ኢያሶ ማጻፋ 10:13 - ጋሞ ማጻፋ

¹³ ሄሳ ጊሻስ ኢስራኤሌ ካዎቴይ ባ ሞርኬታ ቦላ ሃሎ ኬሳና ጋካናስ ኣርሼይ ኤቂዴስ። ኣጊናይካ ቃጻቤኩ። ሄሲካ ያሻሬ ማጻፋን ጻፌቲዴስ፤ ኣርሼይ ሳሎስ ጊዶ ኣዳን ኤቂዴስ፤ ኢሲ ጋላስ ኩሜ ኣርሼይ ዉሎንታ ፔኢዴስ።

Geeshsha Maxaafa

¹³ Hessa gishshas Isra7eele kawoteththay ba morkketa bolla halo kessana gakkanaas arshey eqqides. Aginaykka qaaxxabeekku. Hessika Yashaare Maxaafan xaafettides; arshey salos giddo addan eqqides; issi gallas kumeth arshey wullontta pe7ides.

ኢያሶ ማጻፋ 10:13 Iomraidhean Croise

2ሳሜላ ማጻፋ 1:18

ቃሴካ፥ «ዎንዳፌ ሚላስ» ጌቴቲዛ ዚላሳ ዩሁዳ ዴራ ታማርሳና ማላ ኣዛዚዴስ። ሄሲ ያሻሬ ማጻፋን ጻፌቲ ኡቲዴስ።

2ካዎታ ማጻፋ 20:10

ሂዝቂያሲ ኢዛስ፥ «ኩዋይ 10 ኬች ሲን ቡሲ ሜቴና፤ ሄሳፌ ኩዋይ ጉዬ ሲማና ማላ ኦ» ጊ ዮቲዴስ።

ኣስቴሪ ማጻፋ 8:13

ኣይሁዳቲ ባ ሞርኬታ ቦላን ሃሎ ኬሳናስ ሄ ጋላስ ጊጌቲ ኡታና ማላ ካዎዛ ኣዋጃፌ ዱቄቲዳ ዎጋይ ኡባ ዴሬን ኣሳይ ኤራና ማላ ኣዋጄቲዴስ።

ኢዮቤ ማጻፋ 9:7

ኣዋ ኣርሼይ ሞኮንታ ማላ ኦናዉ ዳንዳዬስ፤ ጾሊንቴቲካ ፖኢሶንታ ማላ ኦና።

ዬ ማጻፋ 148:3

ኣርሼይኔ ኣጊናይ ኢዛ ጋላቲቴ፤ ፖኢሲዛ ጾሊንቴቶ! ኡባይ ኢዛ ጋላቲቴ።

ዬ ማጻፋ 19:4

ጊዶ ኣቲን ኢስታ ሃሳያ ጬንጉርሲ ሳኣ ኡባን ላሌታና፤ ኢስታ ቃላይካ ቢታ ጋጻ ጋካና። ጾሲ ኣርሼስ ሳሎን ሶሆ ጊግሲዴስ።

ኢሳያሳ ቲንቢቴ 24:23

ኡባፌ ዎልቃማ ጎዳይ ጺዮኔ ዙማኒኔ ዬሩሳላሜን ጪማታ ሲንን ቦንቾን ካዎታና፤ ሄ ዎዴ ኣጊናይ ሻጴታና፤ ኣዋ ኣይፌይካ ዬላታና።

ኢሳያሳ ቲንቢቴ 38:8

ቤያ፥ ኣካዜይ ፑዴ ኬኣናስ ጊግሲዳ ኬቻታ ቦላ ዎዛ ኣዋ ኩዋይ ታሙ ኬች ጉዬ ሲሚ ባና ማላ ታኒ ኦና» ጊዴስ። ሂስቲን ኩዋይ ታሙ ኬች ጉዬ ሲሚዲ ቢዴስ።

ኢዩኤሌ ቲንቢቴ 2:10

ቢታይ ኢስታ ሲንን ኮኮራና ሳሎይካ ቃጻና፤ ኣዋ ኣይፌይኔ ኣጊናይ ማና፤ ጾሊንቴይካ ፖኦ ኢሜና።

ኢዩኤሌ ቲንቢቴ 2:31

ጊታ ባቢሲዛ ጎዳ ጋላሳይ ያናፔ ካሴቲዲ ኣርሼይ ማና፤ ኣጊናይካ ሱ ኣና።

ኢዩኤሌ ቲንቢቴ 3:15

ሄ ጋላስ ኣርሼይኔ ኣጊናይ ማና፤ ጾሊንቴይካ ፖኤና።

ኢምባቆ ቲንቢቴ 3:11

ኔ ፒሪሳ ዬዲዳ ኔ ዪሻታፔኔ ጾልቄቲዛ ኔ ቶራ ፖኦፔ ዴንዲዳይሳን ኣርሼይኔ ኣጊናይ ባ ዲዛሶን ኤቂ ኣቲዳ።

ታይቦ ማጻፋ 21:14

ሄሳ ጋሶን ጎዳይ ካሌን ኦሌቲዳ ኦላ ጊሻስ ዮቲዛ ታሪኬ ማጻፋዛን፥ «ሱፋ ሄራኒኔ ሾባታን ዲዛ ዋሄቤ ካታማን ኣርኖኔን ሃ ባይንዳ ሻፋን፥

ታይቦ ማጻፋ 31:2

«ሚዲያሜ ኣሳይ ኢስራኤሌ ኣሳ ቦላ ጋዳ ቆሆዛ ጊሻስ ኔኒ ሚዲያሜ ኣሳ ሃሎ ኬሳ፤ ሄሳ ኦዳፔ ጉዬ ኔኒ ሃይቃና» ጊዴስ።

Maatosa 24:29

«ሄራካ ሄ ኢታ ሜቶ ጋላሳታፔ ጉዬ ኣርሼይ ማና፤ ኣጊናይ ባ ፖኦ ዲጋና፤ ጾሊንቴቲ ሳሎፔ ቆቆፌታና፤ ሳሎ ዎልቃማቲካ ቃጻና።

Maatosa 5:45

ኢንቴ ሄሳ ኦኮ ኢንቴ ሳሎ ኣዋስ ናይታ ጊዳና። ኢዚ ኣርሼ ኢታታሲኔ ሎኦታስ ኢሲ ቦላ ጋ ኢሜስ። ኢራካ ጺሎታሲኔ ናጋራንቻታስ ኢሲ ቦላ ቡኪሴስ።

ሉቃሳ ሚሺራቾ 18:7

ጾሲ ቃማ፥ ጋላሲኔ ኦማርስ ኢዛኮ ዋሲዛ ዶሬቲዳይታስ ፒርዴኔዬ? ታና ኣይ ሜቲዴ! ጊዲ ባ ማዶ ጋምኢሳንዴ?

ሃዋሬታ ኦሶ 2:20

ጊታኔ ቦንቾ ጊዲዳ ጎዳ ጋላሲ ያናፔ ካሴቲዲ ኣርሼይ ማና፤ ኣጊናይካ ሱ ሚሳታና።

ኢያሶ ማጻፋ 10:11

ቤቲ-ሆሮኔፔ ዱጌ ኣዜቄ ኤፊዛ ኦጌ ኦይኪዲ ኢስቲ ኢስራኤሌ ኣሳ ሲንፌ ባቃቲሺን ጎዳይ ዎልቃማ ሻች ሳሎፔ ኢስታ ቦላ ቡኪሲዴስ። ሂስቲን ኢስራኤሌ ኣሳይ ማሻን ዎዳ ኣሳፔ፥ ሻቻይ ዎዳ ኣሳይ ኬሂፔ ዳሮ።

ኢያሶ ማጻፋ 10:14

ጎዳይ ኣሳ ቃላ ሲዪዳ ሄሳ ማላ ጋላሲ ሄሳፌ ካሴካ ጉዬካ ሃኒቤና። ቱሙካ ጎዳይ ኢስራኤሌ ጊሻስ ኦሌቲዴስ።

ዮሃኒሳ ኣጁታ 21:23

ጾሳ ቦንቾይ ኢዚስ ፖኢዛ ጊሻሲኔ ዶርሳዚ ኢዚ ፖኦ ጊዲዳ ጊሻስ ሄ ካታማይስ ኣርሼይ ዎይኮ ኣጊናይ ፖኢሳናስ ኮሼና።

ዮሃኒሳ ኣጁታ 6:10

ኢስቲ ቃ ቃላን፥ «ጌሻኔ ቱማንቻ ጎዳዉ! ኔኒ ቢታ ቦላ ዲዛ ኣሳ ቦላ ፒርዶንታይኔ ኑ ሱ ጊሻስ ኔ ሃሎ ኬሶንታይ ኣዪዴ ጋካናሴ?» ጊ ዋሲዳ።

ዮሃኒሳ ኣጁታ 6:12

ሄሳፌ ጉዬ ሄ ዶርሳይ ኡሱፑን ማታሜዛ ዶዪን ታኒ ኢዛኮ ጼላዲስ፤ ሄኮ ቢታይ ዎልቃማ ቃ ቃጺዴስ፤ ኣርሼይ ኣሲ ካዮስ ማይኢዛ ካሬ ማይኦ ማላ ካሬጺዴስ፤ ኣጊናይካ ኩሜራ ሱ ማላ ዞኣዱስ።

ዮሃኒሳ ኣጁታ 8:12

ኦይዳን ኪታንቻይ ባ ዛዬዛ ፑኒዴስ፤ ኣርሼስ ጪጎይ፥ ኣጊናስ ጪጎይ፥ ጾሊንቴታስ ጪጎይ ሾጬቲዴስ፤ ሄሳ ጊሻስ ሄይታንታ ፖኦፔ ጪጎይ ሚዴስ፤ ሄሳ ማላንካ ጋላሳፌ ጪጎይ ኦማርስ ጊዲዴስ፤ ሄሳካ ኦማርሳፌ ጪጎይ ፖኦይ ባይንዳ ማ ጊዲዴስ።

ዳናታ ማጻፋ 16:28

ሄ ዎዴ ሳምሶኔይ ጎዳ ዎሲዲ፥ «ኣቤት ኡባ ሃሪዛ ጎዳዉ! ሃኢ ታና ቆፓርኪ! ኣቤት ጾሳዉ፥ ፊሊስጼሜቲ ታ ኣይፌ ናምኣታ ዎጪ ኬሲዳይሳ ሃሎ ታኒ ኬሳና ማላ ሃኢ ታና ኢሲቶ ሚንርኪ!» ጊዴስ።

ዳናታ ማጻፋ 5:2

«ካሌዛይቲ ኢስራኤሌ ካሌሺን፥ ዴሬይካ ባ ሼኔን ሃሬቲሺን ጎዳ ጋላቲቴ!