ታይቦ ማጻፋ 32:3 - ጋሞ ማጻፋ

^3-4 «ጎዳይ ኢስራኤሌ ኣሳን ጾኒሲዳ ኣጻሮቴ ዴሬይ፥ ዲቦኔ ዴሬይ፥ ኢያዜሬ ዴሬይ፥ ኒምራ ዴሬይ፥ ሃሴቦኔ ዴሬይ፥ ኤልኤሌ ዴሬይ፥ ሲቢማ ዴሬይ፥ ኔቦ ዴሬይኔ ባኦኔ ዴሬይ ሜሄስ ሎኦ፤ ኑስካ ዳሮ ሜሄይ ዴስ።

Geeshsha Maxaafa

^3-4 «GODAY Isra7eele asaan xoonisida Axaroote derey, Diboone derey, Iyaazeere derey, Nimra derey, Haseboone derey, El7eele derey, Sibima derey, Nebo dereynne Ba7oone derey mehes lo7o; nuuska daro mehey dees.

ታይቦ ማጻፋ 32:3 Iomraidhean Croise

ናሂሚያ ማጻፋ 9:22

«ኢስታ ዴራ ዩዪ ኣ ዲዛ ዴሬታኔ ኢስቲ ካዎቴታ ኡባ ጾኒዲ ሄ ቢታ ኤካና ማላ ኦዳሳ፤ ሄሳ ጊሻስ ካዎ ሲሆኔይ ኣይሲዛ ሃሴቦኔ ጌቴቲዛ ቢታኔ ካዎ ኣጌይ ኣይሲዛ ባሳኔ ጌቴቲዛ ቢታ ጾኒዲ ላቲዳ።

ኢሳያሳ ቲንቢቴ 15:6

ኒሚሪሜ ሃቲ ሚጪዳ፤ ማታይ ሹሊዴስ፤ ጫሬቻይካ ይዴስ፤ ጪሊላ ሚሺካ ቤቴና።

ኤርማሳ ቲንቢቴ 48:1

ሞኣቤ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ኔቦይ ያና ጊሻስ ኢዚስ ኣዬ ኣና! ቂሪያታይሜይ ካዉያናኔ ኦይኬታና፤ ሚጻቲካ ኦይኬታናኔ ላሌታና።

ኤርማሳ ቲንቢቴ 48:2

ሃይሳፌ ጉዬ ሞኣቤይ ቦንቼቱኩ፤ ኣሳይ ሃሴቦኔን ኡቲዲ፥ ‹ሃ ዪቴ! ሃኖ ካታማዮ ኣኔ ይሶስ› ጊዲ ኢዚ ቦላ ዱላታና። ሃኔ ማዲሜኔ! ኔና ቡሮ ጮኡ ሂስታና፤ ማሻይ ኔና ጎዳና።

ኤርማሳ ቲንቢቴ 48:32

ኔኖ ሴባማ ዎይኔ ሚዞ! ኢያዜሬስ ዬኮይሳፌ ኣዳ ታኒ ኔስ ዬካይስ። ኔ ሃጋቲ ዳዪዲ ኣባ ፒኒዲ ኢያዜሬ ጋኪዳ፤ ጊዶ ኣቲን ኔስ ማጻ ጋኪዳ ካ ኣይፌኔ ዎይኔ ይሳናይ ዪዴስ።

ኤርማሳ ቲንቢቴ 48:34

«ሃሴቦኔፔ ቢዲ ኤልኤሌኔ ያሃጼ ጋካናስ፥ ዞኣሬፔ ቢዲ ሆሮናይሜ፥ ኤጊላቴ-ሻሊሺያ ጋካናስ ኢስታ ዋሶይ ኬሂ ሴቴቴስ፤ ኒሚሪሜ ሃ ሜሊዴስ።

ኤርማሳ ቲንቢቴ 48:45

«ሃሴቦኔፔ ሞኣቤ ሊጴ፥ ጬቄቲዛይታ ፒ ጹጊዛ ታማይ፥ ታማ ላጮይ ሲሆኔ ኬፌ ኬዚዴስ፤ ባቃቲ ቢዳይቲ ሃሴቦኔ ኩዋ ጋርሳን ባናሶ ይዲ ኤቂዳ።

ሂዚቄላ ቲንቢቴ 25:9

ኢስታ ቢታ ዛዋ ቦላ ዲዛይታኔ ኢዚስ ቦንቾ ጊዲዳ ካታማታ ቤቲ-ያሺሞቴፔ፥ ባኣሊ-ሜኦኔፔኔ ቂሪያታይሜፔ ዶማዳ ሞኣቤ ሚጻ ቃራ ዬጋና።

ታይቦ ማጻፋ 21:28

ሃሴቦኔፔ ታማይ ኬዚዴስ፤ ላጮይካ ሲሆኔ ካታማፔ ኬዚዴስ፤ ሞኣቤ ዴሬን ኤሬ ጌቴቲዛሶዛ ይሲዴስ፤ ኣርኖኔ ቦላ ጌዜ ቢታን ዲዛ ሃላቃታካ ዲፒ ሂስቲዴስ።

ታይቦ ማጻፋ 21:30

ሄሳ ጊሻስ ኢስታ ዜሬይ ሙሌራ ይዴስ፤ ሃሴቦኔፔ ቢዲ ዲቦኔ ጋካናስ ኖፋፔ ቢዲ ሜዴባ ጋካናስ ዲዛ ኡባ ፒስኪ ሂስቲ ላሊዶስ» ጊዳ።

ታይቦ ማጻፋ 21:32

ሙሴይካ ኢያዜሬ ቢዲ ጾሞሳና ኣስ ዬዲዴስ፤ ኢስራኤሌ ኣሳይካ ሄ ካታማዮኔ ኢዚ ሄራን ዲዛ ቄሪ ካታማታ ኦሊ ኦይኪዳ፤ ካሴ ሄን ዲዛ ኣሞሬ ኣሳታ ጎዲዳ።

ታይቦ ማጻፋ 32:1

ኦሮቤሌ ዛርኬታሲኔ ጋዴ ዛርኬታስ ኬሂ ዳሮ ሜሄይ ዴስ፤ ኢያዜሬ ዴሬይኔ ጋላኣዴ ዴሬይ ሜሄስ ዳሮ ሎኦ ጊዲዳይሳ ቤይዳ።

ታይቦ ማጻፋ 32:2

ሄሳ ጊሻስ ኢስቲ ሙሴኮ፥ ቄሴ ኤልኤዜሬኮኔ ሃንኮ ማባራ ካሌዛይታኮ ቢዲ፥

ኢያሶ ማጻፋ 13:17

ሃሴቦኔኔ ጌዜ ዴሬን ዲዛ ካታማታ ኡባ፥ ቃሴ ዲቦኔ፥ ባሞቲ ባኣሌ፥ ቤቲ-ባኣሊ-ሜኦኔ፥

ኢያሶ ማጻፋ 13:19

ቂሪያታይሜ፥ ሴባማ ሾባ ጊዶን ዲዛ ዙምቡላ ቦላ ዲዛ ጼሬቴ-ሻሃሬ፥

ኢያሶ ማጻፋ 21:39

ሃሴቦኔ ሜሄ ሄንሶሆራ፥ ኢያዜሬ ሜሄ ሄንሶሆራ፥ ሃይታ ኦይዱ ካታማታ ኡባ ኤኪዲ ኢስታስ ኢሚዳ።

ዳናታ ማጻፋ 11:26

ኢስራኤሌ ኣሳይ ሃሴቦኔኔ ሄ ሄራ፥ ኣሮኤሬኔ ሄ ሄራ፥ ኣርኖኔ ሻፋ ማታን ዲዛ ካታማታ ኡባ ላቲዲ 300 ላይ ዴኢዴስ፤ ሂስቲን ሄ ዎዴ ኣይስ ዛሪ ዎ ኤኪቤኬቲ?