ሌዌታ ማጻፋ 26:5 - ጋሞ ማጻፋ

⁵ ኢንቴ ካይ ኬሂ ዳሮ ጊዲዳ ጊሻስ ኢንቴ ቡሮ ሺሾ ቦላ ዲሺን ዎይኔ ሚ ኣይፌ ቃንጺዛ ዎዴይ ጋካና፤ ኢንቴ ዎይኔ ሚ ኣይፌ ቃንጺዲ ሺሺ ዉርሶንታ ዲሺን ካ ዜሪዛ ዎዴይ ጋካና፤ ኢንቴ ካ ካሊ ማና፤ ኢንቴ ቢታንካ ሳሮቴን ዳና።

Geeshsha Maxaafa

⁵ Intte kaththay keehi daro gidida gishshas intte buro shiisho bolla dishin woyne miththa ayfe qanxxiza wodey gakkana; intte woyne miththa ayfe qanxxidi shiishshi wursontta dishin kath zeriza wodey gakkana; intte kath kalli maana; intte biittankka saroteththan daana.

ሌዌታ ማጻፋ 26:5 Iomraidhean Croise

ኣሞጼ ቲንቢቴ 9:13

«ካ ማጺዛይቲ ማጺ ዉርሶንታ ዲሺን ጎሻ ዎዴይ ጋኬስ፤ ዎይኔ ኣይፌ ጉምኢዛዴይ ጉምኢ ጊጎንታ ዲሺን ዎይኔ ፑቴ ቶኪዛ ዎዴይ ጋኬስ፤ ሄ ዎዴ ማልኢዛ ሎኦ ዎይኔ ኡሺ ዙማፔ ፑልታና፤ ዙምቡላታፔካ ጎጋና።

ኢዩኤሌ ቲንቢቴ 2:26

ኢንቴ ቡሮ ዳሮ ሚዲ ካላና፤ ኢንቴስ ማላሊሲዛ ሚሻታ ታ ኦዳ ጊሻስ ኢንቴ ታና ጎዳ ኢንቴ ጾሳ ጋላታና፤ ሃይሳፌ ጉዬ ታ ዴራ ዬላይ ጋኬና።

ኢዩኤሌ ቲንቢቴ 2:19

ሄሳ ጊሻስ ጎዳይ፥ «ኢንቴ ካ፥ ዎይኔ ኡሺኔ ዎጋራ ዛይቴ ካላና ጋካናስ ታ ኢንቴስ ኢማናስ ሃይሳፌ ጉዬ ካዎቴቲ ኢንቴና ባስ ካሳ ሚሽ ሂስታና ማላ ታ ኢስታስ ኣ ኢሚኬ።

ሌሚሶ ማጻፋ 1:33

ጊዶ ኣቲን ታና ሲዪዛይቲ ኡባይ ሳሮን ዳና፤ ኣይኮ ሂርጋይ ባይንዳ ዎፓን ዳና» ጋዉስ።

ዛሬ ማጻፋ 11:15

ጎዳይ ኢንቴ ሜሄታስ ማታ ዳርሳና፤ ኢንቴስ ኮሺዛ ካ ኢሚን ኢንቴ ካላና።

1ጺምቶሳስ 6:17

ሃይሳ ሃ ኣላሜዛን ዱሬቲዳይቲ ኦቶሬቶንታ ማላ ኣዛዛ፤ ኑ ኡፋዬታና ማላ ዉርሲካ ዳርሲ ቲርፊሲዲ ኑስ ኢሚዛ ጾሳን ኣቲን ኣማንንታ ሚሻን ኣማኔቶንታ ማላ ኣሳስ ዮታ።

1ጴጽሮሳ ኪታ 1:5

ኢንቴካ ዉርሴ ጋላሳን ቡሮ ቆንጫና ኣቶቴስ ኣማኖ ጋሶን ጾሳ ዎልቃን ናጌቲዴታ።

ሃዋሬታ ኦሶ 14:17

ጊዶ ኣቲን ጾሲ ሳሎፔ ኢራኔ ሄሳካ ካ ካጺዛ ዎዴታ ኢሚዲ ኢንቴ ዎዚና ካኒኔ ኡፋይሳን ኩንዴስ፤ ኡፋይሳካ ኢንቴና ካልሲዲ ሎኦ ኦሶን ባና ማርካይ ባይንዳ ኣጊቤና» ጊዳ።

Maatosa 23:37

«ሃኔ ዬሩሳላሜ! ናቤታ ዎዛሬ! ኔኮ ኪቴቲዳይታ ሹቻራ ጫዲዛሬ! ሃኔ ዬሩሳላሜ፥ ኩቶ ኣያ ባ ጪዬታ ባ ቄፌ ጊዶ ሺሺዛ ማላ ታ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኮያቤካ።

ኤርማሳ ቲንቢቴ 23:6

ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

ሌሚሶ ማጻፋ 18:10

ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

ዬ ማጻፋ 90:1

ጎዳዉ! ኔኒ ኑስ ዬሌታፔ ዬሌታ ጋካናስ ሺቂ ኣቲዛሶ ጊዳዳሳ።

ኬሳ ማጻፋ 16:8

ሄሳፌ ጉዬ ሙሴይ፥ «ኢንቴ ኢዛ ቦላ ዙዙሚዳይሳ ኢዚ ሲዪዳ ጊሻስ ኢዚ ኢንቴስ ማናስ ኦማርስ ኣሾ ኢሚኮ ኢንቴ ኮዪዳ ማላ ሚዛ ኡኬካ ኡባ ኢንቴስ ማላዶ ኢማና። ኑ ኦኔ? ኢንቴ ጎዳ ቦላ ዙዙሚዴታ ኣቲን ኑ ቦላ ዙዙሚቤኬታ» ጊዳ።

ሆሴኤ ቲንቢቴ 2:18

ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ዬ ማጻፋ 144:13

ኑ ጎታራታን ዱማ ዱማ ቆሞ ካ ኩሞ፤ ኑ ዶርሳቲ ሺ ላቃ ጋካናስ ዬሌቶ፤ ሄሜቲዛሶን ታሙ ሺ ጋካናዉ ዳሬቶ።

ኢሳያሳ ቲንቢቴ 1:19

ኢንቴ ታስ ኤኖ ጊ ኣዛዜቲኮ ቢታ ኣንጆ ማና።

ኢሳያሳ ቲንቢቴ 30:23

ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና።

ሆሴኤ ቲንቢቴ 2:20

ታኒ ኣማኔታዳ ኔና ታስ ማቾ ጊጊሳና። ኔኒካ ታኒ ጎዳ ጊዲዳይሳ ኤራና።

ኢዩኤሌ ቲንቢቴ 2:22

ኢንቴኖ ቢታ ቦላ ዲዛ ዶኣቶ ባቦፍቴ፤ ካሴ ኢንቴ ኢዛን ሄሜቲዛ ጋዴይ ጪሊሊዴስ፤ ሚቲካ ኣይፊዳ፤ ባላሴይኔ ዎይኔ ሚይ ኬሂ ዳሮ ኣይፊዴስ።