ሶፎናሳ ቲንቢቴ 2:3 - ጋሞ ማጻፋ

³ ኢንቴኖ ቢታ ቦላ ዲዛ ኣሽኬቶ፤ ኢዛ ኣዛዞካ ፖሊዛይቶ! ጎዳ ኮዪቴ፤ ጺሎቴኔ ኣሽኬቴ ኮዪቴ፤ ጎዳ ሃንቆ ጋላሳፌ ኢንቴ ኣታናኮ ኦኔ ኤሪዛይ!

Geeshsha Maxaafa

³ Intteno biitta bolla diza ashketoo; iza azazokka polizaytoo! GODAA koyite; Xilloteththinne ashketeth koyite; GODAA hanqo gallassafe intte attanaakko oonee erizay!

ሶፎናሳ ቲንቢቴ 2:3 Iomraidhean Croise

2ሳሜላ ማጻፋ 12:22

ዳዊቲ ኢስታስ፥ «ኤ ቱማ፥ ናዚ ሼምፖራ ፓጻ ዲዛ ዎዴ፥ ‹ጎዳይ ታስ ኣቶ ጊዲ ናዛ ሼምፖራ ፓጻ ዎናኮን ጋዳ ጾማዲሲኔ ዬካዲስ።›

ዬ ማጻፋ 105:4

ጎዳኔ ኢዛ ዎልቃ ጾሞሲቴ፤ ኡባቶ ኢዛ ሲን ኮዪቴ።

ዬ ማጻፋ 149:4

ጎዳይ ባ ኣሳን ኡፋዬቴስ፤ ኣሽኬታ ኣሺዲ ቦንቾን ፑላሴስ።

ዬ ማጻፋ 22:26

ሂዬሳቲ ሚዲ ካላና። ጎዳ ኮይዛይቲ ኢዛ ጋላታና። ኢስቲ ሜርናስ ኡፋዬታና።

ዬ ማጻፋ 31:20

ኔኒ ኢስታ ኔ ኬን ጌንዳ ኣሳ ማቆፌ ኣሻሳ፤ ኔኒ ኢስታ ኔ ዲዛሶን ቆታዳ ኢታ ኢንጻርሳፌ ናጋሳ።

ዬ ማጻፋ 45:4

ቱማቴስ፥ ኣሽኬቴሲኔ ጺሎቴስ ኔ ቴማቴ ማይኣዳ ኦላ ጾናናስ ሲን ሆርዶፋ፤ ኔ ኡሻቻ ኩሼይ ማላሊሲዛ ሚሽ ቤሶ።

ዬ ማጻፋ 57:1

ኣቤት ጾሳዉ! ኔ ታስ ቃታ፤ ታና ማራ፤ ታ ሼምፖያ ኔናን ዜምፓዱስ፤ ባሻይ ኣና ጋካናስ ታኒ ኔ ቄፌታ ጋርሳን ቆቴታና።

ዬ ማጻፋ 76:9

ኣቤት ጾሳዉ! ሃይሲ ሳኣ ቦላ ኡንኤቲዳይታ ኣሻናስ ኔኒ ፒርዳስ ዴንዲን ሃንዴስ።

ዬ ማጻፋ 91:1

ኡባፌ ቃ ጎዳን ዜምፒ ዴኢዛይ፥ ኡባ ዳንዳይዛ ጾሳ ኩዋን ኣቄስ።

ኬሳ ማጻፋ 12:27

ኢንቴ ኢስታስ፥ ‹ሃይሲ ጎዳ ቦንቻናስ ያርሺዛ ፓዚጋ ያርሾ፤ ኣይስ ጊኮ ጎዳይ ጊብጼ ቢታን ኢስራኤሌ ኣሳ ኬ ኣጊ ኣዲ ጊብጼ ኣሳ ዎዲ ኑና ኣሺዳ ጊሻሳ› ጊቴ» ጊዴስ። ሄሳፌ ጉዬ ኣሳይ ቢታ ቦላ ጉፋኒ ጎይኒዴስ።

ሌሚሶ ማጻፋ 18:10

ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

ኢሳያሳ ቲንቢቴ 1:17

ሎኦ ኦሶ ታማርቴ፤ ሱሬ ፒርዳ ኮዪቴ፤ ቆሄቲዳይታ ሚንቴ፤ ዪኦታስ ኤቂቴ፤ ኣምኤታስ ሞቴቲቴ» ጊዴስ።

ኢሳያሳ ቲንቢቴ 11:4

ጊዶ ኣቲን ሂዬሳታስ ጺሎ ፒርዳና፤ ሳኣ ቦላ ማንቆታስ ሱሬ ፒርዳና፤ ባ ኢንጻርሳ ጻምኣን ሳኣ ሾጫና፤ ባ ዶና ፔኖን ኢታታ ዎና።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኤርማሳ ቲንቢቴ 39:18

ታኒ ኔና ኣሻና፤ ኔኒ ታናን ኣማኔቲዳ ጊሻስ ሼምፖራ ፓጻ ኣታና ኣቲን ማሻን ሲፌታካ» ጊዲ ዮታና ማላ ኣዛዚዴስ።

ኤርማሳ ቲንቢቴ 45:5

ሂስቲን ኔኒ ኔስ ጊታ ሚሽ ኮያይ? ኣሳ ናይታ ኡባ ቦላ ታኒ ባሽ ኤሃና ጊሻስ ኔ ሄሳ ኮዮፓ፤ ጊዶ ኣቲን ኔኒ ቢዳሶ ኡባን ታ ኔ ሼምፖ ኣሻና» ጌስ።

ሂዚቄላ ቲንቢቴ 13:5

ጎዳ ጋላሳን ዪዛ ኦላን ዲርሳይ ሚኒ ኤቃናስ ዳንዳያና ማላ ጳልቄቲዳ ኢስራኤሌ ጊምቤዛ ሚን ጊምባናስ ኢንቴ ሄ ኬዚቤኬታ።

ሆሴኤ ቲንቢቴ 10:12

ጎዳይ ዪዲ ጺሎቴ ኢንቴ ቦላ ኢራ ማላ ቡኪሳና ጋካናስ ሃና ኢንቴ ኢዛ ኮይዛ ዎዴ ጊዲዳ ጊሻስ ኦ ጎዪቴ፤ ኢንቴስ ጺሎቴ ዜሪቴ፤ ሚኖ ሲቆ ኣይፌ ማጺቴ።

ሆሴኤ ቲንቢቴ 7:10

ኢስራኤሌ ኣሳ ኦቶሬቴ ኢስታ ቦላ ማርካቴስ፤ ሄሲ ዉሪ ሃኒንካ ኢስቲ ጎዳ ባንታ ጾሳኮ ሲሚቤቴና፤ ኢዛካ ኮዪቤቴና።

ዮናሳ ቲንቢቴ 3:9

ሂስቲኮ ጾሳይ ኑስ ቃቲዲ ኑ ዮንታ ማላ ባ ዎልቃማ ሃንቆፌ ሲማናኮ ኦኔ ኤሪዛይ» ጊዴስ።

ዛካራሳ ቲንቢቴ 8:19

«ኦይዳን ኣጊናን፥ ኢቻሻን ኣጊናን፥ ላፑን ኣጊናኒኔ ታማን ኣጊናን ኢንቴ ጾሚዛ ጾማይ ዩሁዳ ዴራስ ኡፋይሳ ጋላሲኔ ባኣሌ ጋላስ ጊዳና፤ ሄሳ ጊሻስ ኢንቴ ቱማቴኔ ሳሮቴ ኮዪቴ።»

Maatosa 5:5

ኣሽኬቲ ኣንጄቲዳይታ፤ ኣይስ ጊኮ ኢስቲ ቢታ ላታና።

1ታሶሎንቄ ኣሳስ 4:1

ሃኢ ዉርሴን ታ ኢሻቶ! ኢንቴ ጾሳ ኡፋይሳናስ ኢንቴ ዋኒ ዋኒ ዳና ቤሲዛኮ ኑ ኢንቴና ታማርሲዶስ፤ ቱማፔካ ኑ ታማርሲዳ ማላ ዴታ፤ ሄሳ ጊሻስ ጎዳ ዬሱስ ኪርስቶሳን ኑ ኢንቴና ዎሲዛይኔ ዞሪዛይ ሃይሳፌካ ኣዛ ሃኖራ ኢንቴ ሲን ጉጃና ማላሳ።

1ታሶሎንቄ ኣሳስ 4:10

ኩሜ ማቂዶኒያን ዲዛ ኣማኒዛ ኣሳ ኢንቴ ኡባ ሲቂዛይሲ ኤሬቲዳይሳ፤ ጊዶ ኣቲን ኑ ኢሻቶ! ሲን ባጋን ኢንቴ ሃይሳፌ ኣ ሲቄታና ማላ ኑ ኢንቴና ዞሮስ።

1ጴጽሮሳ ኪታ 1:22

ኢንቴ ኣማኒዛይታ ሱሬ ዎዚናፔ ሲቃና ማላ ቱማስ ኣዛዜቴን ኢንቴ ኢንቴ ኣሳቴ ጌሺዴታ፤ ሄሳ ጊሻስ ኢንቴ ኢንቴ ጊዶን ኢሶይ ኢሳራ ሎኤ ሲቄቲቴ።

1ጴጽሮሳ ኪታ 3:4

ኢንቴ ሎኤቴ ጾሳ ሲንን ዋጋራ ዲዛ ኬሂ ቦንቼቲዳዚኔ ዮንታ ጌጼን፥ ኣሽኬቴን፥ ኣዳቴኒኔ ኣያናን ጌጼቲዳ ዎዚና ጋርሳን ቆቴቲ ዲዛ ጊዶ ዎዚና ሎኤቴ ጊዶ።

2ጴጽሮሳ ኪታ 3:18

ሄሳፌ ቦላራ ኑ ጎዳኔ ኑ ሌ ዬሱስ ኪርስቶሳ ኪያቴኒኔ ኢዛ ሻኪ ኤሮን ፑዴ ዲጪቴ፤ ኢዛስ ሃኢካ ሜርናስካ ቦንቾይ ጊዶ። ኣሚን።