Afilibiyi 1:10 - Alkawali Woiwoyi

¹⁰ Gama mi ye Ifya kpe ɓe nukwoyi ye n ɓemanayi cewo. Fye ku ze a gyi-gyi-yi n fye mi, to oza mi wa gye fye laifin har esa n Dagayi ɓa jeze ɓe n cei.

Afilibiyi 1:10 Iomraidhean Croise

Matta 16:23

Yesu wa gna Bitrus, “La mi ka lo bwai, shetan! Ho zhin kuta bonyice nya-nu maba. Eza ɓemwi nu n ho da, Shekwoyi nya nu to m.”

Matta 26:33

Bitrus wa gna, “Ngye aza ɓa na haɓo, mi da ta na ha ɓo m!”

Yohanna 1:47

Shi Yesu ɓo gye Natanailu ɓai ɓe wa ci ge, “Gyewye, wo nu zhin Israilayi ɓehin-hin nya, wo ta zhin awyebui m.”

Yohanna 3:20

Ɓa ɓo wun buzangna ʼshe nya nu, ntuge ɓa ɓei ye ɓa zhin aɓo nukwoyi fi n wyegmaa, to a gye ɓa wyen m.

Atnu-tnuyi Aɓozhin 24:16

Ntu aɓo deye ɓo mi zhin atna n mi akala yi vinya, ma zhin ɓo ko bmiya n Shekwoyi abye, na za yi.

Aromayi 12:2

Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.

Aromayi 12:9

To ye aza n gbeyin, yeɓa cewo. To ye enya n kwo to bmiyan, ye ɓemana ha zhin kwo.

Aromayi 16:17

Nsaiye, ɓeda gmanyi n mi cei lo ma da kafin mi zo n wasika ye yi. Fye la pmiya n na aza n ɓaɓe n na ajegnayi ɓai shan aza gaiciya ga a shan. Ɓai ɓe n wuwuyi nkwo wu gbo, n doyi n aku wu fye.

Aromayi 2:18

Fye kpeɓeye lo nwo ye, fye kpe ɓe nukwoyi yelo n ɓe manayi fyei gna manayi ye, ntuge aɓe ku wyidna wufye, fyei n na ɓinayi.

Aromayi 7:16

Mi kpelo sarai enya n mi zhin nyi kwo to bmiya lon, emi nubo zhin wumi nge, mila ye n owa yei n mi zungna nyi.

Aromayi 7:22

Miye ma zhin Shekwoyi ɓeye, shi emi zawoi-woi ncei pma.

Aromayi 8:7

Ntuge eyi oza kwo-kwoyi n kwo dna yi nyi kwo zhin nuɓayi nu n Shekwoyi, kwo ta ye kwa shi Shekwoyi awyidna bwan, kwoi ta min.

Akorintiyi I 1:8

Wo la ye har nyalonyalo ayi fye aza kni-kni-yi, tna laifi n ɓenukwoi yi dna Wo nyipyei jezezhi nya.

Akorintiyi I 10:32

Fye to ze dalili bonyicenya n zaho-zahoi abam, ko a Yahudiyi Ko a Heleniyi, ko ekklesiya Shekwoyi nyam.

Akorintiyi I 8:13

Nuce nu, ndai ashan-bu gyi ɓa zhin mi zado wa zhin laifi, mi ta shan ɓa gyim har nyalo-nyalo, ntuge mi ta ye lo ma zhin mi zado, wa zhin laifi m.

Akorintiyi II 1:12

Eyi bugba bui-bui nyi, har eyi ɓemwi-i wu yi ge, eyi zan-zan dna nna anyi ye, tun ba ga eyi aɓozhinzhin nfyei, ɓa ku ze n Gyi-gyi-yi, n gaiciya yi, n Shekwoyi aba. Ya zhin lo nu, to ge dna n anyi ɓeyekpe nu m, ama alheri Shekwoyi nya nu.

Akorintiyi II 2:17

Ai, yi to wu lo ngye aza nu, n ɓa la Shekwoyi ɓeda kwa ɓa ze gyiba nya m. Ama shi Shekwoyi nu na tnuyi, yi daɓo n gaiciya yi, ntuge yi zhin Kristi abara nu.

Akorintiyi II 6:3

Yi to cei pma, zaho wa gye ge eyi tnu-tnu to bmiya lom, ntu cenu to yi ye, ya ɓe n wahalai n zaho-zahoi aba m.

Akorintiyi II 8:8

Mita ga fye wyidna num, mita ci ge tilas fya zhin n lo num, ama a wo azaje pwa lo n zhin yi. Zokwo nyi n kwo ɓa wu ge ofye ye-ye zhin ɓehin-hin nya nu, kwo du ɓeda asan lo.

Agalatiyayi 5:11

Azaho gnalo ge, mi zhin kaciya, n na Yahudiyi awyidna yi waʼazi lo, nge ɓa zhin ɓe shi-shi-yi nu n gni-gni zokwo. To, ngye mi zhin cenu waʼazi, ata shan mi wahala gan, ntuge waʼazi ye ta kni zaho-zahoi bugban. Wahala n na ga mi nyi kwa wu nu ge, mi zhin gni-gni dna n gaiciya ga n Kristi zundu gmanyi nu waʼazi.

Afisusuyi 4:15

Nkwo apita yivi gaiciya dna n ye-ye nsai vinya, yida gaiciya, yi zhin aɓo dna n gaiciya, yi sase dna n gaiciya, n na bai ya ze ngye Kristi n wo zhin owo nayi tukwo danyi, wato Ikklisiya, Dna n wo ɓewu nayi vinya nku aje dei-dei, oga dohodohoi n kwo zokwoyi, kwoi bma do zhin, n na bai n nayi vinya ɓa bwa lafiya, kwa mwa n nu-nuyi n yeyi.

Afisusuyi 5:10

Fye tumwi fya zhin ɓo n kwo da Dagayi.

Afisusuyi 5:27

Nna abai wa ga wohin tukwo kwo, ngye ikklisiya mwa-mwai ntna ɓenukwoi, kwo laifi ci gusa, n gyigyi yi n tna cegye.

Afisusuyi 6:24

Shekwoyi alheri n anabarkayi, ɓa kunsun n na azai nɓa ye eyi Dagayi Yesu Kristi n bugbai gmanyi.

Afilibiyi 1:16

Ɓai zhin waʼazi ntuge ɓa yemi, gama ɓa kpe lo ge Dagayi wa ɓe miyi n ya wa zhin apma n miyi ma kna gaiciya. Azaho zhin waʼazi ɓa zhin mi ma wo she, ɓai gye ge oɓa abye gyi ɓa ɓemi bugba zhizhiyi dna n Kurkuku ya.

Afilibiyi 1:6

Mi tabata lo Shekwoyi n wa ya tnutnu manayi n fye mi nyi, wo ɓa gyi abye n fye bmazhin yi, fya mwa fi n wo alheri, sai esa n owo tnu-tnu n fye mi nku zo zhin, ewyi n Yesu Kristi ɓei jeze ɓe cei.

Afilibiyi 2:16

Fyei wuɓa Nabari wye-wyeyi nya. Sanu n Kristi bei jeze ɓe ncei, aɓei da mi n mwa, nge emi tnu-tnu n fya ba to ze gbeloyin.

Atasalunikayi I 3:13

Deye ɓa zhin ofye abugba ɓa bwa kala, n tna laifi, n Gyi-gyi-yi n Shekwoyi eyi Dada yi. N na bai fya gni-gni zhi n wa abye n tna laifi, ewyi n eyi Dagayi Yesu Kristi ɓei jezeɓe n gnisun n na azayi n ɓa zhin owo anya nyi.

Atasalunikayi I 5:21

ama fye mwi ɓelo-ɓehoi n na da, fya kpe kwo gaiciya nu, ndei kwo zhin gaiciya nu fya gwo kwo.

Atasalunikayi I 5:23

Fa Shekwoyi bugbafu nya n wohin tukwo wa ze fye agyi-gyi-yi. Fa efye zafun, wye-wyeyi, n nayi ɓa bwa kala n tna laifi, har ewyi n eyi Dagayi Yesu Kristi ɓei jezeɓe n cei.

Yohanna I 4:1

Omi a nugundo ye-yeyi fye to ga aɓo vinya gaiciya nfye won, ntuge aza gna fye ge Shekwoyi ɓeda nun fye mwi kwo kpa fya gye kwo Shekwoyi ɓeda nu. Gama anya wuyi a katayi lo.

YOHANNA ƁEWYEGYE 2:2

“Wo ciho ge, Mikpe lo shiho zhin aɓo manayi nsun, miku gye oho kukari n hakuri yi, mi kpelo hota ye n laifiyi n ho aza aban, hoi la aza pmi nɓa ci ge ɓa zhin atnu-tnu-yi ɓai to zhinɓa nun, Ho ku kpe n gye shiɓa ce a kata.