yesu tukwo.

Atnu-tnuyi Aɓozhin 8:5

Filibus wa lo Samaria wa da nabari Kristi nya nbwai.

Atnu-tnuyi Aɓozhin 9:20

Wa lo aduwa zhin ba, ntu ge wa da nabari manayi Yesu nya, n ge wo zhin Shekwoyi nugun nu.

Aromayi 2:8

Ama wo ɓei ga aza tata n ɓa gni a papa n Shekwoyi gaiciya yi, ɓai zan-zan fi n na zokwo nukwoyi, aɓei ze Shekwoyi minagyi ya kpe ɓa.

Akorintiyi I 1:23

Ntu cenu sa ya zhin waʼazi ge Yesu wa fi Wa gni ɓa nu, Ayahudiyi ta ye ɓedayem ko fyewyi. N na Heleniyi aba kwa, ko zhin gboloyi nu.

Akorintiyi I 13:3

Ko mi-i ku mi nyabwa yaga vinya agna awyekoyi, har ma ga mi nayi ntuge a gyi ko ʼna ɓedo, ama mi-i to n yeyei lom, ko la ze ɓo gbolo.

Akorintiyi II 1:19

Ntuge Yesu Kristi Shekwoyi nugun n Sila ɓei zhin fye waʼazi n wo tukwo nyi. Har Timatawus ɓedo nmi yi ya kuje fye gna nyi, wo to zhin oza nu nwo ci ge, Eh, woi je ci ge aʼa m. Ama wo zhin wa ci ge Eh nu, deye kwa, ko gmi n Shekwoyi aba nu.

Akorintiyi II 11:13

Shekwoyi nu to tnu n na aza ye pyayin. Kwo fyewyi, ɓa zhin akataceyi nu, ɓa dnafye kwoce n gye ɓa zhin Kristi atnu-tnu yi.

Akorintiyi II 12:20

Gama edna wo mi lo esa n ma ɓe n cei, anya n mi ɓo gye ta damin, enya n mi ɓa zhin ceta da fyen, edna wo mi lo mi bei gye fye fi fyei wu anya. Fye wo aje ʼshe, fyei gyi minagyi n na ajeyi fyei mwa fyehin tukwo, fyei da ɓo a nukwoyi n na aje tukwo n nunuyi n tukwomwayi n na ajegna yi.

Akorintiyi II 4:5

Gama yi ta zhin eyi hin nu waʼazi m, yi zhin Yesu Kristi nu waʼazi, n wo zhin Dagayi nyi, eyihin ce yi zhin fye abara nu, ntu Yesu Kristi ɓo.

Agalatiyayi 2:4

Ko ma, ɓenya deye pya to ɓei ɓa ɓen, sai dai aza n ɓa yi ɓahin ge a Yesu viyi, a Yesu viyi a katai n ɓa ɓe, ɓa pmi ɓe gye n yi zhin, ɓa gye a gmada pya n yi n cei dna n Yesu, ko yi shi a Yahudiyi awyidna bwa lo. Ɓa zhin atna ɓa payi gyi n ɓa wyidna n gye a fyenu pa zhi na gmayi.

Afilibiyi 2:3

To ye hohin tukwon, to zhin ɓo n na bai aza ci hon, gba hohin tukwo, ha gye azaje ndu hohin.

Timatawus I 3:16

Kwo zhin gaiciya nu asese manayi dna n Shekwoyi, kwo to zhin oɓo fafayi nun, amma amsa lo n Kristi, n wa ze zanyikwoci wa ɓe anyi, a gye wo n gyi-gyi n tna laifi dna n wo Zafun, amalaika ɓa zhin wo bauta, a zhin wo waʼazi n anyi vinya, aza gwowo n na aba vinya laɓa, a gwo wo njesun wo lo eshemi.