ዮሃኒሳ ኣጁታ 1:8 - ጋሞ ማጻፋ

⁸ ካሴካ፥ ሃኢካ ዲዛይሲ ቡሮፔካ ያናይሲ ኡባ ዳንዳይዛ ጎዳ ጾሲ፥ «ኣልፋይኔ ኦሜጋይ፥ ኮይሮይኔ ዉርሴ ታና» ጌስ።

Geeshsha Maxaafa

⁸ Kasekka, ha7ikka dizayssi buroppeka Yaanayssi ubbaa dandayza Godaa Xoossi, «Alfaynne Oomegay, Koyroynne Wurseththi tana» gees.

Gamo Geesha Maxxafa New Testamen

⁸ Kasekane ha7ika dizayssi buropeka yaanayssi wuris danda7iza Godaa Xoossay “Alipayne omegay, koyroyne wurisethi tanakko” gees.

ዮሃኒሳ ኣጁታ 1:8 Iomraidhean Croise

ሜቴ ማጻፋ 17:1

ኣብራሜ ላይ ኡዱፉን ታማኔ ኡዱፉን ጊዲሺን ጎዳይ ኢዛስ ቆንጪዲ፥ «ታኒ ኡባ ዳንዳይዛ ጾሳ፤ ኔ ታ ሲንን ሱሬ ሄሜታ።

ሜቴ ማጻፋ 28:3

ኡባ ዳንዳይዛ ጾሲ ኔና ኣንጆ፤ ኢዚ ኔስ ዳሮ ናይታ ኢሞ፤ ኔና ዳሮ ዴሬስ ኣዋ ሂስቶ።

ሜቴ ማጻፋ 35:11

ቃሴ ጾሲ ያቆቤ፥ «ታኒ ኡባ ዳንዳይዛ ጾሳ፤ ኔኒ ዬሌታ፤ ጮራታ፤ ዴሬይኔ ዴሬ ማባራይ ኔፔ ኬዛና፤ ካዎቲካ ኔ ጉልባቴፔ ኬዛና።

ሜቴ ማጻፋ 43:14

ኢዚ ሃንኮ ኢንቴ ኢሻ ዬዳና ማላ ቢኒያሜይካ ኢንቴናራ ሲሚ ያና ማላ ኡባ ዳንዳይዛ ጾሳይ ሄ ኣዴዚ ኢንቴስ ቃታና ማላ ኦ፤ ታኒ ጊዲኮ ታ ናይታፔ ሜላ ኣቲኮኔ ኣታይስ» ጊዴስ።

ሜቴ ማጻፋ 48:3

ያቆቤይ ዮሴፌ፥ «ኡባ ዳንዳይዛ ጾሲ ካናኔ ቢታን ሎዛ ጌቴቲዛሶን ታስ ቆንጪዲ ሄን ታና ኣንጂዴስ።

ሜቴ ማጻፋ 49:25

ኔና ማዲዛ ኔ ኣዋ ጾሳን ኡባ ዳንዳይዛይሳኒኔ ኔና ኣንጂዛ ጾሳን ፑዴ ቦላፌ ቤቲዛ ማዶኒኔ ጋርሳ ቢታፌ ቤቲዛ ኣንጆን ቃሴካ ኣዪ ኡሎፔኔ ንፌ ቤቲዛ ኣንጆን ኔና ኣንጃና።

ኬሳ ማጻፋ 3:14

ጾሲካ ሙሴስ፥ « ‹ታኒ ታናኮ፤ ሄሳ ጊሻስ ካሴካ ሃኢካ ዲዛ ጾሲ ታና ኢንቴኮ ኪቲዴስ› ጋዳ ዮታ» ጊዴስ።

ኬሳ ማጻፋ 6:3

ታኒ ኡባ ዳንዳይዛ ጾሳ ጊዳዳ ኣብራሃሜስ፥ ዪሳቃሲኔ ያቆቤስ ቆንጫዲስ ሺን ታኒ፥ ‹ጎዳ› ጌቴቲዛ ታ ሱንን ታናቴ ኢስታ ኤሪሳቤኬ።

ኢሳያሳ ቲንቢቴ 41:4

ሃይሳ ኦዳይኔ ፖሊዳይ ዬሌታ ቤኒሶፌ ጼይጊዳይ ኦኔ? ጎዳይ ኮይሮይታራካ ዉርሴይታራካ ዲዛይ ታና» ጌስ።

ኢሳያሳ ቲንቢቴ 43:10

«ኢንቴ ታና ኤራና ማላኔ ኣማናና ማላ፥ ኢዚ ታና ጊዲዳይሳ ኢንቴ ኣኬካና ማላ፥ ታ ማርካቲኔ ታ ዶሪዳ ታ ኣይሌቲ ኢንቴና። ታፔ ካሴ ሃራ ጾሲ ኦሴቲቤና፤ ታፔ ጉዬንካ ሃራ ጾሲ ዴና።

ኢሳያሳ ቲንቢቴ 44:6

ኢስራኤሌ ካዎይኔ ኢስታ ዎዚዛይ፥ ጎዳይ ኡባፌ ዎልቃማ ጾሳይ፥ «ኮይሮይ ታና፤ ዉርሴካ ታና። ታፔ ሃራ ጾሲ ባዋ።

ኢሳያሳ ቲንቢቴ 48:12

«ኔኖ ያቆቤ፥ ታኒ ጼይጊዳ ኢስራኤሌ ታኒ ጊዛ ሲያ። ታኒ ኢዛ፤ ኮይሮይካ ታና፤ ዉርሴይካ ታና።

ኢሳያሳ ቲንቢቴ 9:6

ሄኮ ኑስ ናይ ዬሌቲዴስ! ኣቱማ ናይካ ኑስ ኢሜቲዴስ! ሃላቃቴ ኢዛ ሃሼ ቦላ ጊዳና፤ ኢዛ ሱን፥ «ማላሊሲዛ ዞራንቻ፥ ዎልቃማ ጾሳ፥ ሜርና ኣዋ፥ ሳሮቴ ሃላቃ» ጌቴታና።

ታይቦ ማጻፋ 24:4

ጾሳ ቃላ ሲዪዛዴይ ኢዚ ኩንዲ ዲሺን ኢዛ ኣይፌቲ ዶዬቲን ኡባ ዳንዳይዛ ጾሳ ኣጁታ ቤኢዛዴ ኪታይ ሃይሳ።

2ቆሮንቶሴ ኣሳስ 6:18

ታ ኢንቴስ ኣዋ ጊዳና፤ ኢንቴካ ታስ ኣቱማ ናይታኔ ማጫ ናይታ ጊዳንዴታ» ጌስ ኡባ ዳንዳይዛ ጎዳይ።

ዮሃኒሳ ኣጁታ 1:11

«ኔኒ ቤኢዛይሳ ዋራቃታን ጻፋዳ ላፑን ዎሳ ኬታስ ሄይቲካ ኤፌሶኔስ፥ ሳሜርኔሴስ፥ ጴርጋሞኔስ፥ ቲያጺሮኔስ፥ ሳርዴሴስ፥ ፊላዴልፊያሲኔ ሎዶቂያስ ዬዳ» ጊሺን ሲያዲስ።

ዮሃኒሳ ኣጁታ 1:17

ታኒ ሄሳ ቤያዳ ሃይቂዳ ኣስ ሚሳታዳ ኢዛ ቶሆ ጋርሳን ኩንዳዲስ፤ ኢዚ ቃሴ ታ ቦላ ባ ኡሻቻ ኩሼ ዎዲ፥ «ኔ ባቦፋ! ኮይሮይኔ ዉርሴ ታና።

ዮሃኒሳ ኣጁታ 1:4

ኢሲያን ዲዛ ላፑን ዎሳ ኬታስ ካሴካ ዲዛይሳፌ፥ ሃኢካ ዲዛይሳፌኔ ቡሮካ ያና ጾሳፌ ኢዛ ኣልጋ ሲንን ዲዛ ላፑን ኣያናታፔ ሄሳካ ሃይቆፔ ዴንን ባይራ ጊዲዳይሳፌ፥ ሃ ቢታ ካዎታስ ካዎኔ ኣማኔቲዳ ማርካ ጊዲዳይሳፌ፥ ኑና ሲቂዛይሳፌኔ ባ ሱን ኑና ኑ ናጋራፔ ጌሺዳ ዬሱስ ኪርስቶሳፔ ኪያቴኔ ሳሮቴ ኢንቴስ ጊዶ።

ዮሃኒሳ ኣጁታ 11:17

ቃሴካ፥ «ካሴካ፥ ሃኢካ ዲዛይሶ! ኡባካ ዳንዳይዛ ጎዳ ጾሶ! ኔኒ ኔ ጊታ ጎዳቴ ኔ ኩሼን ኦይኪዳ ጊሻሲኔ ካዎቲዳ ጊሻስ ኑኒ ኔና ጋላቶስ።

ዮሃኒሳ ኣጁታ 15:3

ጾሳ ኦሳንቻ ሙሴ ዬኔ ዶርሳዛ ማዛሙሬ፥ «ኡባ ዳንዳይዛ ጎዳ ጾሶ! ኔ ኦሶይ ጊታኔ ማላሊሲዛዛ፤ ዴሬ ካዎዞ! ኔ ኦጌይ ሊኬኔ ቱማ።

ዮሃኒሳ ኣጁታ 16:14

ሄይቲ ማላታታ ኦዛ ዳይዳን ኣያናታ። ሄይቲ ኣያናቲ ኡባ ዳንዳይዛ ጎዳ ጊታ ጋላስ ሃናና ኦላስ ኣሳ ሺሻናስ ኣላሜ ካዎቲ ዲዛሶ ኡባ ባና።

ዮሃኒሳ ኣጁታ 16:7

ያርሾ ያርሺዛሶዛፔ፥ «ኤ ዉርሳ ዳንዳይዛ ጎዳ ጾሶ! ኔ ፒርዳቲ ዉሪካ ቱማኔ ሊኬ» ጊዛ ቃላ ሲያዲስ።

ዮሃኒሳ ኣጁታ 19:15

ኣይዛቤታ ኢዛራ ቃንጺዛ ቃራ ማሻይ ኢዛ ዶናፔ ኬዜስ፤ ኢዚ ኢስታ ቢራታ ጉፌራ ሃራና፤ ኢዚ ዉርሲካ ዳንዳይዛ ጾሳ ሚኖ ሃንቆ ቆንጪሲዛ ዎይኔ ጫጄ ዬዛሶን ኢስታ ዬና።

ዮሃኒሳ ኣጁታ 19:6

ዳሮ ኣሳ ቃላ ጊሪስ ሚሳቲዛይ፥ ሻፋ ሃ ጊሪስ ሚሳቲዛ ጊሪስ፥ ዎልቃማ ዳዳ ጊሪስ ሚሳቲዛ ጊሪሲ፥ «ሃሌ ሉያ! ኡባ ዳንዳይዛ ጎዳይ ካዎቴስ!

ዮሃኒሳ ኣጁታ 2:8

«ሳሜርኔሴ ዎሳ ኬ ኪታንቻስ፥ ሃይሲ ኮይሮኔ ዉርሴ ጊዲዳይሳፌ ካሴ ሃይቂዳይሳፌኔ ሃኢ ጊዲኮ ፓጻ ዲዛይሳፌ ዮቴቲዳዛ።

ዮሃኒሳ ኣጁታ 21:22

ኡባ ዳንዳይዛ ጎዳ ጾሲኔ ዶርሳዚ ኢዚስ ጾሳ ኬ ጊዲዳ ጊሻስ ሄ ካታማይ ጊዶን ሃራ ጾሳ ኬ ቤያቤኬ።

ዮሃኒሳ ኣጁታ 21:6

ሄሳፌ ጉዬ ታስ፥ «ፖሌቲዴስ! ኣልፋይኔ ኦሜጋይ፤ ኮይሮይኔ ዉርሴ ታና፤ ሳሜቲዳዴስ ታኒ ዴኦ ፑልቶ ሃ ሚሼ ቃንጺሶንታ ኢዛስ ጮ ሜላ ኢማና።

ዮሃኒሳ ኣጁታ 22:13

ኣልፋይኔ ኦሜጋይ፥ ሲንኔ ጉዬይ፥ ኮይሮይኔ ዉርሴ ታና» ጊዴስ።

ዮሃኒሳ ኣጁታ 4:8

ሄ ኦይዱ ዶኣቲ ኢሶይ ኢሶይ ኡሱፑን ቄፌራ ዴቴስ፤ ቄፌታ ዩሾኒኔ ቄፌታ ጊዶን ኣይፌይ ኩሚዴስ፤ ኢስቲ ቃማኔ ጋላስ፥ «ጌሻዉ! ጌሻዉ! ጌሻዉ! ኡባ ዳንዳይዛ ጎዶ! ካሴካ ሃኢካ ዲዛይሶ! ቡሮካ ያናይሶ ጉሳፌ ሼምፒ ኤሬቴና።