ኤርማሳ ቲንቢቴ 9:19 - ጋሞ ማጻፋ

¹⁹ ጺዮኔን ዚላሳ ጬንጉርሲ ሲዬቴስ፤ ‹ኑኒ ይዶስ! ኑኒ ኬሂ ካዉዪዶስ! ኑ ኬ ላሌቲቺዳ ጊሻስ ኑ ቢታ ኣጊዲ ዴንዲ ቦስ› ጊ ዚላሌቴስ» ጌስ።

Geeshsha Maxaafa

¹⁹ Xiyoonen zilassaa cenggurssi siyettees; ‹Nuni dhaydos! Nuni keehi kawuyidos! Nu keeththi laalettichchida gishshas nu biittaa aggidi dendi boos› gi zilaleettes» gees.

ኤርማሳ ቲንቢቴ 9:19 Iomraidhean Croise

ኢሳያሳ ቲንቢቴ 32:9

ኢንቴኖ ኦቶሮይ ቱጪዳ ማጫሳቶ! ዴንዲቴ፤ ታ ጊዛዝ ሲዪቴ፤ ኢንቴኖ ባ ጊ ኡቲዳ ማጫ ናይቶ! ታኒ ኢንቴስ ዮቲዛይሳ ኤዝጊቴ።

ኤርማሳ ቲንቢቴ 15:1

ሄሳፌ ጉዬ ጎዳይ ታስ፥ «ሙሴይኔ ሳሜሊ ታ ሲንን ኤቂዳኮካ ታ ዎዚናይ ሃ ዴራስ ሚሼቴና፤ ኢስታ ታ ሲንፌ ዲጋ፤ ኢስቲ ቤቶ።

ኤርማሳ ቲንቢቴ 2:14

ኢስራኤሌይ ካሬፔ ዪዳ ኣይሌ? ዎይኮ ሶን ዬሌቲዳ ኣይሌ? ሂስቲን ኣይስ ቦንቃስ ኣ ኢሜቲዴ?

ኤርማሳ ቲንቢቴ 4:13

ቤኢቴ! ሞርኬይ ሻራ ማላ ቢታ ኩሚዴስ፤ ኢዛ ፓራ-ጋሬቲካ ጎቴ ጫርኮ ማላ ዬቴስ፤ ኢዛ ፓራቲካ ጎሌ ካፎታ ማላ ኤሶቴቴስ፤ ኣዬ ኣና ኑ ያና ጎስ!

ኤርማሳ ቲንቢቴ 4:20

ኢታ ሚሺ ኢታ ሚሽ ካሌስ፤ ሙሌ ቢታይ ሞሬቲዴስ፤ ታ ዱንካኔቲኔ ማጋላሻቲ ኤሶን ይዳ።

ኤርማሳ ቲንቢቴ 7:15

ኢንቴ ኢሻታ ኤፍሬሜ ዛሬታ ታኒ ዲጊዳ ማላ ታ ሲንፌ ኢንቴናካ ዲጋና» ጌስ።

ኤርማሳ ቲንቢቴ 7:19

ኢስቲ ሃይሳ ኡባ ኦዛይ ታና ቆሃናሴ? ሃይሳን ቆሄቲዲ ዬላታናይ ባንታ ሁኤስ ኢስታ ጊዴቴኔ?» ጊዴስ።

ኤርማሳ ቲንቢቴ 7:29

ሃንቆይ ኢዛ ቦላ ጋኪዳ ሃ ዬሌታ ጎዳይ ካዳ ጊሻሲኔ ኣጊዳ ጊሻስ ኢንቴ ሁኤ ሜዲዲ ዎራ ዬጊቴ፤ ኣይኮይካ ባይንዳ ዙምቡላታ ቦላ ኬዚዲ ዚላሊቴ› ጋ» ጌስ።

ኤርማሳ ዚላስ 4:15

ሄሳ ጊሻስ ኣሳይ ኢስታ ቦላ፥ «ኪቺቴ! ኢንቴ ቱና! ሃኪቴ! ኑና ቦቾፍቴ!» ጊ ዋሳና። ሄሳ ጋሶን ኢስቲ ባቃቲዲ ካዎቴ ጊዶን ቶይላቲሼ ኣሳይ ኢስታስ፥ «ኢንቴ ኑናራ ሃይሳን ዳናስ ዳንዳዬኬታ» ጊዳ።

ኤርማሳ ዚላስ 5:2

ኑ ቢታ ኣላጋቲ ላቲዳ፤ ኑ ኬካ ባስ ዱሳሶ ኦዳ።

ሂዚቄላ ቲንቢቴ 27:2

«ሃይሶ ኣሳ ናዉ! ጺሮሲ ጊሻስ ዚላላ።

ሌዌታ ማጻፋ 18:25

ኢስታ ኦሶይ ቢታ ቱኒሲዳ ጊሻስ ታኒ ሄ ቢታዮ ኢዚ ናጋራ ጊሻስ ቃጻያዲስ፤ ቢታያካ ባ ጊዶን ዲዛ ኣሳ ኬሳ ጩታዱስ።

ሌዌታ ማጻፋ 18:28

ኢንቴ ሄሳ ኦኮ ቢታያ ካሴ ኢንቴፌ ሲንን ዲዛ ካዎቴታ ጩቲዳይሳ ኢንቴናካ ጩታና።

ሌዌታ ማጻፋ 20:22

« ‹ታ ኢንቴና ኢዚን ጌልና ካናኔ ቢታያ ኢንቴና ጩታ ዲጎንታ ማላ ኢንቴ ታ ኣዛዞታኔ ታ ዎጋታ ናጊቴኔ ፖሊቴ።

ሚኪያሳ ቲንቢቴ 2:10

ዴንዲዲ ሄሳፌ ኪቺቴ፤ ሄሲ ኢንቴስ ሼምፖሶ ጊዴና፤ ጋሶይካ ቱኒዴሲኔ ዳሮ ሞሬቲዴስ።

ሚኪያሳ ቲንቢቴ 2:4

ሄ ዎዴ ዴሬይ ኢንቴ ቦላ ሚጪ ካኣና፤ ኢንቴና ቂሼ፥ « ‹ኑ ሙሌራ ይዶስ፤ ታ ዳቦ ጋዴይ ሃራስ ጊሼቲዴስ፤ ታፔ ቦንቂ ኤኪዲ ኑ ቢታ ኑና ጾኒዳይታስ ጊሺዴስ› ጊ ዚላላና» ጊዴስ።

ዛሬ ማጻፋ 28:29

ጋላሳ ሴታን ኔኒ ቆቄይ ታታፌቲዛ ማላ ታታፌታና፤ ኔ ኦዛ ኡባይ ኔስ ጊጎንታ ኢጻና፤ ኔኒ ኔ ዴኦ ኡባን ኡንኤታሼኔ ቦንቄታሼ ዳና፤ ኔና ማዲዛ ኣሴካ ዴማካ።