ኤርማሳ ቲንቢቴ 49:2 - ጋሞ ማጻፋ

² ኣሞኔ ካታማ ኤራባ ቦላ ኦላ ዋሶ ጬንጉርሲ ሴቴታና ዎዴይ ያና። ኢዛ ቡታዳ ዶሬቲዳ ዶሬ ጊዳና፤ ኢዚ ጉታቲ ኡባይ ጹጌታና፤ ኢስራኤሌይ ባና ኬሲ ጎዲዳይታ ባ ዴሬፔ ኬሳ ጎዳና።

Geeshsha Maxaafa

² Amoone katama Eraaba bolla ola waaso cenggurssi seetettana wodey yaana. Iza budhettada doorettida doore gidana; izi gutati ubbay xuugettana; Isra7eeley bana kessi gooddidayta ba dereppe kessa gooddana.

ኤርማሳ ቲንቢቴ 49:2 Iomraidhean Croise

2ሳሜላ ማጻፋ 11:1

ካዎቲ ኦላስ ኬዚዛ ኦፊን ኣጊናታን ዳዊቲ ኢዮኣቤ ካዎ ሹሜታራኔ ኩሜ ኦላንቻታራ ጋ ኦላስ ዬዲዴስ፤ ኢስቲካ ኣሞኔ ዴሬ ኣሳ ይሲዳ፤ ኤራባ ካታማዮ ጊዶዳ፤ ጊዶ ኣቲን ሄ ዎዴ ዳዊቲ ዬሩሳላሜን ኣቲዴስ።

ዬ ማጻፋ 48:11

ኔ ፒርዳ ጊሻስ፥ ጺዮኔ ኣሳይ ኡፋዬቴስ፤ ዩሁዳ ካታማቲካ ኡፋይሳን ሆምቦጬቴስ።

ዬ ማጻፋ 97:8

ኣቤት ጎዳዉ! ጺዮኔ ኣሳይ ኔ ጺሎ ፒርዳ ሲዪዲ ኡፋዬቴስ፤ ዩሁዳ ካታማቲካ፥ «ሃሹ» ጌቴስ።

ኢሳያሳ ቲንቢቴ 11:14

ኢስቲ ኣርሼይ ዉሊዛ ባጋራ ፊሊስጼሜታ ዱጉን ዎና፤ ናምኣይካ ኢሲፌ ጊዲዲ ኣርሼይ ሞኪዛ ዴሬዛ ቦንቃና፤ ኢስቲ ኤዶሜ ቦላኔ ሞኣቤ ቦላ ባንታ ኩሼ ዴንና፤ ኣሞኔ ኣሳይ ኢስታስ ሃሬታና።

ኢሳያሳ ቲንቢቴ 17:1

ዳማስቆ ጊሻስ፥ «ቤኢቴ፥ ሃይሳፌ ሲንን ዳማስቆ ካታማቴ ኣታና፤ ላሌ ዶሬ ጊዳና።

ኤርማሳ ቲንቢቴ 4:19

ዋኖ ታኒ! ታኒ ሃይሳ ዎስታ ዳንዳያኔ! ታና ሜቲዴስ! ታ ዎዚናይ ሂርጌስ፤ ታኒ ጮኡ ጋናስ ዳንዳይኬ። ኣይስ ጊኮ ታኒ ዛዬ ጬንጉርሲኔ ኦላ ጬንጉርስ ሲያዲስ።

ኤርማሳ ቲንቢቴ 49:1

ኣሞኔ ኣሳ ጎዳይ፥ «ኢስራኤሌይ ኣቱማ ናይታ ዬሊቤኔ? ዎይኮ ኢዛ ላታናይቲ ባዌ? ሂስቲን ሚልኮሜይ ጋዴ ኣይስ ላቲዴ? ኢዛ ኣሳቲ ኣይስ ካታማይን ዲዞ?

ሂዚቄላ ቲንቢቴ 21:20

ኣሞኔታ ካታማ ኤራባ ቢዛ ማሻስ ኢሲ ኦጌዛን ማላታ ቱስ ኤሳ፤ ቃሴ ዩሁዳኔ ጊምቤቲዳ ዬሩሳላሜ ካታማ ቢዛ ማሻስ ናምኣን ኦጌዛን ማላታ ቱስ ኤሳ።

ሂዚቄላ ቲንቢቴ 21:25

« ‹ሃይሶ ጌኔኔ ቱና ጊዲዳ ኢስራኤሌ ዳናዞ! ኔ ቃጻዬቲዛ ዎዴይ ጋኪዴስ› ጌስ፤ ቱናኒኔ ኢታቴን ኩሚዳ ኢስራኤሌ ዳናዞ፥

ኣሞጼ ቲንቢቴ 1:14

ሄሳ ጊሻስ ኤራባ ካታማ ጊምቤታ ቦላ ታኒ ታማ ዬዳና፤ ሄ ታማይ ኢስታ ሚጻታ ማና። ሄሳፌ ጉዬ ኦላ ጋላሳን ዋሶይ ዳራና፤ ኦላዚካ ጎቴ ጫርኮ ማላ ኤሶታና።

ኣብዲዩ ቲንቢቴ 1:19

«ዩሁዳ ዴሬፔ ዱጌሃ ባጋራ ዲዛ ኔጌቤ ኣሳይ ኤዶሜ ቢታ ላታና፤ ኣርሼይ ዉሊዛ ባጋራ ጋን ዲዛ ኣሳቲ ፊሊስጼሜ፥ ኤፍሬሜኔ ሳማሪያ ቢታ ላታና፤ ቃሴ ቢኒያሜ ዜሬቲ ጋላኣዴ ቢታ ላታና።

ታይቦ ማጻፋ 10:9

«ኢንቴ ዴራ ቦላ ዎራጂዳ ኢንቴ ሞርኬታራ ኢንቴ ኦሌታናስ ኬዚዛ ዎዴ ዛዬታ ቁ ሂስቲ ፑኒቴ፤ ሂስቲኮ ጎዳ ኢንቴ ጾሳይ ኢንቴና ቆፓናኔ ኢንቴ ሞርኬታፔ ኢንቴና ኣሻና።

ታይቦ ማጻፋ 21:25

ኢስራኤሌ ኣሳይ ሂስቲዲ ኣሞሬ ዴሬ ቢታን ዲዛ ካታማታ ሃሴቦኔኔ ሄ ሄራን ዲዛ ጉ ካታማታካ ኦይኪዲ ዱንካኒ ኡቲዳ።

ዛሬ ማጻፋ 13:16

ሄ ካታማይን ዲዛ ኣሳ ኣቆታ ኡባ ኤኪዲ ሄ ካታማይ ጊዶን ዲዛ ዱቡሻን ሺሺ ዶሪቴ፤ ሂስቲዲ ጎዳ ኢንቴ ጾሳስ ያርሾ ኦዲ ታማን ጹጊቴ፤ ሄ ካታማያ ናምኣን ሲማ ኤቆንታ ማላ ሜርናስ ላሌታ ኣቱ።

ዛሬ ማጻፋ 3:11

[ኤራፋይሜታ ባጋፌ ካዎ ኣጌይ ዉርሴ ካዎ፤ ኢዚ ኢቺዛ ኣልጋይ ሚኖ ቢራታፔ ኦሴቲዴስ፤ ኣልጋስ ኣዱሳቴይ ኦስፑን ዋ ጊዲሺን ጎምፓይ ኦይዱ ዋ፤ ሄ ኣልጋዚ ኤራባ ጌቴቲዛ ኣሞኔታ ካታማን ሃኢ ጋካናስ ቤቴስ።]

ኢያሶ ማጻፋ 17:11

ዪሳኮሬ ቢታኒኔ ኣሴሬ ቢታን ቤቲ-ሻኣኔይ፥ ዪቢላኣሜይ፥ ዶሬ ኣሳይ፥ ኤን-ዶሬይ፥ ታኢናኬይኔ ማጊዶይ ባ ዩሾን ጉታታራ ኢሲፌ ሚናሴሳ፤ ሄንዚ ናፎቴ።

ኢያሶ ማጻፋ 17:16

ዮሴፌ ዛሬቲ፥ «ጌዜ ቢታዚ ኑስ ጊዴና፤ ሄሳ ቦላካ ዴምባን ዲዛ ቤቲ-ሻኣኔኔ ሄ ሄራን ዲዛይቲ፥ ቃሴ ኢዝራኤሌ ሾባን ዲዛ ካናኔታስ ቢራታ ፓራ-ጋሬቲ ዴቴስ» ጊዳ።