ታይቦ ማጻፋ 32:23 - ጋሞ ማጻፋ

²³ «ኢንቴ ኢንቴ ጊዳ ቃላ ናጎንታ ኣጊኮ ኢንቴ ጎዳ ቆሄታ፤ ኢንቴ ናጋራ ጊሻስ ቂጻቴይ ኢንቴ ቦላ ጋካናይሳ ኤሪቴ።

Geeshsha Maxaafa

²³ «Intte intte gida qaalaa naagontta aggiko intte GODAA qoheeta; intte nagara gishshas qixaatey intte bolla gakkanayssa erite.

ታይቦ ማጻፋ 32:23 Iomraidhean Croise

ኢሳያሳ ቲንቢቴ 59:12

ጋሶይካ ኑ ቆሆይ ኔ ሲንን ዳሪዴስ፤ ኑ ናጋራይካ ኑ ቦላ ማርካቲዴስ። ኑ ሞሮይ ኑፔ ሻኬቲቤና፤ ኑ ማካላቴካ ኑኒ ኤሮስ።

ሌሚሶ ማጻፋ 13:21

ናጋራንቻታ ኢታ ቃዳይ ካሌስ፤ ዱሬቴ ጊዲኮ ጺሎታስ ኢሜቲዛ ዎይቶ።

ሜቴ ማጻፋ 44:16

ሂስቲን ዩሁዳይ፥ «ኑ ጎዳስ ኑ ኣይ ጋኔ? ኑኒ ኣይ ሃሳያኔ? ዎይኮ ኑኒ ጺሎቴ ዎስቲ ቤሳኔ? ጾሲ ኔ ኣይሌታ ሞሮ ቆንጪሲዴስ። ሂስቲን ኑናካ ጊዲን ሄ ዋንጫይ ኢዛፔ ቤቲዳይሲካ ጊዲን ታ ጎዳስ ኣይሌ ጊዳና» ጊዴስ።

ዬ ማጻፋ 90:8

ኔኒ ኑ ኢታ ኦሶ ኔ ሲንን ዎዳሳ፤ ቃሴ ኑ ጌንዳ ናጋራ ኔ ሲን ፖኦኮ ኣዳሳ።

1ቆሮንቶሴ ኣሳስ 4:5

ሄሳ ጊሻስ ፒርዳና ዎዴይ ጋኮንታ ሃራ ኣይ ዮኦካ ፒርዶፍቴ፤ ጎዳይ ያና ጋካናስ ናጊቴ፤ ኢዚ ማ ጊዶን ቆቴቲዳይሳ ቡሮ ቆንጬ ኬሳና። ኣሳ ዎዚና ጊዶን ዲዛ ቆፋካ ቆንጬ ኬሳና፤ ሄ ዎዴ ኢሲ ኢሲ ኣሲ ባስ ቤሲዛ ጋላታ ጾሳ ኣቻፌ ኤካና።

ሜቴ ማጻፋ 4:7

ኔ ሎኦ ኦዳ ጊዲዳኮ ጾሲ ኔ ያርሾ ኤኬኔሺን? ኔኒ ሎኦ ኦንታ ኢጺኮ ናጋራይ ኔ ካሬን ኔና ናጌስ፤ ናጋራይ ኔና ሃራና ኮዬስ፤ ኔኒ ኢዛ ጾናና ቤሴስ» ጊዴስ።

ኦሮሜ ኣሳስ 2:9

ኢታ ኦዛ ኣይ ኣሳ ቦላካ ኮይሮ ኣይሁዳ ኣሳ ቦላ፥ ካሊዲ ኣይዛቤታ ቦላ ዋዬይኔ ሜቶይ ጋካና።

ኢሳያሳ ቲንቢቴ 3:11

ኢታታስ ኣዬ ኣና! ኢስታ ቦላ ኢታ ሚሺ ያና፤ ኣይስ ጊኮ ኢስቲ ባንታ ኦሶ ማላ ኤካና።

ዬ ማጻፋ 140:11

ኢታ ሃሳይዛይታ ቢታይ ቶኮፎ፤ ማካላንቻታ ኢታ ሚሺ ኦይኮ።

ዬ ማጻፋ 139:11

ታኒ፥ «ማዞ! ታና ጌን፤ ፖኦዞ! ታ ዩሾን ማ» ጊኮ፥

ሜቴ ማጻፋ 13:13

ሄ ዎዴ ሶዶሜ ኣሳይ ኢታኔ ጎዳ ሲንን ፓላ ናጋራ ኦዛይታ።

ኢያሶ ማጻፋ 7:18

ዚሚሬ ሶ ኣሳይ ሺቂን፥ ዉርሴን ዚሚሬ ና፥ ካርሜ ና ኣካኔይ ሻኬቲዴስ።

ሌሚሶ ማጻፋ 5:22

ናጋራንቻ ኢዚ ኦዳ ናጋራይ ዛሪ ኦይኬስ። ኢዛ ናጋራ ጊቴይ ኢዛ ቃቼስ።

ዮናሳ ቲንቢቴ 1:7

ማርካቤዛን ዲዛ ኣሳይ ኢሶይ ኢሳ፥ «ሃ ዪቴ! ሃይሲ ኢታ ሚሺ ኦና ጋሶን ኑና ጋኪዳኮ ኤራናስ ኣኔ ሳማ ዬጎስ» ጊዳ፤ ሂስቲን ኢስቲ ሳማ ዬጊን ሳማይ ዮናሳ ቦላ ዎዴስ።

2ሳሜላ ማጻፋ 3:39

ታ ቲዬቲዳ ካዎ ጊዲኮካ ሃች ታ ላፋቴ ታስ ኤሬቲዴስ፤ ሃይቲ ጹሪያ ናይቲ ታስ ዎልቃቲዳ። ጎዳይ ኢታ ኦዳዴስ ኢዛ ኦሶ ማላ ኢሞ» ጊዴስ።

1ካዎታ ማጻፋ 2:32

ታ ኣዋ ዳዊቲ ኤሮንታ ዲሺን ኢዮኣቤይ ናምኡ ኣሳታ ጊ ማሻን ዎዳ ሱ ጊሻስ ጎዳይ ኢዛ ኦሶ ማላ ኢዛስ ዛራና፤ ኢስራኤሌ ኦላ ጋዳዋ ኔሬ ና ኣቢኔሪኔ ዩሁዳ ኦላ ጋዳዋ ዮቶሬ ና ኣማሲ ኢስቲ ናምኣይካ ኢዛፔ ኬሂ ሱሬ ኣሳ።

1ካዎታ ማጻፋ 2:33

ኢስታ ሱ ኣጮይ ሜርናስ ኢዮኣቤ ቦላኔ ኢዛ ዜሬ ቦላ ጊዶ፤ ጊዶ ኣቲን ዳዊቴ ቦላኔ ኢዛ ኬ ኣሳ ቦላ፥ ኢዛ ዜሬታ ቦላኔ ኢዛ ካዎቴ ኣራታ ቦላ ሜርናስ ጎዳ ሳሮይ ጊዶ» ጊዴስ።

ሌሚሶ ማጻፋ 24:16

ጺሎ ኣሲ ላፑንቶ ኩንዲኮካ ዴንዴስ፤ ጊዶ ኣቲን ኢታቲ ሜቶን ዬቴስ።