ኤርማሳ ቲንቢቴ 7:9 - ጋሞ ማጻፋ

⁹ ጎዳይ፥ «ኢንቴ ካይሶቴታ፥ ኣስ ዎታ፥ ላይማቴታ፥ ዎርዶ ጫቂ ማርካቴታ፥ ባኣሌ ኤቃ ጾሳስ ያርሾ ያርሼታ፥ ሃይሳፌ ካሴ ኢንቴ ኤሮንታ ኤቃ ጾሳታስ ጎይኔታ።

Geeshsha Maxaafa

⁹ GODAY, «Intte kaysoteeta, as wodheeta, laymateeta, wordo caaqqi markkatteeta, Ba7aale eeqa xoossas yarsho yarsheeta, hayssafe kase intte erontta eeqa xoossatas goynneeta.

ኤርማሳ ቲንቢቴ 7:9 Iomraidhean Croise

1ካዎታ ማጻፋ 18:21

ኤላሲ ሺቂዳ ኣሳኮ ቢዲ፥ «ኢንቴ ኣይዴ ጋካናስ ናምኡ ቆፋን ዳኔ? ጎዳይ ጾሳ ጊዲኮ ኢዛ ካሊቴ! ዎይኮ ባኣሌይ ጾሳ ጊዲኮ ኢዛ ካሊቴ» ጊዴስ። ዴሬዚ ጊዲኮ ኢሲ ቃላካ ቃቲቤና።

ኬሳ ማጻፋ 20:3

«ታፔ ኣቲን ሃራ ኤቃ ጾሳታስ ጎይኖፋ።

ኢሳያሳ ቲንቢቴ 1:13

ሃይሳፌ ጉዬ ሃይሳ ሚሳቲዛ ሃዳ ያርሾ ናምኣን ሺሾፍቴ፤ ኢንቴ ጩዋሲዛ ኤጻኔይ ታና ሻቴስ፤ ኣጊና ጼሮን፥ ሳምባታ ጋላሳታኒኔ ኢንቴ ጎይኖስ ሺቂዛ ጋላሳታን ኢንቴ ቦንቺዛ ባኣሌቲ ኢታቴን ኩሚዳ ጊሻስ ታኒ ሄይታ ጌንጫ ኣናስ ዳንዳይኬ።

ኢሳያሳ ቲንቢቴ 58:2

ኢስቲ ታና ሃች ሃች ኮዬቴስ፤ ታ ኦጌዛ ኤራናስ ላሞቲዛ ሚሳቴቴስ። ሱሬ ሚሽ ኦዳ ካዎቴ ማላኔ ባ ጾሳ ኣዛዞ ዬጊ ኣጎንታ ዴሬ ማላ፥ ኢስቲ ታና ሱሬ ፒርዳ ኦይቼቴስ፤ ጾሲ ኢስታኮ ሺቃናይሳ ኢስቲ ዶሲዛ ሚሳቴስ» ጌስ።

ኤርማሳ ቲንቢቴ 1:16

«ዩሁዳ ኣሳይ ታና ኣጊዲ፥ ሃራ ኤቃ ጾሳታስ ኤጻኔ ጩዋሲዳ ጊሻስ፥ ባ ኩሼን ኦ ኬሲዳይታ ጎይኒዳ ጊሻስ ታ ዴራ ቦላ ፒርዳ ኣዋጃዲስ።

ኤርማሳ ቲንቢቴ 11:13

ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ኬና ጮራ። ቃሴ ባኣሌ ጌቴቲዛ ሄ ዬላቺዛ ጾሳስ ኤጻኔ ጩዋሳናስ ኢንቴ ኤሲዳ ያርሺዛሶሆቲ ዬሩሳላሜ ኦጌታ ኬና ጮራ› ጌስ።

ኤርማሳ ቲንቢቴ 11:17

«ኢስራኤሌ ኣሳቲኔ ዩሁዳ ኣሳቲ ባኣሌስ ኤጻኔ ጩዋሲዲ ታና ዪሎሲዳ ጊሻስ ኢንቴና ቶኪዳ ኡባፌ ዎልቃማ ጎዳይ ኢንቴ ቦላ ኢታ ሚሽ ኤሃናስ ኣዋጃዲስ» ጊዴስ።

ኤርማሳ ቲንቢቴ 13:10

ታ ቃላ ሲዮንታ ኢጺዲ፥ ባንታ ዎዚና ሙሜቴ ካሊዲ፥ ኤቃ ጾሳታስ ኦናሲኔ ጎይናናስ ቢዛ ሃ ኢታ ኣሳይ ሃይሳ ዳንጮዛ ማላ ሙሌካ ጎኦንታይሳ ጊዳና።

ኤርማሳ ቲንቢቴ 18:15

ታ ዴሬይ ጊዲኮ ታና ባሊዴስ፤ ኢስቲ ጎኦንታ ጾሳታስ ኤጻኔ ጩዋሴቴስ፤ ባንታ ኦጌራ ቢዲ ጴቲዳ፤ ቤኒ ኦጌፔ ካሬ ኬዚዳ፤ ባሴቶንታ ዲዛ ኩንዱኩርጮ ኦጌራ ቢዳ።

ኤርማሳ ቲንቢቴ 19:4

ጋሶይካ ኣሳይ ታና ኣጊዲ ሃይሳ ሃ ሶሆዛ ኤቃ ጎይኒዛሶሆ ኬሲዴስ፤ ኢስቲ ጊዲን ዎይኮ ካሴ ኢስታ ኣዋቲ፥ ዎይኮ ዩሁዳ ካዎቲ ኤሮንታ ኤቃ ጾሳታስ ያርሺዳ፤ ሃይሳ ሃ ሶሆዛን ጺሎ ሱ ጉሲዳ።

ኤርማሳ ቲንቢቴ 32:29

ካታማዮ ኦሊዛ ባቢሎኔቲ ዪዲ ካታማይ ጊዶ ጌላና፤ ኢዞካ ታማን ጹጋና፤ ታና ሃንቄናስ ኣሳይ ባንታ ኬ ፖቄ ፖቄ ቦላ ባኣሌስ ኤጻኔ ጩኣሲዳሶሆታኔ ኤቃ ጾሳታስ ኡሻ ያርሾ ሺሺዳ ኬታ ኡባ ኢስቲ ጹጋና» ጌስ።

ኤርማሳ ቲንቢቴ 44:3

ሄሲ ሃኒዳይ ኢስቲ ኦዳ ኢታ ኦሶ ጊሻሳ፤ ኢስታ ጊዲን፥ ኢንቴና ዎይኮ ኢንቴ ኣዋታ ጊዲን፥ ባ ኤሮንታ ሃራ ኤቃ ጾሳታስ ኤጻኔ ጩዋሴኒኔ ኢስታስ ጎይኖን ታና ሃንቄዳ።

ኤርማሳ ቲንቢቴ 44:8

ኢንቴ ዳናስ ጌሊዳ ሃ ጊብጼ ቢታን ሃራ ኤቃ ጾሳታስ ኤጻኔ ጩዋሴን ኢንቴ ኢንቴ ኩሼን ሜዳ ሚሻታን ታና ኣይስ ሃንቄቲ? ቢታ ቦላ ዲዛ ካዎቴታ ኡባ ጊዶን ቃንጌሲኔ ቂስ ማላታ ጊዳና ማላ ኢንቴርካ ኢንቴና ይሳና ኮዬቲ?

ኤርማሳ ቲንቢቴ 44:9

ካሴ ኢንቴ ኣዋቲ፥ ዩሁዳ ካዎቲኔ ኢስታ ማቼቲ፥ ቃሴ ኢንቴኒኔ ኢንቴ ማቼቲ ዩሁዳ ካታማታኒኔ ዬሩሳላሜ ኦጌታን ኦዳ ኢታቴ ኡባ ዶጊዴቲ?

ኤርማሳ ቲንቢቴ 48:35

ቃሶሆታ ቦላ ያርሺዛይታኔ ባንታ ኤቃ ጾሳታስ ኤጻኔ ጩዋሲዛይታ ታኒ ሞኣቤ ቢታፌ ይሳና።

ኤርማሳ ቲንቢቴ 5:2

ጊዶ ኣቲን ኢስታስ፥ ‹ጎዳይ ቤዪን› ጊ ጫቂኮካ ኢስቲ ቱማፔ ዎርዶ ጫቄቴስ» ጌስ።

ኤርማሳ ቲንቢቴ 5:7

ጎዳይ፥ «ታኒ ኢንቴ ናጋራ ኣይስ ኣቶ ጎ? ኢንቴ ናይቲ ታና ኣጊዳ፤ ኤቃ ጾሳታንካ ጫቂዳ፤ ታኒ ኢስታ ካልሳ ሚዛዲስ፤ ኢስቲ ጊዲኮ ላይማቲዳኔ ላይማ ኬ ቢዳ።

ኤርማሳ ቲንቢቴ 7:6

ቤቴ ዪዳ ኣሳታኔ ዪኦታ፥ ኣምኤታ ኢንቴ ቆሆንታ ኣጊኮ፥ ሃይሳ ሃ ቢታ ቦላ ጺሎ ሱ ጉሶንታ ኣጊኮ፥ ኢንቴና ቆሂዛ ኤቃ ጾሳታ ኢንቴ ካሎንታ ኣጊኮ፥

ሂዚቄላ ቲንቢቴ 18:18

ጊዶ ኣቲን ኢዛ ኣዋይ ኣሳ ማታ ናቂዳ ጊሻስ፥ ባ ኢሻፔ ዎልቃራ ቦንቂ ኤኪዳ ጊሻስ፥ ዴራ ጊዶን ቤሶንታ ሚሽ ኦዳ ጊሻስ ኢዚ ባ ናጋራን ሃይቃና።

ሂዚቄላ ቲንቢቴ 20:30

ሄሳ ጊሻስ፥ «ኡባ ሃሪዛ ጎዳይ ኢስራኤሌ ኣሳስ፥ ‹ኢንቴ ኣዋቲ ኦዳ ማላ ኢንቴኒካ ኢንቴናቴ ቱኒሴቲ? ቱኒዳ ኢስታ ኤቃ ሚስሌታ ኣሞቴን ኣይስ ጹጌቴቲ?

ሂዚቄላ ቲንቢቴ 23:39

ኢስቲ ባንታ ናይታ ኤቃ ጾሳታስ ያርሺዳ ጋላስ ታ ኬ ጌሊዲ ቱኒሲዳ። ኢስቲ ታ ኬን ሄሳ ማላ ኦዳ።

ሂዚቄላ ቲንቢቴ 5:11

ሄሳ ጊሻስ ኡባ ሃሪዛ ጎዳይ፥ ታኒ ዴኦ ጾሳ ጊዲዳይሳን ጫቃይስ፡ ኔኒ ታ ኬ ቱና ሚስሌታኒኔ ሃራሲዛ ኔ ኦሶ ኡባን ቱኒሲዳ ጊሻስ ታ ኔና ቡጫ ይሳና፤ ታ ኔና ቃታ ኣይፌን ጼሊኬኔ ማሪኬ።

ሆሴኤ ቲንቢቴ 2:13

ባኣሌ ጌቴቲዛ ኤቃ ጾሳስ ኤጻኔ ጩዋሳናሲኔ ሎኦ ጌጼ ዎዳ ኢዛ ባ ላጌታ ካላዳ ታና ኣጊዳ ጊሻስ ታ ኢዞ ቃጻያና።

ሆሴኤ ቲንቢቴ 6:9

ፓንጋቲ ኣሴ ዎናስ ዛማዲዛ ማላ ቄሴቲካ ዙፔቲዲ ሄሳ ኦቴስ። ጌዴ ሴኬሜ ኤፊዛ ኦጌ ቦላካ ናጊ ናጊ ኣስ ዎቴስ፤ ዬላቺዛ ኢታ ሚሽ ኦቴስ።

ኣሞጼ ቲንቢቴ 4:5

ኢንቴ ኦናስ ኮይዛይ ሄሳ ጊዲዳ ጊሻስ ኢርሾይ ኢዛን ዲዛ ኡኬ ጋላታ ያርሾ ሺሺቴ፤ ኢንቴ ሄሳ ኢንቴ ሼኔ ማላ ሺሺዛ ጊሻስ ኢዛን ጬቄቲቴ» ጌስ።

ሶፎናሳ ቲንቢቴ 1:5

ፎቄ ቦላ ኬዚዲ ሳሎ ሜቴታስ ጎይኒዛይታ፥ ጎዳስ ጎይኒሼኔ ኢዛ ሱንን ጫቂሼ ሲሚ ዎዲ ቃሴ ሚልኮሜ ሱንን ጫቂዛይታ፥

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ኦሮሜ ኣሳስ 2:2

ሃይታ ማላታ ኦዛ ኣሳታ ቦላ ጾሳ ፒርዳይ ሊኬ ጊዲዳይሳ ኑ ኤሮስ።

ዛሬ ማጻፋ 32:17

ሃይሳፌ ካሴ ባ ኤሮንታይታስ፥ ጾስ ጊዶንታ ዳይዳንታስ፥ ማታ ዎዴ ዪዳ ጾሳታስ፥ ቤኒ ኢስታ ኣዋቲ ኢስታስ ጎይኖንታ ኤቃታስ፥ ኢስቲ ያርሾ ሺሺዳ።

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

ዮሃኒሳ ኣጁታ 22:15

ካና ማላ ጮ ሆ ሆዛይቲ፥ ቢታ ቢቲዛይቲ፥ ላይማቲዛይቲ፥ ሼምፖ ዎዛይቲ፥ ኤቃስ ጎይኒዛይቲ፥ ዎርዶ ሲቂዛይቲኔ ዎርዶ ኦዛይቲ ዉሪካ ሄ ካታማይፔ ካሬን ኣታና።

ዳናታ ማጻፋ 5:8

ኢስራኤሌ ኣሳይ ኣላጋ ጾሳታ ዶሪዳ ዎዴ፥ ቢታን ኦላይ ዴንዲዴስ፤ ኦይዱ ታሙ ሺ ኢስራኤሌ ኦላንቻታ ጊዶን ኢሲ ጎንዳሌይ ዎይኮ ኢሲ ቶራይ ቤቲቤና።