ዮሃኒሳ ኣጁታ 15:3 - ጋሞ ማጻፋ

³ ጾሳ ኦሳንቻ ሙሴ ዬኔ ዶርሳዛ ማዛሙሬ፥ «ኡባ ዳንዳይዛ ጎዳ ጾሶ! ኔ ኦሶይ ጊታኔ ማላሊሲዛዛ፤ ዴሬ ካዎዞ! ኔ ኦጌይ ሊኬኔ ቱማ።

Geeshsha Maxaafa

³ Xoossa oosanchcha Muse yeththinne dorsaza mazamure, «Ubbaa Dandayza Godaa Xoossoo! Ne oosoy gitanne malalisizaaza; dere kawozoo! Ne ogey likkenne tuma.

Gamo Geesha Maxxafa New Testamen

³ Xoossa othancha mule yethine dorisaza yeth hizgi yexxida “Wurisa danda7iza Goda Xoosso! ne oothoy gitane malalithizazikko, dere kawozo! ne ogey likenne tumukko.

ዮሃኒሳ ኣጁታ 15:3 Iomraidhean Croise

ሜቴ ማጻፋ 17:1

ኣብራሜ ላይ ኡዱፉን ታማኔ ኡዱፉን ጊዲሺን ጎዳይ ኢዛስ ቆንጪዲ፥ «ታኒ ኡባ ዳንዳይዛ ጾሳ፤ ኔ ታ ሲንን ሱሬ ሄሜታ።

1ታሪኬ ማጻፋ 6:49

ኣሮኔይኔ ኢዛ ናይቲ ጊዲኮ ጾሳ ኣይሌ ሙሴይ ኣዛዚዳ ማላ ኢስራኤሌ ዴራ ናጋራ ዉርሳናስ ኡባፌ ዱማቲዳ ጊዶ ቆልኣን ኦሴቲዛ ኦሶታ ኡባስ፥ ያርሾ ያርሺዛሶዛ ቦላ ጹጌቲዛ ያርሾ ያርሻናሲኔ ኤጻኔ ጩዋሲ ያርሺዛሶዛ ቦላ ኤጻኔ ጩዋሳናስ ኢስታስ ኣዋቴ ኢሜቲዴስ።

2ታሪኬ ማጻፋ 24:6

ሄሳ ጊሻስ ካዎይ ቄሴታ ሃላቃ ዮዳሄ ጼይጊዲ፥ «ጎዳ ኣይሌይ ሙሴይኔ ኢስራኤሌ ኣሳይ ጾሳ ዱንካኔ ኦሶስ ኬሶ ሺሻናስ ቤኒ ዎጋ ዎይሳ ዬሩሳላሜ ኣሳፔኔ ዩሁዳ ኣሳፔ ኬሶ ሺሻናስ ኣይስ ሌዌታ ዴንቤኪ?» ጊዴስ።

ናሂሚያ ማጻፋ 9:14

ጌሻ ኔ ሳምባታ ኢስቲ ቦንቻና ማላ ታማርሳዳሳ፤ ኔ ኣዛዞታ፥ ዎጋታኔ ማራታ ኔ ኦሳንቻ ሙሴ ባጋራ ኢስታስ ኢማዳሳ።

ኢዮቤ ማጻፋ 36:24

ኢዚ ኦዛ ኦሳ ጊሻስ ኣሳይ ኡባ ዎዴ ዬን ጋላቲዛይሳ ማላ፥ ኔኒካ ኢዛ ኦሳስ ዬን ጋላታ።

ኢዮቤ ማጻፋ 5:9

ኢዚ ቆዳይ ባይንዳ ማላሊሲዛ ሚሽ፥ ፒልጊን ጋኬቶንታ ጊታ ሚሽ ኦስ።

ዬ ማጻፋ 100:5

ኣይስ ጊኮ ጎዳይ ኪያ፤ ኢዛ ሲቆይ ሜርናሳ፤ ኢዛ ኣማኔቴይ ዬሌታፔ ዬሌታ ጋካናሳ።

ዬ ማጻፋ 105:5

ኢንቴኖ ኢዛ ኣይሌ ኣብራሃሜ ዜሬቶ! ዶሬቲዳ ያቆቤ ናይቶ! ኢዚ ኦዳ ማላሊሲዛ ኦሶታ፥ ኢዛ ማላታኔ ኢዚ ፒርዲዳ ፒርዳ ኣኬኪቴ።

ዬ ማጻፋ 111:2

ጎዳ ኦሶቲ ኣይ ኬና ጊታ! ኢስታን ኡፋዬቲዛይቲ ኡባይ ኢስቲ ዩሺ ቆፓናስ ቤሴስ።

ዬ ማጻፋ 111:7

ኢዛ ኦሶቲ ቱማኔ ሱሬ፤ ኢዛ ዎጋቲካ ኡባይ ኣማኔቲዛይታ።

ዬ ማጻፋ 139:14

ኔኒ ታና ኬሂ ዬጋልኔ ማላሊሲዛዝ ሂስታ ሜዳ ጊሻስ ታ ኔና ጋላታይስ፤ ኔ ኦሶቲ ማላሊሲዛይታ! ታ ሼምፖያ ሄሳ ኡባ ኤራዉስ።

ዬ ማጻፋ 145:17

ጎዳይ ባ ኦጌ ኡባን ጺሎ፤ ኢዚ ባ ኦሶ ኡባን ኪያ።

ዬ ማጻፋ 145:6

ኣሳይ ማላሊሲዛ ኔ ኦሶዛ ጊታቴ ጊሻስ ሃሳዬታና፤ ታኒካ ኔ ጊታቴ ኣዋጃና።

ዬ ማጻፋ 18:30

ጾሳ ኦጌይ ሱሬ፤ ጎዳ ቃላይ ኣማኔቲዛይሳ፤ ኢዛኮ ባቃቲዛ ኡባታስ ኢዚ ጎንዳሌ።

ዬ ማጻፋ 78:12

ኢዚ ኢስታ ኣዋቲ ቤኢሺን ጊብጼ ቢታን ጻኖሴ ዴምባን ማላታ ኦዴስ።

ዬ ማጻፋ 92:5

ኣቤት ጎዳዉ! ኔ ኦሶይ ኣይ ኬና ጊታ! ኔ ቆፋይካ ኣይ ኬና ጪማ!

ዬ ማጻፋ 99:4

ቱማ ፒርዳ ዶሲዛ ዎልቃማ ካዎ! ኔኒ ሱሬቴስ ዮች ዬጋዳሳ፤ ኔኒ ያቆቤስ ቱሙ ፒርዳኔ ጺሎቴ ኤሳዳሳ።

ኢሳያሳ ቲንቢቴ 33:22

ጎዳይ ኑስ ፒርዲዛ ዳና፤ ጎዳይ ኑስ ዎጋ ኢሚዛዴ፤ ጎዳይ ኑስ ካዎ፤ ኑና ኣሻናይካ ኢዛ።

ኢሳያሳ ቲንቢቴ 45:21

ኣኔ ኢንቴ ሞቶ ዮቲቴ፤ ሺሺቴ፤ ኢስቲ ኣኔ ኢሲፌ ሺቂዲ ዞሬቴቶ። ሃይሳ ኮይሮቲዲ ኣዋጂዳይ ኦኔ? ቤኒ ዮቲዳይ ኦኔ? ታና ጎዳ ጊዲኪና? ጺሎይኔ ኣሺዛ ጾሲ ታፔ ኣቲን ሃራይ ዴና።

ዳኔላ ቲንቢቴ 6:20

ኢዚ ሄ ጋኪዳ ማላ ጬጪሼ፥ «ዴኦ ጾሳ ኦሳንቻ ዳኔላ! ኔኒ ኢዛስ ኣማኔቴን ኦዛ ኔ ጾሳይ ኔና ጋሞታፔ ኣሻናስ ዳንዳይዴ?» ጊዲ ጼይጊዴስ።

ዳኔላ ቲንቢቴ 9:11

ኢስራኤሌ ኣሳይ ኡባይ ኔስ ኣዛዜቲቤና፤ ኔ ዎጋካ ኡባ ሜንዲ ካሬ ኬዚዴስ። «ኑኒ ኔና ቆሂዳ ጊሻስ ኔ ኦሳንቻዛ ሙሴ ዎጋን ጻፌቲዳ ጫቆዚኔ ቃንጌዚ ኑ ቦላ ጋኪዴስ።

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

ሚኪያሳ ቲንቢቴ 7:20

ቤኒ ዎዴፔ ኦይካዳ ካሴ ኑ ኣዋታስ ጫቆ ቃላ ኔ ጌሊዳ ማላ ያቆቤስ ኣማኔቴ ኣብራሃሜስ ማሮቴ ኦሳ።

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ዛካራሳ ቲንቢቴ 9:9

ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

ዮሃኒሳ ሚሺራቾ 1:17

ዎጋይ ሙሴ ባጋራ ኢሜቲዴስ፤ ኪያቴኔ ቱማይ ጊዲኮ ዬሱስ ኪርስቶሳ ባጋራ ኑስ ዪዴስ።

ዛሬ ማጻፋ 31:30

ሄሳፌ ጉዬ ሙሴይ ኩሜ ኢስራኤሌ ኣሳ ሲንን ሃይታ ዬ ቃላታ ኮይሮፔ ቢዲ ዉርሴ ጋካናስ ዮቲዴስ።

ዛሬ ማጻፋ 32:3

ታኒ ጎዳ ሱን ኣዋጃይስ፤ ኑ ጾሳ ጊታቴ ኢንቴ ዮቲቴ።

ዛሬ ማጻፋ 34:5

ሄሳ ጊሻስ ጎዳ ኦሳንቻ ሙሴይ ሞኣቤ ቢታን ዲሼ ጎዳይ ኢዛስ ዮቲዳ ማላ ሄን ሃይቂዴስ።

1ጺምቶሳስ 1:17

ሄሳ ጊሻስ ሜርናስ ሃይቂ ኤሮንታ፥ ኣይፌን ቤቲ ኤሮንታ ባርካ ጻላ ጾስ ጊዲዳ ካዎስ ሜርናፔ ሜርና ጋካናስ ኢዛስ ቦንቾይኔ ጋላታይ ጊዶ። ኣሚን።

Ibirawe 3:5

ሙሴይ ቲንቢቴ ማርካቲሼ ጾሳ ኬ ኡባ ቦላ ኢሲ ኣማኔቲዳ ኦሳንቻ ማላ ጊዲ ዴኢዴስ።

ኢያሶ ማጻፋ 22:5

ጎዳ ኣይሌ ሙሴይ ኢንቴና ኣዛዚዳ ኣዛዞዛኔ ዎጋ ኢንቴ ናጊቴ። ጎዳ ኢንቴ ጾሳ ሲቂቴ፤ ኢዛ ኦጌታ ኡባን ሲሜሬቲቴ፤ ኢዛ ኣዛዞታ ፖሊቴ፤ ኢዛካ ሚን ኦይኪቴ፤ ኢንቴ ኩሜ ዎዚናፔኔ ኩሜ ሼምፖፌ ኢዛስ ኦና ማላ ኢዚ ኢሚዳ ኣዛዞታኔ ዎጋታ ሚን ናጊቴ» ጊዴስ።

ዮሃኒሳ ኣጁታ 1:8

ካሴካ፥ ሃኢካ ዲዛይሲ ቡሮፔካ ያናይሲ ኡባ ዳንዳይዛ ጎዳ ጾሲ፥ «ኣልፋይኔ ኦሜጋይ፥ ኮይሮይኔ ዉርሴ ታና» ጌስ።

ዮሃኒሳ ኣጁታ 11:17

ቃሴካ፥ «ካሴካ፥ ሃኢካ ዲዛይሶ! ኡባካ ዳንዳይዛ ጎዳ ጾሶ! ኔኒ ኔ ጊታ ጎዳቴ ኔ ኩሼን ኦይኪዳ ጊሻሲኔ ካዎቲዳ ጊሻስ ኑኒ ኔና ጋላቶስ።

ዮሃኒሳ ኣጁታ 14:3

ኣልጋ ሲንኒኔ ኦይዱ ዶኣታ ሲንን ጪማታ ሲንን ጼታኔ ኦይዱ ታማኔ ኦይዱ ሺ ኣሳይ ኦራ ማዛሙሬ ዬጺዴስ፤ ሄ ዬዛካ ዴራ ጋርሳፌ ዶሬቲዳ ጼታኔ ኦይዱ ታማኔ ኦይዱ ሺ ኣሳፔ ኣቲን ሃራይ ኦኒካ ኢዛ ታማራናስ ዳንዳይቤና።

ዮሃኒሳ ኣጁታ 14:8

ሃራ ናምኣን ኪታንቻይ ቃሴ፥ «ዴሬዛ ዉርሳ ማሲዛ ላይማ ዎይኔ ጫጄ ኡሺዳ ማጫሳያ ሂናካ ዎጋ ጊታ ባቢሎና ኩንዳዱስ! ኩንዳዱስ!» ጊሼ ኮይሮ ኪታንቻዛ ካሊዴስ።

ዮሃኒሳ ኣጁታ 17:14

ኢስቲ ዶርሳዛ ቦላ ኦላ ዴንና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሻስ ኢዚ ኢስታ ጾናና፤ ኢዛራ ዲዛይቲ ጼይጌቲዳይታ፥ ዶሬቲዳይታኔ ኣማኔቲዳይታ» ጊዴስ።

ዮሃኒሳ ኣጁታ 19:16

ኢዛ ማይኦ ቦላኔ ኢዛ ዎዲራ ቦላ፥ «ኢዚ ካዎታስ ካዎ፥ ጎዳታስ ጎዳ» ጊዛ ሱን ጻፌቲ ዴስ።

ዮሃኒሳ ኣጁታ 19:2

ኢዛ ፒርዳይ ቱማኔ ኣዳ፤ ኢዛ ቢታ ባ ላይማቴን ቱኒሲዳ ዎጋ ጊታ ላይማዮ ኢዚ ባ ፒርዳን ቃጻይዴስ፤ ኢዞ ቃጻይዲ ባ ኦሳንቻታ ሱ ሃሎ ኬሲዴስ» ጊሺን ታ ሲያዲስ።

ዮሃኒሳ ኣጁታ 4:8

ሄ ኦይዱ ዶኣቲ ኢሶይ ኢሶይ ኡሱፑን ቄፌራ ዴቴስ፤ ቄፌታ ዩሾኒኔ ቄፌታ ጊዶን ኣይፌይ ኩሚዴስ፤ ኢስቲ ቃማኔ ጋላስ፥ «ጌሻዉ! ጌሻዉ! ጌሻዉ! ኡባ ዳንዳይዛ ጎዶ! ካሴካ ሃኢካ ዲዛይሶ! ቡሮካ ያናይሶ ጉሳፌ ሼምፒ ኤሬቴና።