ታይቦ ማጻፋ 12:13 - ጋሞ ማጻፋ

¹³ ሄሳ ጊሻስ ሙሴይ፥ «ጾሳዉ! ኢዞ ፓርኪ!» ጊዲ ፑዴ ጎዳኮ ዋሲዴስ።

Geeshsha Maxaafa

¹³ Hessa gishshas Musey, «Xoossawu! Izo paththarkkii!» giidi pude GODAAKKO waassides.

ታይቦ ማጻፋ 12:13 Iomraidhean Croise

ሜቴ ማጻፋ 20:17

ጎዳይ ኣብራሃሜ ማቼዮ ሳራ ጌዶን ኣቢሜሌኬ ኬ ኣሳ ኡባ ዬሊዛ ኡሎ ማካርሲዳ ጊሻስ ኣብራሃሜይ ጾሳ ዎሲን ኣቢሜሌኬይ ኢዛ ማቼያኔ ኢዛ ማጫ ኣይሌቲ ና ዬላና ማላ ጾሲ ኢስታ ፓዴስ።

1ካዎታ ማጻፋ 13:6

ሂስቲን ካዎ ኢዮርባኣሜይ ጾሳዴዛ፥ «ታ ኩሼይ ካሴይሳ ሃናና ማላ ታስ ጋናታዳ ጎዳ ኔ ጾሳ ታስ ዎሳርኪ!» ጊዴስ። ሄሳ ጊሻስ ጾሳዴዚ ካዎዛስ ጋናቲዲ ጎዳ ዎሲን ካዎዛ ኩሼይ ሲሚዲ ካሴይሳ ማላ ሃኒዴስ።

ዬ ማጻፋ 30:2

ኣቤት ታ ጎዳዉ! ኔኒ ታና ማዳና ማላ ታ ኔኮ ዋሳዲስ፤ ኔካ ታና ፓዳሳ።

ዬ ማጻፋ 41:4

ታኒ ጊዲኮ፥ «ኣቤት ጎዳዉ! ታኒ ኔና ቆሂዳ ጊሻስ ታና ማራ፤ ሃርጌፌ ታና ፓ» ጋዲስ።

ኬሳ ማጻፋ 15:26

ኢዚ ኢስታስ፥ «ጎዳ ኢንቴ ጾሳይ ዮቲዛይሳ ኢንቴ ሎኤ ሲዪኮ፥ ኢዛ ኣይፌ ሲንን ሎኦ ኦኮ፥ ኢንቴ ኢዛ ኣዛዞ ዎዚናን ዎ ናጊኮ፥ ኢዛ ዎጋካ ኡባ ናጊኮ፥ ታኒ ጊብጼ ኣሳ ቦላ ኤሂዳ ሃርጌፌ ኢሳካ ኢንቴ ቦላ ኤሂኬ፤ ጋሶይካ ታኒ ኢንቴና ፓዛ ጎዳ» ጊዴስ።

ኬሳ ማጻፋ 4:7

ጎዳይ ኢዛ፥ «ኔ ኩሼ ኔ ሾጳ ጊዶ ዛራ ጌል» ጊዴስ። ሂስቲን ሙሴይ ባ ኩሼ ባ ሾጳ ጊዶ ዛሪ ጌል ኬሲዛ ዎዴ ኢዛ ኩሼይ ሲሚዲ ሃንኮ ቦላ ማላ ጊዲዴስ።

ኢሳያሳ ቲንቢቴ 30:26

ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

ኤርማሳ ቲንቢቴ 17:14

ኣቤት ጎዳዉ! ታና ፓ፤ ታኒካ ፓጻና፤ ታና ኣሻ፤ ታኒካ ኣታና፤ ጋሶይካ ታ ጋላታይ ኔና።

ታይቦ ማጻፋ 11:2

ኣሳይካ ባና ጎዳራ ጊጊሳና ማላ ሙሴኮ ዋሲዴስ፤ ሙሴይካ ጎዳ ዎሲን ታማዚ ቶኢዴስ።

ታይቦ ማጻፋ 12:12

ኢዛካ ባ ኣዪ ኡሎን ሃይቃዳ ኢዚስ ባጋ ኣሳቴይ ሜቴቲቺን ዬሌቲዳ ኣዉጫያ ና ማላ ኦፋርኪ!» ጊዴስ።

ታይቦ ማጻፋ 14:2

ኩሜ ኢስራኤሌ ማባራይ ሙሴ ቦላኔ ኣሮኔ ቦላ ዙዙሚሼ፥ «ኑኒ ካሴ ሄን ጊብጼን ዲሼ ዎይኮ ሃይሳ ሃ ባዞ ቢታን ሃይቂዳኮ ኑስ ሎኦኮሺን!

ታይቦ ማጻፋ 16:41

ዎንቴ ጋላስ ኩሜ ኢስራኤሌ ማባራይ፥ «ጎዳ ዴራ ኢንቴ ዎዴታ» ጊዲ ሙሴ ቦላኔ ኣሮኔ ቦላ ጉጉሚዴስ።

ሉቃሳ ሚሺራቾ 23:34

ዬሱሲካ፥ «ታ ኣዋዉ! ሃይቲ ባ ኦዛይሳ ኤሪዲ ኦንታ ጊሻስ ኢስታስ ኣቶ ጋ!» ጊዴስ፤ ኢስቲካ ኢዛ ማይኦዛ ሳማ ዬጊዲ ባ ጊዶን ጊሼቲ ኤኪዳ።

ሉቃሳ ሚሺራቾ 6:28

ኢንቴና ቃንጊዛይታ ኣንጂቴ፤ ኢንቴና ቆሂዛይታስ ዎሲቴ፤

ሃዋሬታ ኦሶ 7:60

ቃሴካ ጉልባቲዲ ቃ ቃላን «ጎዶ! ሃይታንታ ናጋራ ቆዶፓ» ጊዲ ዋሲዴስ፤ ሄሳ ጊዳፔ ጉዬ ሃይቂዴስ።

ኦሮሜ ኣሳስ 12:21

ኢታ ሎኦ ኦሶን ጾና ኣቲን ኢታን ጾኔቶፋ።

ያቆቤ ኪታ 5:15

ኣማኖን ዎሲዳ ዎሳይ ሃርጊዳዴ ፓና፤ ጎዳይካ ኢዛ ዴንና፤ ኢዚ ናጋራ ኦዳዴ ጊዲኮካ ጾሲ ኢዛ ማራና።

1ሳሜላ ማጻፋ 12:23

ሄሳፌካ ቦላራ ታ ኢንቴስ ዎሶንታ ኣጋዳ ታ ጎዳ ቆሃናይሲ ታፔ ሃኮ። ታኒ ሎኦኔ ሱሬ ኦጌ ኢንቴና ታማርሳና።

1ሳሜላ ማጻፋ 15:11

«ታኒ ሳኦሌ ካዎዳ ጊሻስ ሞታዲስ፤ ጋሶይካ ኢዚ ታና ካሎ ኣጊዲ ጉዬ ሲሚዳ ጊሻሲኔ ታ ኣዛዞ ፖሎንታ ኣጊዳ ጊሻሳ» ጊዴስ። ሳሜሊ ኬሂ ጬጪዲ ኦማርስ ኩሜ ጎዳኮ ዋሲዴስ።