ኤርማሳ ቲንቢቴ 6:19 - ጋሞ ማጻፋ

¹⁹ ቢታዬ ሲያ! ኢስቲ ታ ቃላ ሲዮንታ ኢጺዳ ጊሻሲኔ ታ ዎጋካ ካዳ ጊሻስ ታኒ ዴራ ቦላ ኢስታ ኢታ ቆፋ ማላ ባሽ ኤሃና።

Geeshsha Maxaafa

¹⁹ Biittayee siya! Istti ta qaala siyontta ixxida gishshassinne ta wogaakka kadhida gishshas tani deraa bolla istta iita qofaa mala bash ehana.

ኤርማሳ ቲንቢቴ 6:19 Iomraidhean Croise

ሌሚሶ ማጻፋ 15:26

ጎዳይ ኢታታ ቆፋ ሻቴቴስ፤ ጌሻታ ቆፋይ ጊዲኮ ኢዛ ኡፋይሴስ።

ሌሚሶ ማጻፋ 28:9

ዎጋ ሲያናፔ ባ ሃይ ዎራ ዛሪዛ ኣሳ ዎሳይ ጾሳ ሃራሴስ።

ኢሳያሳ ቲንቢቴ 1:2

ጎዳይ፥ «ሳሎቶ ሲዪቴ! ቢታዬ ኔካ ኤዝጋ ሲያ! ታኒ ናይታ ዬላዳ ዲቻ ጋን ኢስቲ ታ ቦላ ማካሊዳ።

ኢሳያሳ ቲንቢቴ 5:24

ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

ኢሳያሳ ቲንቢቴ 59:7

ኢስታ ቶሆቲ ናጋራኮ ዎጼቴስ፤ ጺሎ ሱ ጉሳናስ ኤሶቴቴስ፤ ኢስቲ ኢታ ቆፋ ቆፔቴስ። ባሺኔ ቆሆይ ኢስቲ ኣዳ ኦጌ ኡባስ ማላታ።

ኢሳያሳ ቲንቢቴ 66:18

«ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።

ኤርማሳ ቲንቢቴ 11:11

ሄሳ ጊሻስ ጎዳይ ኢስታስ፥ ‹ኢስቲ ባቃቲዲ ኣታናስ ዳንዳዮንታ ሜቶ ታ ኢስታ ቦላ ኤሃና። ኢስቲ ታኮ ዋሲኮካ ታ ሲዪኬ።

ኤርማሳ ቲንቢቴ 15:6

«ኔ ታና ኣጋዳሳ፤ ጉዬ ጉዬ ባሳ፤ ሄሳ ጊሻስ ታኒ ኔ ቦላ ታ ኩሼ ዴንዳ ኔና ይሳና፤ ሃይሳፌ ጉዬ ኔስ ቃቲኬ።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ኤርማሳ ቲንቢቴ 19:15

ኡባፌ ዎልቃማ ጎዳ ኢስራኤሌ ጾሳይ፥ ‹ሲዪቴ! ኢስቲ ባንታ ዎዚና ሹቻሲዲ ታ ቃላ ሲዮንታ ኢጺዳ ጊሻስ ታኒ ሃ ካታማ ቦላኔ ኢዛ ማታን ዲዛ ሞታ ኡባ ቦላ ኤሃና ጊዳ ኢታ ሚሽ ኡባ ኢስታ ቦላ ኤሃና ጋይስ› ጌስ» ጊዴስ።

ኤርማሳ ቲንቢቴ 19:3

‹ኢንቴኖ ዩሁዳ ካዎቶ! ዬሩሳላሜን ዲዛ ዴሬዞ! ጎዳ ቃላ ሲዪቴ! ኡባፌ ዎልቃማ ጎዳ ኢስራኤሌ ጾሳይ፡ ሲያናስ ሃይስ ኢቲዛ ሚሽ ሃ ቢታ ቦላ ታኒ ኤሃና።

ኤርማሳ ቲንቢቴ 21:14

ታኒ ኔና ኔ ኦሶ ማላ ቃጻያና፤ ታኒ ኔ ዎራን ታማ ዬዳና፤ ኢዛ ዩሾን ዲዛይሳካ ኡባ ጹጋና» ጌስ።

ኤርማሳ ቲንቢቴ 22:29

ሃኔ ቢታዬ፥ ሃኔ ቢታዬ! ጎዳ ቃላ ሲያ!

ኤርማሳ ቲንቢቴ 29:19

ጋሶይካ ታ ኦሳንቻ ናቤታ ቦላ ታኒ ኢስታስ ዛራ ዛራዳ ኪቲዳ ታ ቃላ ኢስቲ ሲዮንታ ኢጺዳ። ኢንቴካ ዲኤቲ ቢዳይቲ ሲዮንታ ኢጺዴታ› ጌስ።

ኤርማሳ ቲንቢቴ 4:14

ኔኖ ዬሩሳላሜ! ኔ ኣታና ኮይኮ ኔ ዎዚና ኢታቴ ሜጬታ፤ ኢታ ቆፋይ ኔ ዎዚናን ኣይዴ ጋካናስ ጋምኣኔ?

ኤርማሳ ቲንቢቴ 4:16

«ካዎቴታስ ዮቲቴ፤ ዬሩሳላሜስካ፥ ‹ዶዲ ኡንኤዛይቲ ሃሆ ቢታፌ ያና፤ ዩሁዳ ካታማታ ቦላካ ጬቄታና፤

ኤርማሳ ቲንቢቴ 4:4

ኢንቴኖ ዩሁዳ ኣሳቶ፥ ዬሩሳላሜን ዲዛይቶ! ጎዳስ ኢንቴ ቃጻሬቲቴ፤ ኢንቴ ዎዚና ኢታቴ ዲጊቴ፤ ሂስቶንታ ኣጊኮ ኢንቴ ኦዳ ኢታቴ ጊሻስ ታ ሃንቆይ ታማ ማላ ኤጺ ኬዛና፤ ኦኒካ ኢዛ ቶይሳናስ ዳንዳዬና» ጌስ።

ኤርማሳ ቲንቢቴ 49:37

ኢስታ ሼምፖ ዎና ኮይዛ ኢስታ ሞርኬታ ሲንን ታኒ ኤላሜ ያርኪያርኪሳና፤ ኢስታ ቦላ ባሽ ኤሃና፤ ሄሲካ ታ ኢስታ ቦላ ኤሃና ሃንቆ፤ ታኒ ኢስታ ሙሌራ ይሳና ጋካናስ ማሻን ዬዴና።

ኤርማሳ ቲንቢቴ 6:10

ታኒ ኦናስ ዮቶ? ኦና ሴሮ? ኦኒ ታ ጊዛዝ ሲያኔ? ሄኮ ኢስታ ሃይ ቱሌ ጊዲዳ ጊሻስ ኢስቲ ሲዬቴና፤ ጎዳ ቃላይ ኢስታስ ቂስ ኬዚዴስ፤ ኢስቲ ኢዛን ኡፋዬቴቴና።

ኤርማሳ ቲንቢቴ 6:18

ሄሳ ጊሻስ ካዎቴቶ፥ ሲዪቴ! ኢንቴኖ ማርካቶ! ኢስታ ቦላ ኣዚ ጋካናኮ ኣኬኪቴ።

ኤርማሳ ቲንቢቴ 8:5

ሂስቲን ሃይሲ ዴሬዚ ኣይስ ጉዬ ሲሚ ቢዜ? ዬሩሳላሜይ ኣይስ ኡባቶ ጉዬ ሲማዜ? ኢስቲ ጌኔ ኦሶ ሚን ኦይኪዳ፤ ሲማናስካ ኮዬቴና።

ኤርማሳ ቲንቢቴ 8:9

ኣ ኤራንቻቲ ዬላታና፤ ኢስቲ ካዉያናኔ ዎጺማዴን ኦይኬታና። ጎዳ ቃላራ ኢስቲ ኤቄቲቺን ኢስታስ ኣዛ ኤራቴ ዲዜ?

ዳኔላ ቲንቢቴ 9:11

ኢስራኤሌ ኣሳይ ኡባይ ኔስ ኣዛዜቲቤና፤ ኔ ዎጋካ ኡባ ሜንዲ ካሬ ኬዚዴስ። «ኑኒ ኔና ቆሂዳ ጊሻስ ኔ ኦሳንቻዛ ሙሴ ዎጋን ጻፌቲዳ ጫቆዚኔ ቃንጌዚ ኑ ቦላ ጋኪዴስ።

ሆሴኤ ቲንቢቴ 10:13

«ኢንቴ ጊዲኮ ኢንቴ ዎልቃኒኔ ኢንቴ ኦላ ቃራታ ዳሮቴን ኣማኔቲዲ ኢታቴ ዜሪዴታ፤ ናጋራ ሺሺዴታ፤ ዎርዶቴ ኣይፌ ሚዴታ።

ሆሴኤ ቲንቢቴ 4:6

ታ ዴሬዛስ ኤራቴ ፓጪዳ ጊሻስ ይዴስ። ኢንቴ ታና ኤራናስ ኮዮንታ ጊሻስ ታኒካ ኢንቴ ታስ ቄሴታ ጊዲ ኦና ማላ ኮይኬ። ኢንቴ ታ ዎጋ ባሌቲዳ ጊሻስ ታኒካ ኢንቴ ናይታ ባላና።

ኣሞጼ ቲንቢቴ 2:4

ጎዳይ ዩሁዳ፥ «ዩሁዳ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ታ ዎጋ ካዳ፤ ታ ኣዛዞታካ ናጎንታ ኢጺዳ፤ ካሴ ኢስታ ኣዋቲ ጎይኒዳ ኤቃ ጾሳታ ካሊዲ ኢስቲ ባሌቲዳ።

ሚኪያሳ ቲንቢቴ 1:2

ኢንቴኖ ዴሬቶ፤ ኢንቴ ዉሪካ ሲዪቴ! ሃ ቢታ ቦላ ዲዛይቲ ዉሪካ ሃ ኤዝጊ ሲዪቴ፤ ሳሎ ጎዳይ ባ ጌሻ ኬን ኡቲዲ ኢንቴ ኢታ ኦሶዛ ኢንቴ ቦላ ማርካቴስ።

ሚኪያሳ ቲንቢቴ 6:2

ዙማቶ! ጾሳ ሞቶ ሲዪቴ፤ ኢንቴኖ ቢታ ሚኖ ጻጶቶ ሲዪቴ፤ ጾሳስ ኣሳራ ፓላማይ ዴስ፤ ኢዚ ኢስራኤሌ ናይታራ ፒርዴቴስ።

ዮሃኒሳ ሚሺራቾ 12:48

ታና ኮዮንታዴኔ ታ ቃላ ኤኮንታዴ ቦላ ፒርዳናዴይ ዴስ፤ ታ ኢዛስ ዮቲዳ ቃላይ ዉርሴ ጋላስ ኢዛ ቦላ ፒርዳና።

ሃዋሬታ ኦሶ 8:22

ሃይሳ ኔ ኢታቴ ጊሻስ ሃኢ ኤሌ ማሮቴን ጌላ፤ ኔ ዎዚና ቆፋ ኔስ ኣቶ ጋናኮ ኔስ ጎዳ ዎሳ።

ዛሬ ማጻፋ 30:19

ታኒ ኢንቴ ሲንን ዴኦኔ ሃይቆ፥ ኣንጆኔ ቃንጌ ዎዳይሳስ ሃች ሳሎኔ ሳኣ ኢንቴ ቦላ ማርካሳይስ፤ ሄሳ ጊሻስ ኢንቴኒኔ ኢንቴ ዛሬቲ ዴኦን ዴኣና ማላ ዴኦ ዶሪቴ።

ዛሬ ማጻፋ 32:1

ሳሎቶ! ታኒ ዮቲዛይሳ ኤዝጊ ሲዪቴ፤ ሳኣዞ ታ ዶናፔ ኬዚዛ ቃላ ሲያ።

ዛሬ ማጻፋ 4:26

ኢንቴ ሄሳ ኦኮ ዮርዳኖሴ ሻፋ ፒኒዲ ላታና ቢታይን ዳሮ ላይ ጋምኦንታይሳኔ ኢንቴ ሙሌራ ያናይሳ ታኒ ሃች ኢንቴ ቦላ ሳሎኔ ሳኣ ማርካ ዎ ዮታይስ።

1ሳሜላ ማጻፋ 15:23

ማካላይ ማሮ ማላ ናጋራ፤ ኣጋ ኢጻይ ኤቃ ጾሳስ ጎይኖ ማላ ኢታ፤ ኔኒ ጎዳ ቃላ ካዳ ጊሻስ ኢዚካ ኔኒ ካዎ ጊዶንታ ማላ ኔና ካዴስ» ጊዴስ።

1ሳሜላ ማጻፋ 15:26

ጊዶ ኣቲን ሳሜሊ ኢዛስ፥ «ታ ኔናራ ሲማ ቢኬ፤ ኔኒ ጎዳ ቃላ ካዳሳ፤ ጎዳይካ ኔ ኢስራኤሌ ቦላ ካዎቶንታ ማላ ኔና ካዴስ» ጊዴስ።