ኤርማሳ ቲንቢቴ 7:20 - ጋሞ ማጻፋ

²⁰ ሄሳ ጊሻስ ኡባፌ ዎልቃማ ጎዳይ፥ «ታ ዪሎይኔ ታ ሃንቆይ ሃ ሶሆ ቦላ፥ ሜዶሳታ ቦላ፥ ጋዴን ዲዛ ሚ ቦላኔ ካ ቦላ ጉካና፤ ሂስቲዲ ኤጻና፤ ቶኣናስካ ዳንዳዬና» ጌስ።

Geeshsha Maxaafa

²⁰ Hessa gishshas Ubbaafe Wolqqama GODAY, «Ta yiilloynne ta hanqoy ha soho bolla, medosata bolla, gaden diza miththa bollanne kaththa bolla gukkana; histtidi eexxana; to7anaaska dandayenna» gees.

ኤርማሳ ቲንቢቴ 7:20 Iomraidhean Croise

2ካዎታ ማጻፋ 22:17

ኣሳይ ታና ኣጊዲ ሃራ ኤቃ ጾሳታስ ኤጻኔ ጩዋሲዳ ጊሻስ፥ ኢስቲ ባ ኩሼን ኦዳ ኤቃ ጾሳታን ታና ሃንቄዳ ጊሻስ ታ ሃንቆይ ሃይሳ ሃ ሶሆዛን ታማ ማላ ኤጺሼ ዴኣና ኣቲን ቶኤና› ጌስ ጊዲ ዮቲቴ።

ኢሳያሳ ቲንቢቴ 10:17

ኢስራኤሌ ፖኦይ ታማ ጊዳና፤ ጌሻዚካ ታማ ላጮ ጊዳና፤ ኢሲ ጋላሳን ኢዛ ኣጉንኔ ኪንዲቾዛ ታማይ ማና።

ኢሳያሳ ቲንቢቴ 42:25

ሄሳ ጊሻስ ኤጺዛ ባ ሃንቆዛ፥ ኢታ ኦላ ኢስታ ቦላ ዬዲዴስ፤ ታማ ላጮን ኢስታ ጊዶዴስ፤ ኢስቲ ጊዲኮ ሄሳ ኣኬኪቤቴና፤ ኢስታ ጹጊዴስ ሺን ኢስቲ ዎዚናን ዎቤቴና።

ኢሳያሳ ቲንቢቴ 66:24

ኢስቲ ኬዚዲ ታ ቦላ ማካሊዳ ኣሳታ ኣሃ ቤኣና። ኢስታ ሚዛ ጉጹኔይካ ሃይቄና፤ ኢስታ ሚዛ ታማይካ ቶኤና። ኢስቲ ኣሳ ዜሬ ኡባስ ሃራሲዛዝ ጊዳና» ጌስ።

ኤርማሳ ቲንቢቴ 11:16

ጎዳይ ኔና፥ ‹ዲጪዛ፥ ሎኦ ኣይፌ ኣይፊዛ ዎጋራ ሚ› ጊዲ ሱንዴስ። ጊዶ ኣቲን ኢዚ ዎልቃማ ጎቴ ጫርኮ ጊሪሳን ጹጋና፤ ኢዚ ሃጋቲካ ሜቄሬቲ ዎና።

ኤርማሳ ቲንቢቴ 12:4

ኢራይ ዪን ቢታይ ኣይዴ ጋካናስ ሜላኔ? ማታይካ ኣይዴ ጋካናስ ሜላኔ? ኣሳ ኢታቴፌ ዴንዲዳይሳን ሜዶሳቲኔ ካፎቲ ይዳ። ሄሳ ቦላካ ኣሳይ፥ «ጎዳይ ኑኒ ኦዛይሳ ዴሜና» ጌስ።

ኤርማሳ ቲንቢቴ 14:16

ቃሴ ኢስቲ ቲንቢቴ ዮቲዳ ዴሬይካ ኮሻኒኔ ኦላ ጋሶን ዬሩሳላሜ ዱቡሻታን ኩንዳና፤ ኢስታስ፥ ኢስታ ማቼታ፥ ኢስታ ኣቱማ ናይታኔ ማጫ ናይታ ኣሃ ሞጊዛይ ያና፤ ታኒ ኢስታ ሞሮ ማላ ኢስታ ቦላ ቂጻቴ ኤሃና» ጊዴስ።

ኤርማሳ ቲንቢቴ 17:27

ጊዶ ኣቲን ኢንቴ ሳምባታ ጋላሳታ ዱማሶንታ ኢጺዲ ሳምባታ ጋላስ ቶሆ ቶኪዲ ዬሩሳላሜ ፔንጌታራ ጌሊዲ ታ ኣዛዞ ሜንኮ ታኒ ዬሩሳላሜ ፔንጌታ ቦላ ኢዚ ሚጻታ ሚዛ ቶኦንታ ታማ ታ ኤና» ጊዴስ።

ኤርማሳ ቲንቢቴ 17:4

ኔ ሞሮ ጋሶን ታ ኔስ ኢሚዳ ጺንጾዛፔ ኔ ሜላ ኣታና፤ ኔና ታኒ ኔ ኤሮንታ ቢታን ኔ ሞርኬታስ ኣይሌሳና። ጋሶይካ ሜርናስ ታማ ማላ ኤጺዛ ታ ሃንቆዛ ኔ ዴንዳሳ» ጌስ።

ኤርማሳ ቲንቢቴ 18:23

ጊዶ ኣቲን ኣቤት ጎዳዉ! ኢስቲ ታና ዎናስ ማቄቲዳይሳ ኡባ ኔኒ ኤራሳ፤ ኔኒ ኢስታ ኢታቴ ኣቶ ጎፓ፥ ዎይኮ ኢስታ ናጋራ ኔ ሲንፌ ቁጮፋ፤ ኢስቲ ኔ ሲንን ጾኔቲዲ ኩንዴቶ፤ ኔ ሃንቆ ጋላስ ኔ ኢስታ ማሮፓ።

ኤርማሳ ቲንቢቴ 21:12

ኢንቴኖ ዳዊቴ ሶ ኣሳዉ! ኢንቴ ኦዳ ኢታ ኦሶ ጋሶን ኤጺን ኦኒካ ቶይሳና ዳንዳዮንታ ታማ ማላ ታ ሃንቆይ ኢንቴ ቦላ ኤጾንታ ማላ ዎንታን ዎንታን ሱሬ ፒርዲቴ፤ ቦንቄቲዳይታ ኡንኤዛይታ ኩሼፔ ኣሺቴ› ጌስ ጋ።

ኤርማሳ ቲንቢቴ 42:18

«ኡባፌ ዎልቃማ ጎዳ ኢስራኤሌ ጾሳይ፥ ‹ታ ሃንቆይኔ ቦሻይ ዬሩሳላሜን ዲዛይታ ቦላ ጉኪዳ ማላ ኢንቴ ጊብጼ ጌሊዛ ዎዴ ኢንቴ ቦላካ ጉካና፤ ኢንቴ ዳጋማስ፥ ቂስ፥ ቃንጌሲኔ ፓልቄስ ማላታ ጊዳንዴታ፤ ሃ ቢታ ዛሪ ቤኤኬታ› ጌስ።

ኤርማሳ ቲንቢቴ 44:6

ሄሳ ጊሻስ ዩሁዳ ካታማታ ቦላኔ ዬሩሳላሜ ኦጌታ ቦላ ታ ሃንቆይኔ ባሺ ዎዲ ታማ ማላ ኤጺዴስ፤ ሃች ኢንቴ ቤኢዛ ማላ ኦኒካ ዶንታ ማላ ላሌቲዳሶ ጊዲዴስ።

ኤርማሳ ቲንቢቴ 6:11

ሄሳ ጊሻስ ጎዳ ሃንቆይ ታናን ኩሚ ኡቲዴስ፤ ታኒ ሃ ሃንቆዛ ታ ኡሎን ኦይካና ዳንዳይኬ። ሂስቲን ጎዳይ ታና፥ «ታ ሃንቆዛ ኦጌን ዲዛ ጉ ናይታ ቦላኔ ሺቂዳ ዬላጋ ናይታ ቦላ ጉሳ፤ ማቻኔ ኣዚናይ፥ ጪሚዳ ኣሳቲካ ኬሲ ኤኪ ኣቴቴና።

ኤርማሳ ቲንቢቴ 6:12

ታኒ ሄ ቢታን ዲዛይታ ቦላ ታ ኩሼ ዬዲዛ ዎዴ ኢስታ ኬቲ፥ ኢስታ ጋዴቲኔ ኢስታ ማቼቲካ ኣቶንታ ኡባይ ሃራታስ ጊዳና» ጌስ።

ኤርማሳ ቲንቢቴ 8:13

ጎዳይ፥ «ኢስቲ ጎዪ ኬሲዳ ካ ኡባ ታ ኢስታፌ ኤካይቻና፤ ኢስታ ዎይኔ ቱራን ኣይፌይ ያና፤ ባላሴ ሚካ ኣይፌ ኢሜና፤ ኢስታ ቦንጮቲካ ቆካና፤ ታኒ ኢስታስ ኢሚዳይሲ ኢስታፌ ኤኬቲቻና» ጌስ።

ኤርማሳ ዚላስ 4:11

ጾሲ ባ ዎልቃማ ሃንቆዛ ቆንጪሲዴስ፤ ጺዮኖ ዲፒ ሂስቲ ይሲዛ ታማ ኦይሴዴስ።

ሂዚቄላ ቲንቢቴ 22:22

ቢራይ ታማ ጮጬን ሴሪዛ ማላ ኢንቴካ ካታማይ ጊዶን ሴራና። ታኒ ጎዳይ ታ ሃንቆ ኢንቴ ቦላ ጉሲዳይሳ ሄ ዎዴ ኢንቴ ኤራና› ጌስ» ጊዴስ።

ሂዚቄላ ቲንቢቴ 7:12

ዎዴዚ ጋኪዴስ፤ ጋላሳይካ ማቲዴስ! ሃንቆይ ዴሬ ኡባ ቦላ ጋኪዳ ጊሻስ ባይዚዛይ ጬጮፖ፤ ሻሚዛይካ ኡፋዬቶፎ።

ሂዚቄላ ቲንቢቴ 7:14

ታ ሃንቆይ ኣሳ ኡባ ቦላ ዪዳ ጊሻስ ኢስቲ ዛዬ ዛይኮኔ ኡባ ሚሽ ጊግሲኮ ኦላሶ ባናይ ኦኒካ ዴና።

ዳኔላ ቲንቢቴ 9:11

ኢስራኤሌ ኣሳይ ኡባይ ኔስ ኣዛዜቲቤና፤ ኔ ዎጋካ ኡባ ሜንዲ ካሬ ኬዚዴስ። «ኑኒ ኔና ቆሂዳ ጊሻስ ኔ ኦሳንቻዛ ሙሴ ዎጋን ጻፌቲዳ ጫቆዚኔ ቃንጌዚ ኑ ቦላ ጋኪዴስ።

ሌዌታ ማጻፋ 26:28

ታ ኢንቴ ቦላ ሃንቆን ዴንዳና፤ ኢንቴ ናጋራ ጊሻስ ታ ኢንቴና ላፑን ዳኮ ቃጻያና።

ናሆሜ ቲንቢቴ 1:6

ኢዛ ሃንቆራ ኤቄታና ዳንዳይዛይ ኦኔ? ኢዛ ሃንቆ ሚኖዛ ቶካና ዳንዳይዛይ ኦኔ? ኢዛ ሃንቆይ ታማ ማላ ኤጺዴስ፤ ዛላቲካ ኢዛ ሲንፌ ዛኢዳ።

ሶፎናሳ ቲንቢቴ 1:2

ጎዳይ፥ «ታኒ ቢታ ቦላ ዲዛዝ ኡባ ይሳና» ጌስ።

ሶፎናሳ ቲንቢቴ 1:3

ጎዳይ፥ «ኣሴኔ ሜዶሳታ ይሳና፤ ሳሎ ካፎታኔ ኣባ ጊዶን ዲዛ ሞሌታ ታ ይሳና፤ ታ ኣሳ ዜሬ ቢታ ቦላፌ ይሲዛ ዎዴ ኢታቲ ላሌቲዳ ቡራ ዶሬ ማላ ጊዳና» ጌስ።

ዛካራሳ ቲንቢቴ 7:12

ባ ዎዚና ዛላ ሹቻ ማላ ሚንዳ፤ ኡባፌ ዎልቃማ ጎዳይ ካሴ ናቤታ ባጋራ ባ ኣያናን ኪቲዳ ቃላ ዎይኮ ዎጋ ሲዮንታ ኢጺዳ፤ ሄሳ ጊሻስ ኡባፌ ዎልቃማ ጎዳይ ኢስታ ቦላ ኬሂ ሃንቄቲዴስ።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

Maatosa 3:12

ካ ሱራጊዛ ላይዳይ ኢዛ ኩሼን ዴስ፤ ኢዚካ ባ ካ ባሌዛ ፒቲ ጌሻና፤ ባ ጊስቴዛካ ዲኤን ቆላና፤ ሃፓ ጊዲኮ ቶኦንታ ታማን ጹጋና» ጊዴስ።

ዮሃኒሳ ኣጁታ 14:10

ጾሳ ሃንቆ ዎይኔ ጫጄዛ ኡያና፤ ሄሲካ ሄ ዎይኔ ጫጄዚ ሃራራ ዋላኬቶንታ ኢዛ ሃንቆ ጹኣፔ ዱቄቲዳይሳ፤ ሄሳካ ሃንኮ ጌሻ ኪታንቻታ ሲንኒኔ ዶርሳዛ ሲንን ታማኒኔ ዲኔ ታማን ጹጌታና።