ኤርማሳ ቲንቢቴ 50:7 - ጋሞ ማጻፋ

⁷ ዴሚዳ ኡባይ ኢስታ ቆሄስ፤ ኢስታ ሞርኬቲ፥ ‹ኑ ቦላ ሞሮይ ባ፤ ሃይሲ ሜቶይ ኢስታ ጋኪዳይ ባንታ ኣዋታስ ሂዶታ ጊዲዳ ጎዳ፥ ቱማፔ ኢስታስ ዱሳሶ ጊዲዳ ጎዳ ቆሂዳ ጊሻሳ› ጊዳ።

Geeshsha Maxaafa

⁷ Demmida ubbay istta qohees; istta morkketi, ‹Nu bolla mooroy baa; hayssi metoy istta gakkiday bantta aawatas hidota gidida GODAA, tumappe isttas duussaso gidida GODAA qohida gishshassa› gida.

ኤርማሳ ቲንቢቴ 50:7 Iomraidhean Croise

ዬ ማጻፋ 71:5

ኣቤት ኡባ ሃሪዛ ጎዳዉ! ታ ሂዶታይ ኔና፤ ዬላጋቴ ዎዴፔ ዶማዳ ታ ኣማኔቲዛይ ኔና።

ዬ ማጻፋ 79:7

ኣይስ ጊኮ ኢስቲ ያቆቤ ዜሬታ ዎዳኔ ኢስቲ ዴኢዛሶዚካ ሙሌራ ይሲዳ።

ዬ ማጻፋ 90:1

ጎዳዉ! ኔኒ ኑስ ዬሌታፔ ዬሌታ ጋካናስ ሺቂ ኣቲዛሶ ጊዳዳሳ።

ዬ ማጻፋ 91:1

ኡባፌ ቃ ጎዳን ዜምፒ ዴኢዛይ፥ ኡባ ዳንዳይዛ ጾሳ ኩዋን ኣቄስ።

ኢሳያሳ ቲንቢቴ 47:6

ታኒ ታ ዴራ ሃንቄታዲስ፤ ታኒ ጺንጾዛካ ቱኒሳዲስ፤ ታኒ ኢስታ ኔ ኩሼን ኣ ኢማዲስ። ኔኒ ጊዲኮ ኢስታስ ቃታቤካ፤ ጪሚዳይታ ቦላካ ኬሂ ዴጾ ቃምባራ ዎዳሳ።

ኢሳያሳ ቲንቢቴ 56:9

ኢንቴኖ ዶኣቶ፥ ኢንቴኖ ዎራ ዶኣቶ ኡባይካ ሃ ዪቴ፤ ኢንቴ ኣቻራካ ፑዜሬቴ።

ኢሳያሳ ቲንቢቴ 9:12

ኣርሼይ ሞኪዛ ባጋፌ ኣራሜ ቢታ ኣሳቲኔ ኣርሼይ ዉሊዛ ባጋፌ ፊሊስጼሜ ቢታ ኣሳቲ ባንታ ዶና ሃንጊዲ ኢስራኤሌ ሚታና። ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኤርማሳ ቲንቢቴ 10:25

ያቆቤ ሙሌራ ሚ ሚቲዳይታ ቦላኔ ኔ ሱን ጼይጎንታ ኣሳታ ቦላ ጉሳ። ኢዛ ዱሳሶካ ካይዚሲዳ ጊሻስ ኔኒ ኔ ሃንቆዛ ኔና ኤሮንታ ዴሬታ ቦላኔ ኔ ሱን ጼይጎንታ ካዎቴታ ቦላ ጉሳ።

ኤርማሳ ቲንቢቴ 14:8

ኣቤት ኢስራኤሌ ሂዶታዉ! ሜቶ ዎዴ ኣሺዛይሶ! ኔኒ ቢታን ኢማ ማላ፥ ኢሲ ኦማርስ ኣቂዲ ቢዛ ኦጌ ኣሳ ማላ ኣይስ ሃናይ?

ኤርማሳ ቲንቢቴ 17:13

ኢስራኤሌስ ሂዶታ ጊዲዳ ጎዳዉ! ኔና ኣጊ ቢዳ ኡባይ ዬላታና፤ ኔና ዴኦ ሃ ፑልቶ ጊዲዳ ጎዳ ኣጊዳ ጊሻስ ባ ኣይፌሶ ኔፔ ሃራሶ ዛሪዛይቲ ጉዱላ ቦላ ጻፌቲዳይሳ ማላ ጊዳና።

ኤርማሳ ቲንቢቴ 2:3

ሄ ዎዴ ኢስራኤሌይ ጎዳስ ጌሻ፥ ኮይሮ ሺሺዛ ጼራ ካ ማላ፤ ኢዞ ሚቲዳይቲ ሞራንቻ ጊዲዳ፤ ኢስታ ቦላ ባሺ ዪዴስ› » ጌስ።

ኤርማሳ ቲንቢቴ 31:23

ኡባፌ ዎልቃማ ጎዳ ኢስራኤሌ ጾሳይ፥ «ታኒ ኢስታፌ ዲኤቲዳ ሚሻ ታ ኢስታስ ዛሪዛ ዎዴ ኢስቲ ዩሁዳ ቢታኒኔ ኢዚ ካታማታን፥ ‹ኔኖ ጺሎቴ ኣቂዛ ጌሻ ዙማዞ! ጎዳይ ኔና ኣንጆ!› ጊዛ ቃላ ዛሪ ጎኤታና።

ኤርማሳ ቲንቢቴ 33:15

«ሄ ጋላሳታኒኔ ሄ ዎዴታን ታኒ ዳዊቴ ዛሬፔ ኢሲ ጺሎ ሃጋ ኣጪሳና፤ ኢዚ ሄ ቢታን ሱሬ ፒርዳኔ ጺሎቴ ኦና።

ኤርማሳ ቲንቢቴ 33:16

ሄ ዎዴ ዩሁዳ ኣሳይ ኣታና፤ ዬሩሳላሜ ኣሳይካ ሳሮን ዳና፤ ኢዛካ፥ ‹ጎዳይ ኑስ ጺሎቴ› ጋና።

ኤርማሳ ቲንቢቴ 5:17

ኢስቲ ኢንቴ ካኔ ቁማ ፒቲ ማና። ኢንቴ ኣቱማ ናይታኔ ማጫ ናይታ ዎና። ኢንቴ ዶርሳኔ ሚዛ ቦንቂዲ ማና። ኢንቴ ዎይኔ ቴራኔ ባላሴ ቴራ ቦንቂዲ ማና። ኢንቴ ኣማኔቲዛ ጊምቤቲዳ ካታማታካ ኢስቲ ባንታ ማሻን ይሳና» ጌስ።

ኤርማሳ ቲንቢቴ 50:14

«ኢንቴኖ ዪሻን ዱኪዛይቶ! ባቢሎኔ ኦላናስ ኢዚ ዩሾን ሳልፍቴ፤ ናጋራ ኦዳ ጊሻስ ኢንቴ ዪሽ ኢሲኖካ ኣሾንታ ኢዚ ቦላ ዬዲቴ።

ኤርማሳ ቲንቢቴ 50:17

«ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤ ኮይሮ ኣሶሬ ካዎይ ፑዜሬ ሚዴስ፤ ጉዬፔ ባቢሎኔ ካዎ ናቡካዳናጾሬይ ሜቄ ጊዴስ» ጌስ ጎዳይ።

ኤርማሳ ቲንቢቴ 50:33

ጎዳይ ኡባፌ ዎልቃማ ጾሳይ፥ «ኢስራኤሌ ኣሳይኔ ዩሁዳ ኣሳይ ኢሲ ቦላ ቆሄቲዴስ፤ ዲኢዳይቲ ኡባይ ኢስታ ሚን ኦይኪዳ፤ ኢስታ ዬዳናስ ኢጺዳ።

ሂዚቄላ ቲንቢቴ 34:5

ዉዴቲ ሄንንቻይ ባይንዳ ጊሻስ ላሌቲዳ፤ ላሌቲዳይቲ ዎራ ዶኣታስ ቁማ ጊዲዳ።

ሂዚቄላ ቲንቢቴ 35:12

ሄሳፌ ጉዬ ኢስራኤሌ ዙማታ ጊሻስ ኔኒ፥ ‹ኢስቲ ኣሲ ባይንዳሶ ጊዲዳ፤ ኑ ኢስታ ማና ማላ ኑስ ኢሜቲዳ› ጋዳ ኔ ካን ዮቲዳይሳ ታኒ ጎዳይ ሲዪዳይሳ ኔኒ ሄ ዎዴ ኤራና።

ዳኔላ ቲንቢቴ 9:16

ኣቤት ጎዳዉ! ኔኒ ካሴ ኦዳ ጺሎ ኦሶዛ ጊሻስ ጋዳ ኔ ካታማ ዬሩሳላሜፔ፥ ኔ ጌሻ ዙማፔ ኔ ሃንቆዛ ዛራ፤ ኑ ናጋራኔ ኑ ኣዋታ ቆሆ ጋሶን ዬሩሳላሜይኔ ኔ ዴሬይ ኑ ዩሾን ዲዛ ዴራ ጊዶን ቂስ ኣቲዶስ።

ዳኔላ ቲንቢቴ 9:6

ኑኒ ኑ ካዎታስ፥ ኑና ኣይሲዛይታስ፥ ቤኒ ኑ ኣዋታሲኔ ሄ ቢታይ ቦላ ዲዛ ዴሬ ኡባስ ኔ ሱንን ዮቲዳ ናቤ ጊዲዳ ኔ ኦሳንቻታ ሲዪቤኮ።

ዛካራሳ ቲንቢቴ 1:15

ጊዶ ኣቲን ሳሮቴ ዴሚዲ ዎፓን ዲዛ ካዎቴታ ኬሃ ሃንቄታዲስ፤ ሄሳስ ጋሶይካ ታኒ ታ ዴሬዛ ቦላ ጉራ ሃንቄቲን ካዎቴቲ ታ ቆፋፔ ቦላራ ታ ዴራ ቆሂዳ› ጊዴስ።

ዛካራሳ ቲንቢቴ 11:5

ኢስታ ሻሚ ሹኪዳይቲ ቃጻዬቴቴና፤ ኢስታ ባይዚዳይቲ፥ ‹ጎዳይ ጋላቴቶ፤ ኑ ዱሬቲዶስ› ጌቴስ። ኢስታ ሄሚዛይቲካ ኢስታስ ቃቴቴና።

1ጺምቶሳስ 1:1

ኑና ኣሺዳ ጾሳን፥ ኑስ ሂዶታ ጊዲዳ ዬሱስ ኪርስቶሳ ኣዛዞን ሃዋሬ ጊዲዳ ጳዉሎሳፔ