ኤርማሳ ቲንቢቴ 6:7 - ጋሞ ማጻፋ

⁷ ኦላፌ ሃ ፑልቲዛ ማላ ኢዛካ ባ ኢታቴ ፑልቲሳዉስ፤ ማካላ ሚሺኔ ባሻ ሚሺ ኢዚ ጊዶን ሴቴቴስ፤ ኡባ ዎዴ ኢዚ ሳኮይኔ ማዱን ታስ ቤቴስ።

Geeshsha Maxaafa

⁷ Ollafe haaththi pulttiza mala izakka ba iitateththaa pulttisawus; Makkalla miishshinne bashsha miishshi izi giddon seetettees; ubba wode izi sakoynne madunththi taas beettees.

ኤርማሳ ቲንቢቴ 6:7 Iomraidhean Croise

ሌሚሶ ማጻፋ 4:23

ኡባፌካ ቦላራ ኔኒ ኔ ዎዚና ሚንዳ ናጋ፤ ኣይስ ጊኮ ዴኦይ ኢዛፔ ፑልቴስ።

ኢሳያሳ ቲንቢቴ 1:6

ሄሳ ጋሶን ሂርኪ ቶሆ ጹጉንፌ ቢዲ ሁኤ ኢስኬ ጋካናስ ፓጻቴ ኢንቴስ ባዋ። ማዱን፥ ኪጻኔ ኡዛስ ጻላ ጊዲዴስ። ሄ ማዱንይ ሜጬቲቤና፤ ቃሼቲቤና፤ ዛይቴንካ ሹጊቤና።

ኢሳያሳ ቲንቢቴ 57:20

ጊዶ ኣቲን ኢታቲ ዳምባላይ ኡርቃኔ ቡራ ኬሲዛ ማላ ጮኡ ጋናስ ዳንዳዮንታይሳ ማላ ቡላኬቲዛ ኣባ ማላ።

ኢሳያሳ ቲንቢቴ 59:6

ኢስታ ቃጪናይ ማይኦ ጊዴና፤ ኢስቲ ኦዳይሳን ባንታ ቦላ ካማና ዳንዳዬቴና፤ ኢስታ ኦሶይ ኢታ፤ ኢስታ ኩሼታን ማካላ ኦሶይ ኩሚዴስ።

ኤርማሳ ቲንቢቴ 20:8

ታኒ ሃሳይዛ ዎዴ ኡባን ዋሳይስ፤ «ሺሮኔ ባሽ» ጋ ኣዋጃይስ፤ ሄሳ ጊሻስ ጎዳ ቃላይ ታስ ኩሜ ጋላስ ታ ቦላ ጫሼኔ ቂ ኤሂዴስ።

ኤርማሳ ቲንቢቴ 30:12

ጎዳይ፥ «ኢንቴ ሜቆይ ኮሌቴና፤ ኢንቴ ማዱንይ ፓጼና።

ኤርማሳ ቲንቢቴ 30:13

ኢንቴ ጊሻስ ሞቴቲዛይ ዴና፤ ኢንቴ ማዱንስካ ሌይ ቤቴና፤ ኢንቴስ ፓጾይ ዴና።

ኤርማሳ ቲንቢቴ 30:15

ሌይ ባይንዳ ኢንቴ ሃርጌሲኔ ኢንቴ ማዱን ጊሻስ ኣይስ ዋሴቲ? ኢንቴ ሞሮይ ጊታኔ ኢንቴ ናጋራይ ዳሮ ጊዲዳ ጊሻስ ሃይታ ኡባ ታ ኢንቴ ቦላ ኦዲስ» ጌስ።

ኤርማሳ ቲንቢቴ 32:31

ሃና ካታማያ ኤቂዳሶፔ ሃች ጋካናስ ታኒ ኢዞ ታ ሲንፌ ይሳና ማላ ታ ሃንቆኔ ባሽ ዴንዱስ።

ኤርማሳ ቲንቢቴ 8:22

ጋላኣዴን ቲዪዛ ሌይ ዴኔ? ዎይኮ ሄን ኣኪሜይ ዴኔ? ሂስቲን ታ ዴራ ማዱን ኣይስ ፓጺቤኔ?

ሂዚቄላ ቲንቢቴ 21:29

ኔ ጊሻስ ቤኢዳ ዎርዶ ኣጁታይ፥ ኔስ ዮቴቲዳ ሙሬኖይ ዲኮካ፥ ኢስታስ ጌኔ ጹኣይ ኩሚሺን፥ ኢስታ ባሬይ ጋኪሺን ሲፌታና ቤሲዛ ኢታታ ቆ ቦላ ዎና።

ሂዚቄላ ቲንቢቴ 24:7

ኢዚ ጊዶን ኣሳ ሱ ዴስ፤ ዛላ ቦላ ቆንጬሶን ጉሳዱስ ኣቲን ቢታይ ካማናስ ዳንዳይዛ ጋዴን ጉሳቤኩ።

ሂዚቄላ ቲንቢቴ 45:9

« ‹ኡባ ሃሪዛ ጎዳይ፡ ኢንቴኖ ኢስራኤሌ ሃላቃቶ፥ ኢንቴስ ሃኢ ጊዳና! ኢንቴ ሻባርሲዛይሳኔ ኣሳ ኡንኤዛይሳ ኣጊቴ፤ ሱሬ ፒርዳኔ ጺሎቴ ኦቴ። ታ ኣሳ ኢስታ ላታ ቢታፌ ቃሊዲ ጎዲዛይሳ ኣጊቴ። ታኒ ኡባ ሃሪዛ ጎዳይ ሃይሳ ዮታይስ።

ሂዚቄላ ቲንቢቴ 7:11

ማካላይ ዲጫዳ ኢታቴ ሾጪዛ ጉፌ ጊዳዱስ፤ ኣሳፔ ኣይኮይካ ኣቴና፤ ኢስታ ጮራቴፌ፥ ኢስታ ኣቆታፔኔ ኢስታ ቦንቾፌ ኣይኮይካ ኣቴና።

ሂዚቄላ ቲንቢቴ 7:23

« ‹ሱሬ ፒርዳይ ዪን ቢታይ ሱ ጉኮን ኩሚዳ ጊሻስ፥ ካታማያካ ማካላ ኦሶን ኩሚዳ ጊሻስ ኔኒ ሳንሳላታ ጊጊሳ።

ሶፎናሳ ቲንቢቴ 3:1

ማካላንቻይሲኔ ቱኒዳሪስ፥ ኣስ ኡንኤዛይታ ካታማይስ ኣዬ ኣና!