ኤርማሳ ቲንቢቴ 7:18 - ጋሞ ማጻፋ

¹⁸ ‹ሳሎ ጎዳቴዮ› ጌቴቲዛ ጾሳይሲ ኡኬ ኡካናስ ማጫሳቲ ሌ ሙኑቄቴስ፤ ናይቲ ሚ ሚጼቴስ፤ ኣዋቲ ታማ ኤቴስ። ኢስቲ ታና ቆሃና ጊዲ ኡሻ ያርሾ ሃራ ጾሳታስ ያርሼቴስ።

Geeshsha Maxaafa

¹⁸ ‹Salo godatteyo› geetettiza xoossayssi uketh uukkanaas maccassati dhiille munuqeettes; Nayti mith mixeettes; aawati tama eeththeettes. Istti tana qohana giidi ushsha yarsho hara xoossatas yarsheettes.

ኤርማሳ ቲንቢቴ 7:18 Iomraidhean Croise

1ካዎታ ማጻፋ 14:9

ኔፔ ካሴ ሲንን ዲዛይቲ ኡባይ ኦዳ ኢታፔ ኣዛ ኢታ ኔኒ ኦዳሳ፤ ኔኒ ኔስ ቢራታፔ ሴሪሳዳ ኤቃ ጾሳታ ሜዳሳ። ታ ሃንቆ ዴንዳሳ፤ ሂስታዳ ታና ጉዬ ኦላዳሳ።

1ካዎታ ማጻፋ 16:2

«ታኒ ኔና ጉዱላፌ ዴንዳ ታ ዴራ ኢስራኤሌ ቦላ ካዎሳዲስ፤ ጊዶ ኣቲን ኔኒ ኢዮርባኣሜይ ቢዳ ኦጌራ ባዳ ታ ዴሬ ኢስራኤሌ ናጋራ ኦሲሳዳሳ፤ ሂስታዳ ታ ኢስታ ናጋራን ሃንቄታና ማላ ታና ዴንዳሳ።

ዬ ማጻፋ 16:4

ዎርዶ ጾሳታ ካሊዛይቲ ባንታ ቦላ ሜቶ ዳርሴቴስ። ጊዶ ኣቲን ታኒ ኤቃ ጾሳታስ ሹኪኬ፤ ኢስታስ ሱንካ ጼይጊኬ።

ኢሳያሳ ቲንቢቴ 3:8

ዬሩሳላሜይ ጋንዲጋራዉስ፤ ዩሁዳይካ ኩንዳና ማታዱስ፤ ጋሶይካ ኢስቲ ባንታ ሃሳያኒኔ ኦሶን ጎዳራ ኤቄቲሼ ኢዛ ቦንቾዛ ቶቼቴስ።

ኢሳያሳ ቲንቢቴ 57:6

ሃኔ ዙሌን ዲዛ ሊቆ ሹቻቲ ኔስ ኤቃ ጾሳታ፤ ኢስቲካ ኔ ቃዳታ፤ ቱሙካ ኔ ኢስታ ቦላ ኡሻ ያርሾ ጉሳዳሳ፤ ካ ያርሾካ ሺሻዳሳ፤ ሂስቲን ሃ ዮኦታ ጊሻስ ታ ጮኡ ጋኔ?

ኢሳያሳ ቲንቢቴ 65:11

ጊዶ ኣቲን ጎዳ ኣጊዳ ኢንቴስ፥ ታ ጌሻ ዙማ ዶጊዳ ኢንቴስ፥ ‹ታ ባሶ› ጌቴቲዛ ኤቃ ጾሳስ ሶሆ ጊጊሲዳ ኢንቴስ፥ ‹ጋዴ› ጌቴቲዛ ኤቃ ጾሳስ ዋላኬቲዳ ዎይኔ ኡሹ ዋንጫን ኩንዳ ኢንቴስ፥

ኢሳያሳ ቲንቢቴ 65:3

ኣታኪልቴሶሆን ያርሾ ያርሺዛይቲ፥ ኡርቃፌ ሜቲዳ ያርሾሶሆታ ቦላ ኤጻኔ ጩዋሲዛይቲ፥ ኡባ ዎዴ ታና ሃንቄዛ ዴሬታ።

ኤርማሳ ቲንቢቴ 1:16

«ዩሁዳ ኣሳይ ታና ኣጊዲ፥ ሃራ ኤቃ ጾሳታስ ኤጻኔ ጩዋሲዳ ጊሻስ፥ ባ ኩሼን ኦ ኬሲዳይታ ጎይኒዳ ጊሻስ ታ ዴራ ቦላ ፒርዳ ኣዋጃዲስ።

ኤርማሳ ቲንቢቴ 11:17

«ኢስራኤሌ ኣሳቲኔ ዩሁዳ ኣሳቲ ባኣሌስ ኤጻኔ ጩዋሲዲ ታና ዪሎሲዳ ጊሻስ ኢንቴና ቶኪዳ ኡባፌ ዎልቃማ ጎዳይ ኢንቴ ቦላ ኢታ ሚሽ ኤሃናስ ኣዋጃዲስ» ጊዴስ።

ኤርማሳ ቲንቢቴ 17:2

ኢስታስ ናይቲካ ኣቶንታ ጪሊላ ሚታ ጋርሳኒኔ ቃ ዙምቡላታ ቦላ ዲዛ ያርሾሶታኔ ኣሼሮ ጌቴቲዛ ኤቃ ሚስሌዮ ቆፔቴስ።

ኤርማሳ ቲንቢቴ 19:13

ባንታ ኬ ካራ ቦላ ሳሎ ሜቴታስ ኤጻኔ ጩዋሲዲኔ ኤቃ ጾሳታስ ኡሹ ሺሺዳይቲ ዬሩሳላሜ ኣሳ ኬቲኔ ዩሁዳ ካዎታ ኬቲ ቶፌቴ ማላ ቱናና› ጌስ።

ኤርማሳ ቲንቢቴ 25:7

ጎዳይ፥ «ኢንቴ ታና ሲዮንታ ኣጊዳ ጊሻስ ኢንቴ ኩሼይ ኦዳ ሚሽ ኡባን ታና ሃንቄዴታ፤ ሂስቲዲ ኢንቴ ቦላ ኢታ ሚሽ ኤሂዴታ» ጌስ።

ኤርማሳ ቲንቢቴ 32:29

ካታማዮ ኦሊዛ ባቢሎኔቲ ዪዲ ካታማይ ጊዶ ጌላና፤ ኢዞካ ታማን ጹጋና፤ ታና ሃንቄናስ ኣሳይ ባንታ ኬ ፖቄ ፖቄ ቦላ ባኣሌስ ኤጻኔ ጩኣሲዳሶሆታኔ ኤቃ ጾሳታስ ኡሻ ያርሾ ሺሺዳ ኬታ ኡባ ኢስቲ ጹጋና» ጌስ።

ኤርማሳ ቲንቢቴ 44:25

ኡባፌ ዎልቃማ ጎዳ ኢስራኤሌ ጾሳይ ኢንቴኒኔ ኢንቴ ማቼቲ፥ ‹ኑኒ ሳሎ ካዎይስ ኤጻኔ ጩዋሳናሲኔ ኡሻ ያርሾ ሺሻናስ ኑ ኣዲኒዳ ኣዲና ኣዳፌ ኑ ፖላና› ኢንቴ ጊዳ ቃላ ፖሊዴታ፤ ሂስቲኮ ጉዬ ጎፒቴ፤ ኢንቴ ኣዲኒዳ ቃላ ፖሊቴ።

ኤርማሳ ቲንቢቴ 44:4

ታኒካ ኢስታስ፥ ‹ሃይሳ ታና ሃራሲዛ ሚሽ ኦፍቴ!› ጋዳ ታስ ኦዛ ናቤታ ኢስታኮ ዛራ ዛራ ዬዳዲስ።

ኤርማሳ ቲንቢቴ 7:17

ኢስቲ ዩሁዳ ካታማታኒኔ ዬሩሳላሜ ኦጌታን ኣይ ኦዛኮ ኔ ቤኢኪ?

ኤርማሳ ዚላስ 5:13

ዬላጋ ኣቱማ ናይቲ ዎጻን ጋጫና ማላ ዎልቃዳ፤ ፓንቲ ዴጾ ሚ ቶኪዲ ጋዲጋዲዳ።

ሂዚቄላ ቲንቢቴ 16:26

ዚታ ኬዚዳ ኔ ሾሮ ጊብጼ ኣሳታራ ላይማታዳሳ፤ ቡቴፔ ዳሮ ኔ ላይማቴን ታና ሃንቄዳሳ።

ሂዚቄላ ቲንቢቴ 20:28

ታኒ ኢስታስ ኢማና ጫቂዳ ቢታ ኢስታ ኤሃ ጌልዳ ዎዴ ቁ ጊዳ ዙምቡላታ ኡባኔ ጪሊሎ ሚ ኡባታ ቤኢዳ፤ ሄን ባንታ ያርሾ ያርሺዳ፤ ባንታ ካ ያርሾ ሺሺዲ፥ ሳዎ ቱኑ ጊዛ ኤጻኔ ጩዋሲዲ፥ ኡሻ ያርሾካ ሺሺዲ ታ ሃንቆ ዴንዳ› ጌስ።

ሂዚቄላ ቲንቢቴ 8:16

ሄሳፌ ጉዬ ኢዚ ታና ጎዳ ኬስ ሶ ባጋ ዛጎ ኤፊዴስ፤ ሄሳን ጾሳ ኬ ፔንጌን ዳራንቻፌኔ ያርሺዛሶሆፔ ጊዶን ናምኡ ታማኔ ኢቻሽ ጊዲዛ ኣቱማሳቲ ዴቴስ፤ ኢስቲ ባንታ ዞኮ ጎዳ ኬኮ፥ ባንታ ኣይፌሶ ኣርሼይ ሞኪዛ ባጋ ዛሪዲ ኣርሼስ ጉፋኒ ጎይኔቴስ።

ሂዚቄላ ቲንቢቴ 8:17

ጎዳይ ታና፥ «ሃይሶ ኣሳ ናዉ! ሃይሳ ቤያይ? ዩሁዳ ኣሳይ ሃይሳን ኦዛ ሃራሲዛ ኤቃ ጾሳታስ ኢስቲ ጎይኒዛይሲ ላፋ ሚሼ? ኢስቲ ቢታ ማካላ ኦሶን ኩንዲ ዛሪ ዛሪዲ ታና ሃንቄናዉ ቤሲዜ? ሄኮ ኢስቲ ታና ኣይ ማላ ጫዪዛኮ ታና ሃንቄናስ ባስ ዳንዳዬቲዳ ኡባ ኢስቲ ኦዛይሳ ቤኣ።

1ቆሮንቶሴ ኣሳስ 10:22

ኑኒ ጎዳ ሃንቄኖ? ኑ ኢዛፔ ሚኒዞኒ?

ዛሬ ማጻፋ 32:16

ኢስቲ ኤቃ ጾሳታስ ጎይኒዲ ጾሳ ሚሺሲዳ፤ ባንታ ኢታ ኦሶንካ ኢዛ ሃንቄዳ።

ዛሬ ማጻፋ 32:21

ቱሙ ጊዶንታ ጾሳታን ታና ሚሺሲዳ፤ ጎኣይ ባይንዳ ባ ኤቃ ጾሳታን ታና ሃንቄዳ። ታኒካ ኢስታ ካቲዳ ካዎቴታ ኢስቲ ሚጌታና ማላ ኦና። ታ ኢስታ ኣኬኮንታ ዴሬታን ሃንቄና።

ዛሬ ማጻፋ 4:19

ቃሴ ሳሎ ፑዴ ጼሊዲ ኢንቴ ጎዳይ ኣሳ ኡባስ ኢሚዳ ኣርሼ፥ ኣጊና፥ ጾሊንቴኔ ሳሎ ሜታ ኡባ ቤኢዲ ኢንቴ ኢስታስ ጎይኒዲ ባሎንታ ማላ ናጌቲቴ።