ኤርማሳ ቲንቢቴ 5:17 - ጋሞ ማጻፋ

¹⁷ ኢስቲ ኢንቴ ካኔ ቁማ ፒቲ ማና። ኢንቴ ኣቱማ ናይታኔ ማጫ ናይታ ዎና። ኢንቴ ዶርሳኔ ሚዛ ቦንቂዲ ማና። ኢንቴ ዎይኔ ቴራኔ ባላሴ ቴራ ቦንቂዲ ማና። ኢንቴ ኣማኔቲዛ ጊምቤቲዳ ካታማታካ ኢስቲ ባንታ ማሻን ይሳና» ጌስ።

Geeshsha Maxaafa

¹⁷ Istti intte kaththaanne qumaa pitti maana. Intte attuma naytanne macca nayta wodhana. Intte dorsanne miizaa bonqqidi maana. Intte woyne teeranne balase teera bonqqidi maana. Intte ammanettiza gimbettida katamatakka istti bantta mashshan dhayssana» gees.

ኤርማሳ ቲንቢቴ 5:17 Iomraidhean Croise

ኢሳያሳ ቲንቢቴ 62:8

ጎዳይ ባ ኡሻቻ ኩሼኒኔ ባ ዎልቃማ ቄሴን፥ «ሃይሳፌ ጉዬ ታ ኢንቴ ካ ኢንቴ ሞርኬታስ ቁማ ጊዳና ማላ ኢሚኬ፤ ቃሴ ኢንቴ ዳቡሪ ኬሲዳ ኦራ ኡሻ ኣላጋቲ ኡዬቴና።

ኢሳያሳ ቲንቢቴ 62:9

ጊዶ ኣቲን ካ ሺሺዳይቲ ማና፤ ጎዳካ ጋላታና፤ ዎይኔ ቴራ ማጺ ሺሺዳይቲ ታ ኬ ፔንጌን ኡያና» ጊ ጫቂዴስ።

ኢሳያሳ ቲንቢቴ 65:22

ሃይሳፌ ጉዬ ሃራ ኣሲ ኢዛን ዳና ኬ ኬጼቴና፤ ዎይኮ ሃራይ ማና ሚሺ ቶኬቴና፤ ታ ዴራ ላይ ሚ ላይ ማላ ኣዱቃና፤ ታኒ ዶሪዳይቲ ባንታ ኩሼ ኦሶን ኣዱሳ ላይ ኡፋዬታና።

ኤርማሳ ቲንቢቴ 1:15

ታኒ ፑዴሃ ባጋን ዲዛ ካዎቴታ ሃ ያና ማላ ጼይጋና፤ ዬሩሳላሜኒኔ ኢዚ ዩሾን ዲዛ ዩሁዳ ካታማታ ቦላ ሜቶ ጋዲ ኢስታ ኦይካና፤ ሄሳፌ ጉዬ ዬሩሳላሜ ጌሊዛ ፔንጌታ ቦላ ባንታ ኣራታ ሚጫና።

ኤርማሳ ቲንቢቴ 25:37

ጎዳ ሃንቆ ሴላ ጋሶን ሳሮ ቢታይ ቡላ ጊዳና።

ኤርማሳ ቲንቢቴ 4:26

ኣራዳ ቢታይ ባዞ ጊዲዳይሳ ቤኣዲስ፤ ጎዳ ሲንን፥ ኢዛ ሱሌ ሃንቆ ሲንን ሄ ካታማቲካ ላሌቲዳ።

ኤርማሳ ቲንቢቴ 4:7

ጋሞይ ባ ዲዛሶፔ ኬዚዴስ፤ ካዎቴታ ይሲዛይ ኪቴቲዴስ፤ ኔ ቢታዮካ ቡላሳናስ ባ ዲዛሶፔ ኬዚዴስ፤ ኔ ካታማቲ ላሌታና፤ ኩንዲዲካ ካይዚ ኣታና።

ኤርማሳ ቲንቢቴ 5:18

ጎዳይ ኤርማሳ፥ «ጊዶ ኣቲን ሄ ጋላሳታን ታኒ ኢንቴና ሙሌራ ይሲኬ።

ኤርማሳ ቲንቢቴ 50:17

«ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤ ኮይሮ ኣሶሬ ካዎይ ፑዜሬ ሚዴስ፤ ጉዬፔ ባቢሎኔ ካዎ ናቡካዳናጾሬይ ሜቄ ጊዴስ» ጌስ ጎዳይ።

ኤርማሳ ቲንቢቴ 50:7

ዴሚዳ ኡባይ ኢስታ ቆሄስ፤ ኢስታ ሞርኬቲ፥ ‹ኑ ቦላ ሞሮይ ባ፤ ሃይሲ ሜቶይ ኢስታ ጋኪዳይ ባንታ ኣዋታስ ሂዶታ ጊዲዳ ጎዳ፥ ቱማፔ ኢስታስ ዱሳሶ ጊዲዳ ጎዳ ቆሂዳ ጊሻሳ› ጊዳ።

ኤርማሳ ቲንቢቴ 8:13

ጎዳይ፥ «ኢስቲ ጎዪ ኬሲዳ ካ ኡባ ታ ኢስታፌ ኤካይቻና፤ ኢስታ ዎይኔ ቱራን ኣይፌይ ያና፤ ባላሴ ሚካ ኣይፌ ኢሜና፤ ኢስታ ቦንጮቲካ ቆካና፤ ታኒ ኢስታስ ኢሚዳይሲ ኢስታፌ ኤኬቲቻና» ጌስ።

ኤርማሳ ቲንቢቴ 8:16

ሞርኬታ ፓራ ፔኖይ ዳኔ ካታማፔ ሲዬቴስ፤ ኢስታ ዎዳላ ፓራታ ጫሻን ቢታይ ኡባይ ቃጼስ፤ ቢታዮኔ ቢታይ ቦላ ዲዛ ኡባ፥ ካታማዮኔ ኢዚን ዲዛ ኡባ ሚታናስ ዪዳ» ጌቴስ።

ኤርማሳ ዚላስ 2:12

ኦላሶን ማዱንጺ ኩንዲዳ ኣሳታ ማላ ካታማይ ጊዶን ኢስቲ ዳቡርዳ፤ ኢስቲ ባንታ ኣዬታ፥ «ካኔ ሃ ኑስ ኣዋን ዲዜ?» ጊ ኦይቺሼ ኢስቲ ቄሴ ቦላ ቦርኮቲዲ ሼምፖ ኬዚዳ።

ኤርማሳ ዚላስ 2:2

ያቆቤ ዱሳሶ ኡባ ጾሲ ቃታይ ባይንዳ ይሲዴስ፤ ዩሁዳ ዴሬ ሚጻታ ኢዚ ባ ሃንቆን ላሊዴስ፤ ኢዚ ካዎቴኔ ዴሬ ኣይሲዛይታ ካዉሺዲ ዱጌ ቢታን ዬጊዴስ።

ሂዚቄላ ቲንቢቴ 36:4

ሄሳ ጊሻስ ኢስራኤሌ ዙማቶ! ኡባ ሃሪዛ ጎዳ ቃላ ሲዪቴ! ኡባ ሃሪዛ ጎዳይ ዙማታሲኔ ዙምቡላታስ፥ ዙሌታሲኔ ሃ ዛራታስ፥ ላሌቲዲ ቡላቲዳሶታሲኔ ኢንቴ ዩሾን ዲዛ ሃራ ካዎቴታን ቦንቄቲዲኔ ቂቲዲ ሜላ ኣቲዳ ካታማታስ፥

ሆሴኤ ቲንቢቴ 2:12

ኢዛ ባ ላጌታፔ ባስ ዋጋ ጋዳ ኤኪዳ ዎይኔ ሚታኔ ባላሴ ሚታ ታ ቃላና። ኢስታካ ዎራ ዶኣቲ ማና።

ሆሴኤ ቲንቢቴ 8:14

«ኢስራኤሌ ዴሬይ ባስ ጊታ ካዎቴ ኬታ ኬጺዴስ፤ ጊዶ ኣቲን ባና ሜዳይሳ ባሊዴስ። ዩሁዳ ዴሬይካ ዳሮ ሚኖ ካታማታ ኦዴስ፤ ጊዶ ኣቲን ታኒ ሄ ካታማታ ቦላ ታማ ዬዳና፤ ኢስታ ሚጻታካ ታማይ ማና» ጊዴስ።

ኢዩኤሌ ቲንቢቴ 2:3

ሄ ቦሌቲ ባ ሲንን ቤቲዳዚ ኡባ ታማ ማላ ማና፤ ታማ ላጮ ማላ ጹጋና፤ ቡሮ ኢስታ ጋኮንታ ቢታይ ኤዴኔ ጋናቴ ማላ ጪሊላ ቢታ ሺን ኢስቲ ጋኪ ኣዳ ቢታይ ኣይኮይ ባይንዳ ባዞ ቢታ ጊዳና፤ ቦሌቲ ሚሺን ኣቲዳ ሚሺካ ቤቴና።

ሌዌታ ማጻፋ 26:16

ሄ ዎዴ ታኒ ኢንቴ ቦላ ሃይሳ ኤሃና፤ ጊታ ዳጋማ፥ ጊልቃቴ፥ ኣይፌ ቦልጄሲዛዝ፥ ኣሳቴ ጊልቂሲዛዝ ቆጾ ሃርጌ ታ ኢንቴ ቦላ ኤሃና፤ ኢንቴ ዜሬ ዜራናሺን ጮ ሜላ ሃዳ ጊዳና፤ ጋሶይካ ኢንቴ ዜሪዳይሳ ኢንቴ ሞርኬቲ ማና።

ሶፎናሳ ቲንቢቴ 3:6

ጎዳይ፥ «ታኒ ዴሬታ ይሳዲስ፤ ኢስታ ሚጻይ ሙሌራ ይዴስ፤ ኦኒካ ኢዛራ ኣንታ ማላ ኢስታ ኦጌ ካይዚሳዲስ፤ ኢስታ ካታማቲ ሙሌራ ይዳ፤ ኢሲ ኣሲካ ዴና፤ ኢስታን ዴኣናይካ ዴና።

ሚልካሳ ቲንቢቴ 1:4

ኤዶሜይ፥ «ኑ ካታማቲ ላሌቲን ኢስታ ዛሪ ኤሳና» ኢስቲ ጊን ኡባፌ ዎልቃማ ጎዳ ጾሳ ቃሴ፥ «ኢስቲ ዛሪዲ ኦና ሺን ታ ኢስቲ ኦይሳ ዛራ ላላና፤ ኢስቲካ፥ ‹ኢታ ዴሬኔ ጎዳይ ሜርናስ ሃንቄቲዳ ዴሬ ጌቴታና።›

ዛሬ ማጻፋ 28:33

ኔ ቢታ ካ ኣይፌኔ ኔ ዳቡራ ኬሲዳ ኡባ ሃራ ዴሬ ኣሲ ማና፤ ኔኒ ኔ ዴኦ ኡባን ኡንኤቲዳዴኔ ቆሄቲዳዴ ጊዳና።