ኤርማሳ ቲንቢቴ 50:2 - ጋሞ ማጻፋ

² «ካዎቴታ ኡባ ጊዶን ኣዋጂቴ! ባንዲራ ቁ ሂስቲ ኦይኪዲ ኣዋጂቴ! ኣይኮካ ኣሾንታ ዲሼ፥ ‹ሄኮ ባቢሎኔይ ኦይኬታና፤ ቤሌይ ካዉያና፤ ማርዱኬይ ሺሮን ኩማና፤ ኢዚ ኤቃ ጾሳቲ ካዉያና፤ ኢዚ ኤቃ ሚስሌቲ ሜቄሬታና› ጊቴ።

Geeshsha Maxaafa

² «Kawoteththata ubbaa giddon awajjite! Bandira dhoqqu histti oykkidi awajjite! Aykkoka ashshontta dishe, ‹Hekko Baabilooney oykettana; Beeley kawuyana; Mardukey shiron kumana; izi eeqa xoossati kawuyana; izi eeqa misleti meqerettana› giite.

ኤርማሳ ቲንቢቴ 50:2 Iomraidhean Croise

ዬ ማጻፋ 64:9

ሄ ዎዴ ኣሳይ ኡባይ ጾሳስ ያያና፤ ጾሳ ኦሶ ቆንጬን ዮታና፤ ኢዚ ኦዳይሳካ ዩሺ ቆፓና።

ዬ ማጻፋ 96:3

ካዎቴታ ጊዶን ኢዛ ቦንቾ ቆንጪሲቴ፤ ኣሳ ኡባ ጊዶን ማላሊሲዛ ኢዛ ኦሶ ኣዋጂቴ።

ዬ ማጻፋ 97:7

ሚስሌታስ ጎይኒዛይቲኔ ኤቃ ጾሳታን ጬቄቲዛይቲ ኡባይ ዬላቴቶ! ኤቃ ጾሳቲ ኡባይ ጎዳስ ጉልባቴቶ!

ኢሳያሳ ቲንቢቴ 12:4

ሄ ዎዴ ኢንቴ ጎዳ ጋላቲቴ! ኢዛ ሱንካ ጼይጊቴ። ኢዚ ኦዳይሳ ካዎቴታ ጊዶን ኤሪሲቴ። ኢዛ ሱንይ ቁ ቁ ጊዳይሳ ኣዋጂቴ።

ኢሳያሳ ቲንቢቴ 13:2

ኣይኮይ ባይንዳ ሜላ ዲዛ ዙምቡላ ቦላ ማላታ ኤሲቴ፤ ኢንቴ ቃላ ቁ ሂስቲ ዋሲቴ፤ ኢስታ ሹሜታ ፔንጌራ ጌላና ማላ ማላታ ቤሲቴ።

ኢሳያሳ ቲንቢቴ 21:9

ቤኢቴ፥ ኢሲ ኣሲ ፓራታን ጎሼቲዛ ፓራ-ጋሬታን ዪዴስ፤ ሂስቲዲ፥ ‹ባቢሎኔይ ኩንዳዱስ! ኩንዳዱስ! ኢዚ ኤቃ ጾሳ ሚስሌቲካ ሜቄሬቲ ጋዴን ኩንዲዳ› ጊ ዛሪዴስ» ጊ ዋሲዴስ።

ኢሳያሳ ቲንቢቴ 37:19

ኢስታ ጾሳታ ታማን ጹጊዳ፤ ኢስታ ጾሳቲ ዎኒካ ሚፌኔ ሹቻፌ ኣሳ ኩሼን ማሴቲ ኬዚዳ ሚስሌፔ ኣቲን ጾሳታ ጊዴቴና።

ኢሳያሳ ቲንቢቴ 39:1

ሄ ዎዴ ባቢሎኔ ካዎይ ባሊዳኔ ና፥ ማሮዶኬ-ባልዳኔይ ሂዝቂያሲ ሃርጊ ፓጺዳ ጊሻስ ዳብዳቤኔ ኢሞታ ኢዛስ ዬዲዴስ።

ኢሳያሳ ቲንቢቴ 46:1

ቤሌይ ካዉዪዴስ፤ ኔቦይ ኬሂ ጉጺዴስ፤ ኢስታ ኤቃ ጾሳቲ ጫና ሜሄታን ጫኔቲዳ፤ ኢስቲ ኦይኪ ዩዪዛ ሚስሌቲ ቶሆ፤ ዳቡርዳ ሜዶሳታስ ዴጾ ባኦ።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 48:6

«ሃይታ ሃ ዮኦታ ኔ ሲያዳሳ፤ ኣኔ ኡባካ ጼላ፤ ኢስቲ ሊኬ ጊዲዳይሳ ኔኒ ኔ ሁኤራ ማርካቲኪ? ሃኢፔ ዶማዳ ኦራ ሚሻታ፥ ኔፔ ጌሚዳይታኔ ኔ ኤሮንታ ዮኦታ ታ ኔስ ዮታና።

ኤርማሳ ቲንቢቴ 10:11

ጎዳይ፥ «ኢንቴካ፥ ‹ሄይቲ ሳሎኔ ሳኣ ሜንታ ጾሳቲ ሳኣፔኔ ሳሎ ጋርሳፌ ያና› ጌታ» ጌስ።

ኤርማሳ ቲንቢቴ 10:15

ኢስቲ ጮ ቂስ ሜቲዳ ሚሻ። ፒርዳይ ኢስታ ቦላ ጋኪዛ ዎዴ ኢስቲ ያና።

ኤርማሳ ቲንቢቴ 31:10

«ኢንቴኖ ካዎቴቶ ጎዳ ቃላ ሲዪቴ! ሃሆን ዲዛ ኣባ ጋጻታንካ፥ ‹ኢስራኤሌ ላሊዳይ ኢዚ ኢስታ ዛሪ ሺሻና፤ ባ ዉዴዛካ ሄንንቻ ማላ ኢዚ ሄማና› ጊዲ ኣዋጂቴ።

ኤርማሳ ቲንቢቴ 4:16

«ካዎቴታስ ዮቲቴ፤ ዬሩሳላሜስካ፥ ‹ዶዲ ኡንኤዛይቲ ሃሆ ቢታፌ ያና፤ ዩሁዳ ካታማታ ቦላካ ጬቄታና፤

ኤርማሳ ቲንቢቴ 4:6

ጺዮኔ ጌላናስ ባንዲራ ኦይኪቴ! ኤሶን ባቃቲ ኣቲቴ፤ ኣይስ ጊኮ ታኒ ፑዴሃ ባጋፌ ሃንቆኔ ባሽ ኤሃና።

ኤርማሳ ቲንቢቴ 46:14

«ሃይሳ ጊብጼን ዮታ፤ ቃሴ ጊብጼ ካታማታን ሚጊዶሌን፥ ሜምፒሳኒኔ ጻፊናሴን ኣዋጃ። ኢንቴ ዩሾን ዲዛይታ ማሻይ ማና ጊጌቲዳ ጊሻስ ኢንቴ ዲዛሶን ዲዛሶን ጊጌቲ ኡቲቴ።

ኤርማሳ ቲንቢቴ 50:46

ባቢሎኔ ኩንዴ ጊሪሲ ቢታ ቃና፤ ኢዚ ዋሶይ ካዎቴ ኡባ ጋርሳን ኮሹማና» ጌስ።

ኤርማሳ ቲንቢቴ 51:12

ባቢሎኔ ጊምቤታ ቦላ ማላታ ኤሲቴ፤ ሚን ናጊቴ፤ ዛቤ ናጊዛይታ ኤሲቴ፤ ዛማዲ ኡቲዲ ኦሊዛይታ ጊግሲቴ። ጎዳይ ባቢሎኔ ኣሳ ቦላ ቆፒዳ ቆፋኔ ባ ሃልቾ ፖላና።

ኤርማሳ ቲንቢቴ 51:27

«ቢታ ኡባ ቦላ ባንዲራ ዴንቴ፤ ካዎቴታ ጊዶን ዛዬ ፑኒቴ፤ ካዎቴታ ኢዚ ቦላ ኦላስ ጊግሲቴ፤ ኣራራቴ፥ ሚናኔኔ ኣሽኬናዜ ካዎታ ኦላስ ኢዚ ቦላ ጼይጊ ሺሺቴ፤ ኦላ ጋዳዋ ኢዚ ቦላ ሹሚቴ፤ ቦሌ ዉዴ ማላ ፓራታ ኢዚ ቦላ ዬዲቴ።

ኤርማሳ ቲንቢቴ 51:31

ካታማያ ሙሌራ ኦይኬቲዳይሳ ባቢሎኔ ካዎስ ዮታናስ ኢሲ ዮምባይ ሃራ ዮምባስ፥ ኢሲ ቃስታኔይ ሃራ ቃስታኔስ ሄራካ ቶሆ ቦላ ካሌስ።

ኤርማሳ ቲንቢቴ 51:44

ቤሌ ታኒ ባቢሎኔን ቃጻያና፤ ኢዚ ሚቲዳይሳካ ታ ጮሻና፤ ሃይሳፌ ካዎቴይ ኢዛኮ ጎጌና፤ ባቢሎኔ ጊምቤይ ኩንዳና።

ኤርማሳ ቲንቢቴ 51:47

ቱማፔ ታኒ ባቢሎኔ ኤቃ ጾሳታ ቃጻያና ዎዴይ ያና፤ ቢታያ ኩሜ ካዉያና፤ ሲፌቲዳይቲ ኡባይ ኢዚን ፖርጩ ጊ ኩንዳና።

ኤርማሳ ቲንቢቴ 51:52

ጊዶ ኣቲን ጎዳይ፥ «ባቢሎኔ ኤቃ ጾሳታ ቃጻያና ዎዴይ ያና፤ ኢዚ ቢታ ኡባን ማዱንጺዳይቲ ጎታራና።

ኤርማሳ ቲንቢቴ 51:8

ባቢሎኔይ ቆፖንታ ዳሼ ኩንዳ ሜቃና፤ ሄሳ ጊሻስ ኢዚስ ዋሲቴ! ኦኔ ኤሪዛይ ኢዛ ፓጻናኮ ኢዚ ማዱንስካ ሌ ኮዪቴ።

ኤርማሳ ቲንቢቴ 52:31

ዩሁዳ ካዎ ኢዮኣኪኔይ ዲኤቲዳ ሄ ታማኔ ላፑን ላይን ዮሪ-ማሮዴቄይ ባቢሎኔን ካዎቲዴስ፤ ሄ ላይንካ ታማኔ ናምኣን ኣጊናን ናምኡ ታማኔ ኢቻሻን ጋላሳን ዩሁዳ ካዎ ኢዮኣኪኔ ቆፒዴስ፤ ቃሾ ኬፌካ ኢዛ ኬሲዴስ።

ኤርማሳ ቲንቢቴ 6:18

ሄሳ ጊሻስ ካዎቴቶ፥ ሲዪቴ! ኢንቴኖ ማርካቶ! ኢስታ ቦላ ኣዚ ጋካናኮ ኣኬኪቴ።

ዳኔላ ቲንቢቴ 1:2

ጎዳይ ዩሁዳ ካዎ ኢዮኣቄሜ ኣማርዳ ጾሳ ኬ ሚሻታራ ኢዛ ኩሼን ኣ ኢሚዴስ፤ ኢዚካ ባ ጾሳ ኬን ዎና ሳናኦሬ ኤፊዴስ፤ ኢዚ ዲኢ ኤፊዳ ጾሳ ኬ ሚሻ ኡባካ ባ ኤቃ ጾሳታ ሚሼ ዎዛ ኬን ዎዴስ።

ዳኔላ ቲንቢቴ 3:14

ካዎ ናቡካዳናጾሬይ፥ «ሃይቶ ሲዲራቃ፥ ሚሳቃ፥ ኣብዲናጎ! ኢንቴ ታ ኤሲዳ ዎርቃ ሚስሌዛስ ጎይኖንታ ኢጺዳይሲኔ ታ ኤቃ ጾሳታስ ሃጋዞንታ ኢጺዳይሲ ቱሜ?

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።

ዮሃኒሳ ኣጁታ 18:2

ኢዚ ቃ ቃላን፥ «ጊታ ባቢሎና ኩንዳዱስ! ኩንዳዱስ! ኩንዳዱስ! ዳይዳን ዱሳሶ ጊዳዱስ! ቱና ኣያናታስ ኣቆሶ ጊዳዱስ! ሃራሲዛ ኢታ ካፎታስ ሼምፖሶ፥ ኢታኔ ሃራሲዛ ዶኣታስካ ኣቆሶ ጊዳዱስ።