ኢያሶ ማጻፋ 7:21 - ጋሞ ማጻፋ

²¹ ዲኤቲ ዪዳ ሚሻ ጊዶፌ ታኒ ኢሲ ሎኢዛ ሳናኦሬ ካባ፥ ናምኡ ጼቱ ሳቂሌ ቢራኔ ባጋ ኪሎ ጊዲዛ ዎርቃ ቤኣዳ ኣሞቲዳ ጊሻስ ኤካዲስ። ሂስታዳ ታ ዱንካኔ ጊዶን ቦካዳ ቢራ ጋርሳራ ሂጻ ሞጋዲስ» ጊዴስ።

Geeshsha Maxaafa

²¹ Di7etti yida miishshaa giddofe tani issi lo7iza Sana7oore kaabba, nam7u xeetu saqile biranne bagga kilo gidiza worqqa be7ada amottida gishshas ekkadis. Histtada ta dunkaane giddon bookkada biraa garsara hiixxa moogadis» gides.

ኢያሶ ማጻፋ 7:21 Iomraidhean Croise

ሜቴ ማጻፋ 10:10

ኢዛ ካዎቴን ኮይሮ ካታማቲ ሳናኦሬ ቢታን ዲዛ ባቢሎኔ፥ ኤሬኬ፥ ኣካዴኔ ካላናሄ።

ሜቴ ማጻፋ 3:6

ማጫሳያ ሄ ሚ ኣይፌይ ማናስ ማልኢዛይሳ፥ ጼላናስ ሎኢዛይሳ፥ ቃሴ ኣሲ ኣ ኤራቴ ዴማናስ ኣሞሲዛዝ ጊዲዳይሳ ቤያዳ ሄ ሚ ኣይፌፔ ኤካዳ ማዱስ፤ ቃሴ ባናራ ዲዛ ባ ኣዚናስካ ሄሳፌ ኢሚን ኢዚካ ሚዴስ።

ሜቴ ማጻፋ 34:27

ያቆቤ ኣቱማ ናይቲካ ኣሃታ ቦላራ ዬቲ ኣዲ ባ ሚቼዮ ዲኖ ቱኒሲዳ ካታማ ቦንቂዳ።

ሜቴ ማጻፋ 6:2

«ጾሳ ናይታ» ጌቴቲዛ ሜቴቲ ኣሳ ማጫ ናይቲ ሜ ሎኦ ጊዲዳይሳ ቤኢዲ ኢስታፌ ባ ዶሪዳይታ ማቾ ኤኪዳ።

2ሳሜላ ማጻፋ 11:2

ኢሲ ጋላስ ቢላሄ ዎዴ ዳዊቲ ስኮፌ ቤጊዲ ካዎ ኬ ፖቄ ቦላ ኬዚዲ ሲሜሬቲሼ ኢሲ ማጫሳያ ባ ቦላ ሜጬቲሺን ቤኢዴስ፤ ማጫሳያ ኬሃ ማላ ሎኦ።

2ካዎታ ማጻፋ 7:8

ሄ ኢንቺራቻ ሃርጋንቻቲ ሄ ኣሳይ ዲዛ ሄራ ጋኪዲ ዱንካኔታፔ ኢሳን ጌሊዲ ሚዳኔ ኡዪዳ፤ ሄሳፌ ጉዬ ቢራ፥ ዎርቃኔ ማይኦ ቢዲ ቆቲዳ፤ ሲሚዲካ ሃራ ሃራ ዱንካኔታን ጌሊዲ ሃራ ዳሮ ሚሻታካ ኤኪ ቢዲ ቆቲዳ።

ኢዮቤ ማጻፋ 31:1

«ሎኦ ማጫሳኮ ጼላዳ ኣሞቶንታ ማላ፤ ታኒ ታ ኣይፌታራ ጫቆ ጌላዲስ።

ዬ ማጻፋ 119:37

ፓንታ ሚሽ ጼሎንታ ማላ ታ ኣይፌታ ናጋ፤ ኔ ቃላ ማላ ታ ዴኦ ኦራጺሳ።

ኬሳ ማጻፋ 20:17

«ኣሳ ኬ ኣሞቶፋ፤ ኣሳ ማቾ ዎይኮ ኢዛ ኣይሌ ዎይኮ ኢዛ ኣይሌዮ ዎይኮ ኢዛ ቦራ ዎይኮ ኢዛ ሃሬ ዎይኮ ኢዛስ ዲዛ ኣይ ሚሺካ ኣሞቶፋ» ጊዴስ።

ሌሚሶ ማጻፋ 1:19

ቤሶንታ ኦጌራ ጎኣ ዴማናስ ዎጺዛ ኡባታ ዉርሴይ ሃይሳ ማላ፤ ኢስቲ ሺሺዳ ኣቆታይ ኢስታ ሼምፖ ኤኪ ባና።

ሌሚሶ ማጻፋ 23:31

ዎይኔ ኡሺ ዞኢዳ ዎዴ፥ ኢዛ ሜይ ቢሪሌ ጊዶን ጶሊዛ ዎዴ፥ ዱቂሺን ጮሮሩ ጊ ጌሊዛ ዎዴ ኢዛ ቲሺ ሂስታ ጼሎፋ።

ሌሚሶ ማጻፋ 28:22

ኡዜቲዛ ኣሲ ዱሬታናስ ጃሜስ፤ ባና ሂዬሳቴ ኦይካናይሳካ ኤሬና።

ሌሚሶ ማጻፋ 4:23

ኡባፌካ ቦላራ ኔኒ ኔ ዎዚና ሚንዳ ናጋ፤ ኣይስ ጊኮ ዴኦይ ኢዛፔ ፑልቴስ።

ኢሳያሳ ቲንቢቴ 28:15

ኢንቴ፥ «ኑኒ ሃይቆራ ጫቄቲዶስ፤ ዱፎራካ ሲጌቲዶስ፤ ዎርዶ ኑስ ዜምፖሶኔ ቆቴቲዛሶ ኦዶስ፤ ዎልቃማ ቦሻይ ፒቲ ኤኪ ቢሼ ኑና ቦቻናስ ዳንዳዬና» ጊ ኦቶሬቲዴታ።

ኢሳያሳ ቲንቢቴ 29:15

ባንታ ሃልቾ ጎዳፔ ጌንናስ ዱጌ ጪማ ኦላን ዎዛይታስ ባንታ ኦሶ ማን ኦዛይታስ «ኑና ኦኒ ቤኣኔ? ኑና ኦኒ ኤራኔ?» ጊዛይታስ ኣዬ ኣና!

ኢምባቆ ቲንቢቴ 2:9

«ዎርዶራ ባሌ ኤኪዳ ሚሻን ባስ ዳና ኬ ኬጺዛዴሲኔ ባ ሞርኬ ኩሼፔ ኣታናስ ባ ኬ ቃሶሆን ኬጺዛዴስ ኣዬ ኣና!

ሉቃሳ ሚሺራቾ 12:15

ቃሴካ ኢስታስ፥ «ኣሳስ ዳሮ ሚሺ ዲኮካ ሼምፖይ ሄ ዱሬቴን ዶንታ ጊሻስ ናጌቲቴ፤ ዪቄቴፌ ኢንቴና ኬሂ ናጊቴ» ጊዴስ።

ሉቃሳ ሚሺራቾ 12:2

ቆንጮንታ ካሜቲዲ ኣታናይኔ ኤሬቶንታ ቆታን ኣታና ሚሺ ዴና።

ኤፌሶኔ ኣሳስ 5:3

ላይማይ ዎይኮ ቱናቴ ዎይኮ ኡዜቴ ሙሌካ ኢንቴ ጊዶን ቤቶይ ኣቲን ዚጊርሲካ ሲዬቶፎ፤ ሄሳ ማላይ ጌሻ ጾሳ ኣሳስ ቤሴና።

ኤፌሶኔ ኣሳስ 5:5

ቃሴካ ኢንቴ ላይማቲዛይታስ ዎይኮ ቱናታስ ዎይኮ ኡዜቲዛይታሲኔ ኤቃስ ጎይኒዛይታስ ኪርስቶሳ ካዎቴኒኔ ጾሳ ካዎቴን ኢስታስ ላታሶይ ባይንዳይሳ ኢንቴ ኤሪቴ።

ዛሬ ማጻፋ 7:25

ኢስታ ኤቃ ጾሳታ ኡባ ታማን ጹጊቴ፤ ሄ ኤቃ ጾሳታ ቦላ ዲዛ ዎርቃኔ ቢራ ኣሞቲዲ ኢንቴስ ኤኮፍቴ፤ ጎዳ ኢንቴ ጾሳይ ኤቃ ጾሳታስ ጎይኖ ኢጺዛ ጊሻስ ኢንቴ ኤኪኮ ኢዚ ኢንቴስ ዎጺማዴ ጊዳና።

ቆላሲያሴ ኣሳስ 3:5

ሄሳ ጊሻስ ኢንቴስ ቢታ ቦላ ዲዛ ኣሞቴ ዲጊቴ፤ ሄይቲካ ላይማ፥ ቱናቴ፥ ኣሾ ኣሞ፥ ኢታ ኣሞቴኔ ኤቃስ ጎይኖ ማላ ጊዲዳ ጋጲጋጶ።

Ibirawe 13:5

ሚሻ ሲቆፔ ናጌቲቴ፤ ኢንቴስ ዲዛይሲ ጊዳና፤ ሄሳስ ጋሶይካ ጾሲ፥ «ታ ኢንቴና ሙሌካ ኣጊኬኔ ዬጊኬ» ጊዴስ።

ያቆቤ ኪታ 1:15

ኣሞይ ቃንቲዲ ናጋራ ዬሌስ፤ ናጋራይካ ዲጪዳፔ ጉዬ ሃይቆ ዬሌስ።

ኢያሶ ማጻፋ 7:20

ኣካኔይካ ኢያሶስ፥ «ኤ ቱማ! ታኒ ጎዳ ኢስራኤሌ ጾሳ ቆሃዲስ፤ ታኒ ኦዳይ ሃይሳ፤

ኢያሶ ማጻፋ 7:22

ሂስቲን ኢያሶይ ኣስ ኪቲዴስ፤ ኢስቲ ኢዛ ዱንካኔኮ ዎጺ ቢዲ ቢራዚ ጋርሳራ ሂጼቲ ሃንኮ ሚሻታራ ሞጌቲዳይሳ ዴሚዳ።

2ጴጽሮሳ ኪታ 2:15

ኢስቲ ሱሬ ኦጌዛ ኣጊዲ ይዳ፤ ኢታ ኦሶ ኦዲ ዴሚዛ ሚሽ ሲቂዳ ቢኦሬ ና ባላኣሜ ኦጌ ቢዲ ባሌቲዳ።