ሌዌታ ማጻፋ 26:4 - ጋሞ ማጻፋ

⁴ ታኒ ኢንቴስ ኢራ ዎዴራ ቡኪሳና፤ ቢታያካ ካ ዳርሳ ኢማና፤ ኣይፌ ኢሚዛ ሚቲካ ዳርሲ ኣይፋና።

Geeshsha Maxaafa

⁴ tani inttes ira wodera bukisana; biittayakka kath darsa immana; ayfe immiza miththatikka darssi ayfana.

ሌዌታ ማጻፋ 26:4 Iomraidhean Croise

1ካዎታ ማጻፋ 17:1

ጋላኣዴን ቴሲቤ ጌቴቲዛሶፔ ዪዳ ናቤ ኤላሲ ካዎ ኣካቤስ፥ «ታኒ ኢዛስ ኦዛ ጎዳ ኢስራኤሌ ጾሳይ ቤዪን ሃይሳፌ ያና ላይታን ታኒ ዮቶንታ ዲሺን ሳኣን ኢራይ ቡኬና ዎይኮ ጻዛይካ ጻዛቴና» ጊዴስ።

ኢዮቤ ማጻፋ 5:10

ቢታ ቦላ ኢራ ቡኪሴስ፤ ጎሻታካ ሃን ሹጊሴስ።

ዬ ማጻፋ 104:13

ኔኒ ጊታ ዙማታ ቦላን ሳሎፔ ኢራ ቡኪሳሳ፤ ቢታካ ኔ ኩሼ ኦሶ ኣይፌን ኩንዳሳ።

ዬ ማጻፋ 67:6

ቢታይ ካ ኢማና፤ ጾሲ፥ ኑ ጾሳይ ኑና ኣንጃና።

ዬ ማጻፋ 67:7

ጾሲ ኑና ኣንጃና፤ ሳኣ ጋጻ ጋካናስ ዲዛ ኣሳይ ኡባይ ኢዛስ ያያና።

ዬ ማጻፋ 68:9

ኣቤት ጾሳዉ! ኔኒ ኮሺዛ ኬና ኢራ ኢማዳሳ፤ ላዳ ቢታካ ኣራዲሳዳሳ።

ዬ ማጻፋ 85:12

ቤኢቴ! ጎዳይ ሎኦ ሚሽ ኢማና፤ ኑ ቢታይካ ሎኦ ካ ሞኪሳና።

ዬ ማጻፋ 85:13

ጺሎቴ ኢዛፔ ሲንራ ባና፤ ኢዚ ባናሶካ ኢዛስ ጊጊሳና።

ኢሳያሳ ቲንቢቴ 30:23

ኔ ዜሪዳ ካስ ኢዚ ኢራ ኢማና፤ ቢታፌ ሞኪዳ ካይ ሙሩታኔ ዳሮ ጊዳና። ሄ ዎዴ ኢንቴ ሜሄይ ኣሆ ዴምባን ሄሜታና።

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ሂዚቄላ ቲንቢቴ 36:30

ኮሻ ጋሶን ኢንቴ ካዎቴታ ጊዶን ኢንቴ ካዉዪዲ ዬላቶንታ ማላ ሚ ኣይፌኔ ካ ታ ኢንቴስ ዳርሳና።

ኢዩኤሌ ቲንቢቴ 2:22

ኢንቴኖ ቢታ ቦላ ዲዛ ዶኣቶ ባቦፍቴ፤ ካሴ ኢንቴ ኢዛን ሄሜቲዛ ጋዴይ ጪሊሊዴስ፤ ሚቲካ ኣይፊዳ፤ ባላሴይኔ ዎይኔ ሚይ ኬሂ ዳሮ ኣይፊዴስ።

ሌዌታ ማጻፋ 25:19

ቢታያ ኢንቴስ ጊዳና ካ ኢማና፤ ኢንቴካ ኢዚፔ ካላና ጋካናስ ማና፤ ሳሮቴንካ ዴኣና።

ሌዌታ ማጻፋ 25:21

ኡሱፑን ላይታን ቢታዮ ኣንጃና፤ ሂስቲኮ ኢዛ ኢንቴስ ሄ ላይስ ጊዳና ካ ኢማና።

ዛካራሳ ቲንቢቴ 8:12

ዜሬይ ሎኦ ሞካና፤ ዎይኔ ሚይ ኣይፋና፤ ቢታይካ ካ ኢማና፤ ሳሎይካ ኢራ ኢማና፤ ሄይታ ዉርሳካ ሃን ሃይሳን ኣቲዛ ዴሬዛስ ጺንጾ ሂስቲ ኢማና።

Maatosa 5:45

ኢንቴ ሄሳ ኦኮ ኢንቴ ሳሎ ኣዋስ ናይታ ጊዳና። ኢዚ ኣርሼ ኢታታሲኔ ሎኦታስ ኢሲ ቦላ ጋ ኢሜስ። ኢራካ ጺሎታሲኔ ናጋራንቻታስ ኢሲ ቦላ ቡኪሴስ።

ሃዋሬታ ኦሶ 14:17

ጊዶ ኣቲን ጾሲ ሳሎፔ ኢራኔ ሄሳካ ካ ካጺዛ ዎዴታ ኢሚዲ ኢንቴ ዎዚና ካኒኔ ኡፋይሳን ኩንዴስ፤ ኡፋይሳካ ኢንቴና ካልሲዲ ሎኦ ኦሶን ባና ማርካይ ባይንዳ ኣጊቤና» ጊዳ።

ዛሬ ማጻፋ 11:13

ሄሳ ጊሻስ ጎዳ ኢንቴ ጾሳ ሲቂቴ፤ ኩሜ ዎዚናፔኔ ኩሜ ሼምፖፌ ኢዛስ ኦቴ፤ ታኒ ሃች ኢንቴስ ኢሚዛ ኣዛዞታ ፖሊቴ።

ዛሬ ማጻፋ 11:14

ኢንቴ ሄሳ ኦኮ ኢንቴ ካ፥ ዎይኔኔ ዛይቴ ፓጬይ ባይንዳ ሺሻና ማላ ጎዳይ ኢንቴስ ባሳ ኢራኔ ባልጎ ኢራ ዎዴን ዎዴን ቡኪሳና።

ዛሬ ማጻፋ 28:12

ኔ ኩሼ ኦሶ ኡባ ኣንጃናሲኔ ጎዳይ ኔ ቢታስ ኢራ ዎዴራ ቡኪሳናስ ባ ሚንጃ ኬ፥ ሳሎ ፔንጌ ኔስ ዶያና፤ ቃሴ ኔኒ ዳሮ ካዎቴታስ ታልኣናፔ ኣቲን ኦፔካ ሃ ታልኤ ኤካካ።

ያቆቤ ኪታ 5:7

ሄሳ ጊሻስ ታ ኢሻቶ! ጎዳይ ሃ ያና ጋካናስ ዳንዳይቴ፤ ጎሼ ጎዪዛዴይ ቢታይ ሎኦ ካ ካጻና ጋካናስ ዋኒ ዳንዳይዛኮ ኮይሮ ኢራኔ ዉርሴ ኢራ ኢዚ ዎስቲ ናጊዛኮ ኣኔ ኣኬኪቴ።

ዮሃኒሳ ኣጁታ 11:6

ኢስቲ ቲንቢቴ ዮቲዛ ሄ ጋላሳታን ኢራይ ቡኮንታ ማላ ሳሎ ጎርዳናስ ማታይ ኢስታስ ዴስ። ሄሳካ ሃታ ሱን ላማናስ ኮይኮካ ሃራ ኣይ ማላ ቦሻንካ ቢታ ሾጫናስ ዎልቃይ ኢስታስ ዴስ።