ኢያሶ ማጻፋ 3:16 - ጋሞ ማጻፋ

¹⁶ ጎጊዛ ሃይ ኤቂዴስ፤ ሄን ዳሮ ሃሆሶን ጳርታኔ ማታን ዲዛ ኣዳሜ ጌቴቲዛ ካታማ ጋካናስ ኢሲሶ ሺቂዲ ዶሬቲዴስ፤ ዱጌ ኣራቤ ጋን ዲዛ ማጺኔ ኣባን ጎጊዛ ሃ ኡባይ ዱጺ ኣቲዴስ፤ ሂስቲን ኣሳይ ኢያርኮ ካታማ ጊናራ ፒኒዴስ።

Geeshsha Maxaafa

¹⁶ goggiza haaththay eqqides; heen daro haahoson Phartaane matan diza Addaame geetettiza katamaa gakkanaas issiso shiiqidi doorettides; duge Arabe gadhan diza Maxine abban goggiza haaththi ubbay duuxxi attides; histtiin asay Iyarkko katamaa ginara pinnides.

ኢያሶ ማጻፋ 3:16 Iomraidhean Croise

ሜቴ ማጻፋ 14:3

ሃ ኢቻሹ ካዎቲ ጋጊዲ ኢሲ ባጋ ጊዲዲ፥ (ሃይቆ ኣባ ጌቴቲዛ) ሲዲሜ ሾባን ሺቂዳ።

1ካዎታ ማጻፋ 4:12

ኣሂሉዴ ና ባኣናይ ታኢናኬኔ ማጊዶ ዴሬ፥ ጳርታኔፔ ዱጌ ቢዲ ኢዝራኤሌን ዲዛ ቤቲ-ሻኣኔ ጋካናስ፥ ሄፔካ ቢዲ ዮቂማኣሜ ፒኒዲ ኣቤሊ-ማሆሌ ዴሬ ጋካናስ ዲዛይሳ ኣይሴስ።

1ካዎታ ማጻፋ 7:46

ካዎ ሶሎሞኔይ ሱኮቴፔኔ ጳርታኔፔ ጊዶን ዮርዳኖሴ ዴምባን ዴኢዛ ጻርቂማላ ሴሪሲዛሶን ሃይታ ኡባ ኦሲሲዴስ።

ዬ ማጻፋ 114:3

ዞኦ ኣባይ ሄሳ ቤኢዲ ባቃቲዴስ፤ ዮርዳኖሴ ሻፋይካ ጉዬ ሲሚዴስ።

ዬ ማጻፋ 114:5

ኣባዞ! ኔ ኣይስ ባቃታዲ? ዮርዳኖሴ ሻፋዞ! ኣይስ ጉዬ ሲማዲ?

ዬ ማጻፋ 29:10

ጎዳይ ዲኦ ሃ ቦላ ባ ኣራታ ዎዲ ኡቲዴስ፤ ጎዳይ ባ ካዎቴ ኣልጋን ኡቲዲ ሜርናስ ሃሬስ።

ዬ ማጻፋ 33:7

ጊታ ኣባ ሃ ኢዚ ኢሲሶን ሺሺዴስ፤ ጪማ ሃ ሚንጃሶን ኤሊሲዴስ።

ዬ ማጻፋ 66:6

ኢዚ ኣባ ሃ ሻኪዴስ፤ ቃሴ ቤኒ ኑ ኣዋቲ ሻፋራ ሜላ ቢታራ ቶሆን ፒኒዳ፤ ኑኒካ ኢዚ ኦዳ ኦሶን ኡፋዬቲዶስ።

ዬ ማጻፋ 74:15

ኔኒ ፑልቶታኔ ካንቼታ ዶያ ዬዳዳሳ፤ ኡባ ዎዴ ጎጊዛ ሻፋታ ቃሴ ሜሊሳዳሳ።

ዬ ማጻፋ 77:19

ኔኒ ኣባ ጊዶራ ሄሜታሳ፤ ጪማ ኣባ ጊዶራ ካንሳ፤ ጊዲኮካ ኔ ቢዳ ጌዶይ ኤሬቴና።

ዬ ማጻፋ 78:13

ኣባ ሻኪዲ ጊዶራ ኢስታ ፒንዴስ፤ ኢዚ ሃ ያኔ ሃ ሻኪዲ ጎዳ ማላ ኤሲዴስ።

ኬሳ ማጻፋ 14:21

ሄሳፌ ጉዬ ሙሴይ ኣባ ቦላን ባ ኩሼ ፒዲሲዴስ፤ ጎዳይ ሄ ጋላሳ ኦማርስ ኩሜ ኣርሼይ ሞኪዛ ባጋፌ ዎልቃማ ጫርኮ ዬዲዲ፥ ኣባ ሻኪ ሻኪዲ ሜላ ቢታ ኬሲዴስ። ሃይካ ናምኣን ሻኬቲዴስ።

ኬሳ ማጻፋ 14:22

ኢስራኤሌ ኣሳይ ኣባ ጊዶን ሜላ ቢታራ ሄሜቲዲ ሃ ኢስታስ ኡሻቻራኔ ሃዲርሳራ ጎዳ ማላ ኤቂን ቢዳ።

ኬሳ ማጻፋ 14:29

ጊዶ ኣቲን ኢስራኤሌ ኣሳይ ሃ ኢስታስ ኡሻቻራኔ ሃዲርሳራ ጎዳ ማላ ኤቂ ዲሺን ኣባ ጊዶራ ሜላ ቢታ ቦላራ ሄሜቲ ቢዴስ።

ኬሳ ማጻፋ 15:8

ኔ ፔኖይ ሃ ፑዴ ኤሲ ዶሪዴስ። ጎጊዛ ሃካ ጎዳ ማላ ሚኒ ኤቂዴስ፤ ጪማ ጊዶን ዲዛ ሃ ኣባ ጊዶን ኢርኪዴስ።

ኢሳያሳ ቲንቢቴ 50:2

ታኒ ዪዛ ዎዴ ሄን ኣሲ ኣይስ ይዴ? ታ ጼይጊዛ ዎዴ ዛሮ ኢሚዛ ኣሲ ሄን ዋኒ ይዴ? ኢንቴና ዎዛና ሚሽ ጪጋናስ ታ ኩሼይ ቃማዴ? ዎይኮ ኢንቴና ኣሻናስ ታስ ዎልቃይ ጉ? ቤኢቴ ታ ሃንቆን ኣባ ሜሊሳይስ፤ ሻፋታካ ባዞ ኬሳይስ ኢስታን ዲዛ ሞሌቲ ሳሞን ሃይቂዲ ዜቄቴስ።

ሂዚቄላ ቲንቢቴ 47:8

ኢዚ ታና፥ «ሃይ ኣርሼ ኬሳ ባጋ ቢታኮ ጎጊዲ ኣራቤ ዙሌን ጌሌስ። ኢዚ ሄሳን ጎጊዲ ማጺኔ ኣባን ጌሊዛ ዎዴ ሄ ሃዚ ኦራጺዲ ጺሎ ሃ ኬዜስ።

ናሆሜ ቲንቢቴ 1:4

ኣባ ሴሪዲ ሜሊሴስ፤ ሻፋታ ኡባ ሚጪንቼስ። ባሳኔይኔ ቃርሜሎሴይ ሹሊዳ። ሊባኖሴ ጪሻቲካ ቆቆፌቲዳ።

ኢምባቆ ቲንቢቴ 3:8

ጎዳዉ! ኔ ሃታ ቦላ ሃንቄታዲ? ኔ ሃንቆይ ሃ ፑልቶታ ቦላ ዲዜ? ኔኒ ኔ ፓራታኔ ጾኒዛ ፓራ-ጋሬታ ቶጋዳ ካሌዳ ዎዴ ኣባ ቦላ ሃንቄታዲ?

ታይቦ ማጻፋ 34:3

ዱጌሃ ባጋራ ጺኔ ባዞፌ ዴንዲዲ ኤዶሜ ባዞ ኣቻራ ካን ቢዲ ኣርሼይ ሞኪዛ ባጋራ ሃይቆ ኣባፌ ዱጌሃ ባጋ ጼራ ቦላራ ዶሚዲ፥

ዛሬ ማጻፋ 1:1

ሃይሳ ሃ ማጻፋን ዲዛ ቃላይ ዉሪካ ዮርዳኖሴ ሻፋፔ ሄ ፒንን ኣርሼይ ሞኪዛ ባጋራ ዲዛ ባዞን ኢስቲ ዲሺን ሙሴይ ኢስራኤሌ ናይታስ ዮቲዳ ቃላ። ሙሴይካ ሃ ቃላ ዮቲዛ ዎዴ ኢስቲ ሱፌ ጌቴቲዛሶ ጊናራ ፓራኔ ካታማፔ ቃሴካ ሃራ ባጋራ ቶፔሌ፥ ላባ፥ ሃጺሮቴኔ ዲዛሃቤ ጌቴቲዛ ካታማታ ጊዶን ዲዛ ዮርዳኖሴ ሾባን ዴቴስ።

ዛሬ ማጻፋ 3:17

ኣርሼይ ዉሊዛ ባጋራ ኢስታ ዛዋይ ኣራቤን ዴኢዛ ዮርዳኖሴ ሻፋ ጋኬስ፤ ሄሲካ ኪኔሬቴ ኣባፌ ዶሚዲ ፒዝጋ ዙማ ጋርሳን ዲዛ ማጺኔ ኣባ ጋካናሳ።

ኢያሶ ማጻፋ 12:3

ቃሴካ ኣርሼይ ሞኪዛ ባጋራ ዮርዳኖሴ ሾባፌ ቢዲ ጋሊላ ኣባ ጋካናስ፥ ቤቲ-ያሺሞቴ ባጋራ ቢዲ ማጺኔ ኣባፌ ዱጌሃ ባጋራ ዲዛ ፒዝጋ ዙማስ ዳንኤ ባጋ ጋካናስ ዲዛሶዛ ሃሪዴስ።

ኢያሶ ማጻፋ 15:2

ዱጌሃ ባጋራ ኢስታ ዛዋይ ማጺኔ ኣባስ ዱጌሃ ባጋ ጼራፔ ዶሜስ።

ኢያሶ ማጻፋ 16:7

ያኖኬፔ ዱጌ ኣጻሮቴኔ ናራቴ ዱጉን ዎዲ ኢያርኮራ ካን ቢዲ ዮርዳኖሴ ሻፋን ጌሌስ።

ኢያሶ ማጻፋ 3:13

ሳኣ ኡባ ጎዳ ጫቆ ቃላ ታቦታ ቶኪዳ ቄሴታ ቶሆይ ዮርዳኖሴ ሃ ቦቺዳ ማላ ፑዴሃፔ ዱጌ ጎጊዛ ዮርዳኖሴ ሃ ሄራካ ጎጌ ኣጋጋና፤ ዶሬ ማላ ጊዲ ኤቃ ጋና» ጊዴስ።

ኢያሶ ማጻፋ 4:22

‹ኢስራኤሌ ኣሳይ ዮርዳኖሴ ሻፋ ሜላ ቢታ ዬዲ ፒኒዳይሳ ሃሳኢሲዛይሳ› ጊዲ ዮቲቴ።

ኢያሶ ማጻፋ 5:1

ዮርዳኖሴ ሻፋፔ ኣርሼይ ዉሊዛ ባጋራ ዲዛ ኣሞሬታ ካዎቲኔ ሜዲቴራኔ ኣባ ላንቄ ላንቄ ኦይኪዲ ዲዛ ካናኔታ ካዎቲ ዉሪ ኢስራኤሌ ኣሳይ ፒናና ጋካናስ ጎዳይ ዮርዳኖሴ ሻፋ ሃ ሜሊሲዳይሳ ሲዪዳ ዎዴ ኢስታ ዎዚናይ ባቦን ሴሪዴስ። ሂስቲን ኢስቲ ኢስራኤሌ ኣሳራ ኤቄታናስ ጻሊቤቴና።

ዳናታ ማጻፋ 7:22

ሄ ጼቱ ጌዶኔ ኣሳይ ባ ዛዬ ዛዬ ፑኒዳ ዎዴ ሞርኬታ ኦላንቻቲ ባንታ ጊ ማሻን ኢሶይ ኢሳ ዎና ማላ ጎዳይ ኦዴስ፤ ሄሳ ጊሻስ ኣቲዳ ኦላንቻቲ ዜሬራ ባጋራ ጌዴ ቤቲ-ሲጼ ጌቴቲዛ ካታማራ ኣ ቢዲ ጻባታ ማታን ዲዛ ኣቤሊ-ማሆሌ ጋካናስ ባቃቲዳ።