ዮሃኒሳ ኣጁታ 2:12 - ጋሞ ማጻፋ

¹² «ጴርጋሞኔ ዎሳ ኬ ኪታንቻስ፥ ሃይሲ ናምኡ ባጋራ ቃራ ማሻ ኦይኪዳይሳፌ ዮቴቲዳይሳ።

Geeshsha Maxaafa

¹² Phergamoone Woosa Keeththa kiitanchchaas, «Hayssi nam7u baggara qara mashsha oykkidayssafe yootettidayssa.

Gamo Geesha Maxxafa New Testamen

¹² Pherigamone woossa keeththa kiitanchas hizga xaafa, “Hayss nam7u baggara qare mashsha oykidadefe yootettidazikko.

ዮሃኒሳ ኣጁታ 2:12 Iomraidhean Croise

ኢሳያሳ ቲንቢቴ 11:4

ጊዶ ኣቲን ሂዬሳታስ ጺሎ ፒርዳና፤ ሳኣ ቦላ ማንቆታስ ሱሬ ፒርዳና፤ ባ ኢንጻርሳ ጻምኣን ሳኣ ሾጫና፤ ባ ዶና ፔኖን ኢታታ ዎና።

ኢሳያሳ ቲንቢቴ 49:2

ታ ኢንጻርሳ ጊ ማሻ ማላ ቃራሲዴስ፤ ባ ኩሼ ኩዋን ታና ጌንዴስ፤ ኢዚ ታና ሆጼ ዪሻ ማላ ኦዴስ፤ ሂስቲዲ ባ ኮሆ ጊዶን ታና ቆቲዴስ።

Ibirawe 4:12

ጾሳ ቃላይ ፓጻ ዲዛይሳኔ ኦዛ ቃላ፤ ናምኡ ባጋ ቃራ ማሻፌካ ኣ ቃራ፤ ሼምፖኔ ኣያና፥ ሻያኔ ኮልካ ሻካና ጋካናስ ጫዴስ፤ ዎዚና ቆፋኔ ኣሞቴካ ፓጪ ጼሌስ።

ዮሃኒሳ ኣጁታ 1:11

«ኔኒ ቤኢዛይሳ ዋራቃታን ጻፋዳ ላፑን ዎሳ ኬታስ ሄይቲካ ኤፌሶኔስ፥ ሳሜርኔሴስ፥ ጴርጋሞኔስ፥ ቲያጺሮኔስ፥ ሳርዴሴስ፥ ፊላዴልፊያሲኔ ሎዶቂያስ ዬዳ» ጊሺን ሲያዲስ።

ዮሃኒሳ ኣጁታ 1:16

ኢዚ ባ ኡሻቻ ኩሼን ላፑን ጾሊንቴታ ኦይኪ ኡቲዴስ፤ ኢዛ ዶናፔ ናምኡ ባጋራ ቃራ ማሻይ ኬዜስ፤ ኢዛ ኣይፌሶይ ኣርሼ ማላ ጾልቄቴስ።

ዮሃኒሳ ኣጁታ 19:15

ኣይዛቤታ ኢዛራ ቃንጺዛ ቃራ ማሻይ ኢዛ ዶናፔ ኬዜስ፤ ኢዚ ኢስታ ቢራታ ጉፌራ ሃራና፤ ኢዚ ዉርሲካ ዳንዳይዛ ጾሳ ሚኖ ሃንቆ ቆንጪሲዛ ዎይኔ ጫጄ ዬዛሶን ኢስታ ዬና።

ዮሃኒሳ ኣጁታ 19:21

ሃንኮ ኣቲዳይቲ ቃሴ ቦ ፓራ ቶጊዳይሳ ዶናፔ ኬዚዳ ማሻን ሃይቂዳ፤ ካፎቲካ ዉሪ ኢስታ ኣሾዛ ሚ ካሊዳ።

ዮሃኒሳ ኣጁታ 2:1

«ኤፌሶኔ ዎሳ ኬ ኪታንቻስ፥ ‹ሃይሲ ላፑን ጾሊንቴታ ባ ኡሻቻ ኩሼን ኦይኪዳዴፌኔ ኢስታ ቦላ ጾምፔ ዎዛ ላፑን ዎርቃ ባላታ ጊዶን ሲሜሬቲዛዴፌ ዮቴቲዴስ።

ዮሃኒሳ ኣጁታ 2:16

ሄሳ ጊሻስ ማሮቴን ጌላ፤ ኣካይ ጊኮ ታኒ ኤሶን ኔኮ ባዳ ኔና ታ ዶናፔ ኬዚዛ ማሻ ሚሳቲዛ ቃላራ ኦላና።

ዳናታ ማጻፋ 3:16

ኤሁዴይ ናምኡ ባጋራ ቃራቲዳ ኢሲ ዋ ጊዲዛ ጊ ማሻ ባስ ጊግሲዴስ፤ ኡሻቻ ሚሌ ባጋራ ማይኦ ጊዶን ጊጺዴስ።