ኤርማሳ ቲንቢቴ 6:16 - ጋሞ ማጻፋ

¹⁶ ጎዳይ፥ «ዳጋላ ኦጌ ቦላ ኤቂ ጼሊቴ፤ ቤኒ ኦጌዮ ኦይቺቴ፤ ሎኦ ኦጌይ ኣዋሪ? ኢዚራ ቢቴ፤ ኢንቴ ኢንቴ ሼምፖስ ሼምፖ ዴማና፤ ኢንቴ ጊዲኮ፥ ‹ኑ ኢዚራ ቦኮ!› ጊዴታ።

Geeshsha Maxaafa

¹⁶ GODAY, «Daggala oge bolla eqqi xeellite; beni ogeyo oychchite; Lo7o ogey awaarii? Izira biite; intte intte shemppos shemppo demmana; intte gidikko, ‹Nu izira bookko!› gideta.

ኤርማሳ ቲንቢቴ 6:16 Iomraidhean Croise

1ካዎታ ማጻፋ 8:36

ሂስታዳ ኔ ኣሽካራ ኢስራኤሌ ዴራ ናጋራ ኣቶ ጋ፤ ኢስቲ ሄሜታናስ ቤሲዛ ሎኦ ኦጌ ኢስታ ታማርሳ፤ ሄሳፌ ጉዬ ኔኒ ኔ ዴራ ላቲሲዳ ቢታን ኢራ ቡኪሳ።

2ታሪኬ ማጻፋ 19:11

ጎዳ ባጋ ዮኦ ኡባስ ኣዋቲዛይ ቄሴታ ሃላቃ ኣማሪያ፤ ቃሴ ካዎ ባጋ ዮኦ ኡባስ ኣዋቲዛይ ዩሁዳ ዛሬታ ሃላቃ ኢስማኤሌ ና ዛባዲያ። ሌዌቲ ኢንቴ ሲንን ማታይ ዲዛ ኣሳ ማላ ኦና። ኢንቴ ሚኒዲ ኦቴ፤ ሱሬ ሃኒዛይታራ ጎዳይ ኢሲፌ ጊዶ» ጊዲ ኣዛዚዴስ።

ዬ ማጻፋ 116:7

ታ ሼምፖዬ ኣኔ ዎፑ ጋ፤ ጎዳይ ኔስ ሎኦ ሚሽ ኦዴስ።

ኢሳያሳ ቲንቢቴ 2:5

ኢንቴኖ ያቆቤ ዛሬቶ! ሃ ዪቴ! ኣኔ ጎዳ ፖኦን ሲሜሬቶስ።

ኢሳያሳ ቲንቢቴ 28:12

ኢዚ ኢስታስ፥ «ሃና ሼምፖሶ፤ ዳቡርዳይ ሼምፖ፤ ሃና ሼምፖሶ» ጊዳይ ኦናሴ? ኢስቲ ጊዲኮ ሲያና ኮዪቤቴና።

ኢሳያሳ ቲንቢቴ 30:21

ኢንቴ ሃዲርስ ዎይኮ ኡሻች ጊኮ ኢንቴ ጉዬራ፥ «ኦጌዚ ሃይሳ፤ ኢዛራ ቢቴ» ጊዛይሳ ኢንቴ ሃይ ሲያና።

ኢሳያሳ ቲንቢቴ 46:9

ካሴ ቤኒ ዎዴ ሃኒዳ ዮኦታ ኣኬኪቴ፤ ታኒ ጾሳ፤ ታፔ ሃራይ ዴና፤ ታኒ ጾሳ፤ ታ ማላይ ኦኒካ ዴና።

ኢሳያሳ ቲንቢቴ 57:2

ሱሬቴን ቢዛይቲ ሳሮን ጌላና፤ ሃይቂዲካ ባ ሂን ሳሮን ሼምፓና።

ኢሳያሳ ቲንቢቴ 8:20

ዎጋኮኔ ማርካቴ ቃላኮ ቢቴ! ኢስቲ ሃይሳ ማላ ቃላ ኢንቴስ ዮቶንታ ኣጊኮ ዎንታ ፖኦይ ኢስታስ ፖኤና።

ኤርማሳ ቲንቢቴ 12:16

ካሴ ታ ኣሳ ባኣሌ ሱንን ጫቃና ማላ ታማርሶይሳካ፥ ‹ጎዳይ ቤኢን!› ጊዲ ታ ሱንን ጫቂኮ ኢስቲ ታ ኣሳ ጊዶን ጻጵዲ ዳና።

ኤርማሳ ቲንቢቴ 18:12

ጊዶ ኣቲን ኢስታስ፥ ‹ዳቡሮፓ፤ ኑ ሃልቺዳ ኦጌራ ባና፤ ኑኒ ኢሶይ ኢሶይ ኑ ኢታ ዎዚና ቆፋ ካላና› ጌቴስ» ጊዴስ።

ኤርማሳ ቲንቢቴ 18:15

ታ ዴሬይ ጊዲኮ ታና ባሊዴስ፤ ኢስቲ ጎኦንታ ጾሳታስ ኤጻኔ ጩዋሴቴስ፤ ባንታ ኦጌራ ቢዲ ጴቲዳ፤ ቤኒ ኦጌፔ ካሬ ኬዚዳ፤ ባሴቶንታ ዲዛ ኩንዱኩርጮ ኦጌራ ቢዳ።

ኤርማሳ ቲንቢቴ 2:25

ኔ ቶሆይ ኣርጋጫና ጋካናስ ዎጾፋ፤ ኔ ዶናይ ሳሞን ሜላና ጋካናስ ቶይላቶፋ፤ ኔ ጊዲኮ፥ «ጮ ዳቡሮፓ፤ ታኒ ኤቃ ጾሳታ ዶሳዲስ፤ ታኒ ኢስታ ካላና» ጋዳሳ።

ኤርማሳ ቲንቢቴ 22:21

ኔኒ ሳሮ ዲሺን ታ ኔስ ሚን ዮታዲስ፤ ጊዶ ኣቲን ኔኒ፥ ‹ሲዪኬ› ጋዳሳ። ዬላጋቴፌ ዶሚን ኔ ኦጌይ ሃይሳ፤ ኔኒ ታስ ኣዛዜቶንታ ኢጻዳሳ።

ኤርማሳ ቲንቢቴ 31:21

ጎዳይ፥ «ኦጌን ማላታ ኤሳ፤ ቢዛሶ ቤሲዛ ማላታ ቶካ፤ ኔ ባና ዎጋ ኦጌዛ ኣኬካ፤ ጌላኦዬ ኢስራኤሌ ሲማ፤ ሂስታዳ ኔ ካታማታ ጌላ።

ኤርማሳ ቲንቢቴ 42:3

ኑኒ ቢዛ ኦጌኔ ኑ ኦና ሚሽ ኢዚ ኑና ቤሳና ማላ ጎዳ ኔ ጾሳ ዎሳ» ጊዳ።

ኤርማሳ ቲንቢቴ 44:16

«ኔኒ ጎዳ ሱንን ኑስ ዮቲዛይሳ ኡባ ኑኒ ሲዮኮ።

ኤርማሳ ቲንቢቴ 50:5

ኢስቲ ጺዮኔ ኤፊዛ ኦጌ ኦይቻና፤ ባንታ ሲን ሄ ዛራና፤ ዪዲ ሙሌራ ዶጌቶንታ ሜርና ጫቆ ቃላን ጎዳራ ኦይኬታና።

ኤርማሳ ቲንቢቴ 7:23

ጊዶ ኣቲን ታኒ ኢስታስ፥ ‹ታስ ኣዛዜቲቴ፤ ሂስቲኮ ታኒ ኢንቴ ጾሳ ጊዳና፤ ኢንቴካ ታ ዴሬ ጊዳና፤ ኢንቴስ ሎኣና ማላ ታኒ ኢንቴና ኣዛዚዛ ኦጌ ኡባራ ቢቴ› ጋዳ ኣዛዛዲስ።

ኤርማሳ ቲንቢቴ 7:24

ኢስቲ ጊዲኮ ታ ጊዛዝ ሲዪቤቴና፤ ዎዚናን ዎ ሲያናስካ ኮዪቤቴና፤ ኢስቲ ባንታ ኢታ ዎዚና ቆፋ ሚን ካሊዳ፤ ኢስቲ ሲን ቡስ ኣጊዲ ጉዬ ጉዬ ቢዳ።

ኤርማሳ ቲንቢቴ 7:3

ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ኦጌኔ ኢንቴ ኦሶ ሎኤቴ፤ ኢንቴ ሂስቲኮ ታ ኢንቴና ሃይሳን ዳና ማላ ኦና› ጌስ።

ሚልካሳ ቲንቢቴ 4:4

«ኢስራኤሌ ናይቲ ኡባይ ኣዛዜታና ማላ ታኒ ታ ኦሳንቻ ሙሴ ባጋራ ኮሬቤ ዙማ ቦላ ታ ኢሚዳ ዎጋኔ ኣዛዞታ ቆፒቴ» ጌስ ኡባፌ ዎልቃማ ጎዳ ጾሳይ።

ሉቃሳ ሚሺራቾ 16:29

«ኣብራሃሜይ ኢዛስ ዛሪዲ፥ ‹ሙሴይኔ ናቤቲ ሄን ኢስታ ኣቻን ዲዛ ጊሻስ ኢስታፌ ሲዬቶ› ጊዴስ።

ዮሃኒሳ ሚሺራቾ 12:35

ዬሱሲ ኢስታስ፥ «ሃኢ ጉ ዎዴስ ኢንቴናራ ፖኦይ ዴስ፤ ጋዴይ ሞንታ ፖኦራ ሄሜቲቴ፤ ቃማራ ሄሜቲዛዴይ ኢዚ ኣዋ ቢዛኮ ኤሬና።

ዮሃኒሳ ሚሺራቾ 13:17

ኢንቴ ሃይሳ ኤሪዲ ኦሶን ፔይሺኮ ኢንቴ ኣንጄቲዳይታ።

ዮሃኒሳ ሚሺራቾ 5:39

ኢንቴስ ጌሻ ማጻፋታፔ ሜርና ዴኦ ዴማናስ ሚሳቲን ማጻፋታ ፒልጌታ፤ ማጻፋቲካ ታ ጊሻስ ማርካቴቴስ።

ሃዋሬታ ኦሶ 17:11

ቤሪያ ኣሳይ ታሶሎንቄ ኣሳፔ ኣዲ ኣኬካራ ዲዛ ኣሳ። ጋሶይካ ሃይሲ ዮኦዚ ቱሜሻ? ጊ ጊዲ ጌሻ ማጻፋታ ቃላ ዎንቲን ዎንቲን ፒልጊ ጼሊዲ ኡፋይሳን ኤኪዴስ።

ኦሮሜ ኣሳስ 4:12

ኢዚ ቃጻሬቲዳይታስካ ኣዋ፤ ቃጻሬቲዳይታስ ጻላላ ጊዶንታ ኑ ኣዋ ኣብራሃሜይ ካሴ ቃጻሬታናፔ ሲን ኢዛስ ዲዛ ኣማኖ ጌዶ ካሊዛይታስ ኡባሳ።

ዛሬ ማጻፋ 32:7

«ካሴ ቤኒ ዎዴዛ ዩሺ ቆፒቴ፤ ዳሮ ዬሌታታ ላይካ ኣኬኪቴ፤ ኢንቴ ኣዋታ ኦይቺቴ፤ ኢስቲ ኢንቴስ ዮታና፤ ካሴ ጪማታካ ኦይቺቴ፤ ኢስቲ ኢንቴስ ቆንጪሲ ዮታና።

ቆላሲያሴ ኣሳስ 2:6

ሄሳ ጊሻስ ኢንቴ ጎዳ ዬሱስ ኪርስቶሳ ኣማኒዳ ማላ ኢዛን ዴኢቴ።

Ibirawe 11:2

ካሴ ኣዋቲ ጋላቴቲዳይ ሄሳ ማላ ኣማኖና።

Ibirawe 6:12

ኣማኖኒኔ ዳንዳያን ኢንቴ ኢዛ ሂዶታ ቃላ ላቲዛይታ ሚሳታናፔ ኣቲን ዶታኣታ ጊዳናይሳ ኑ ኮዮኮ።

ዳናታ ማጻፋ 2:17

ጊዶ ኣቲን ኢስራኤሌ ኣሳይ ኢስታስ ፒርዲዛ ዳናታስ ኣዛዜቲቤና፤ ኢስቲ ጎዳስ ኣማኔቶንታ ኢጺዳ፤ ኤቃ ጾሳታኮ ሲሚዲ ኢስታስ ጎይኒዳ፤ ካሴ ባንታ ኣዋታ ኦጌፔ ካሬ ኬዚዳ፤ ኢስታ ኣዋቲ ጎዳስ ኣዛዜቲዳ ማላ ኢስቲ ኣዛዜቲቤቴና።