ኤርማሳ ቲንቢቴ 49:16 - ጋሞ ማጻፋ

¹⁶ ኔኖ ዛላ ጎንጎሎ ጊዶን ዲዛይሶ! ኔኖ ቃ ዙምቡላ ሁኤን ኡቲዳይሶ! ኔ ዮምቢዛ ዮምባይኔ ኔ ዎዚና ኦቶሮይ ኔና ባሌዴስ፤ ኔኒ ኔ ኬ ጎሌ ማላ ቃሶሆን ኬጺኮካ ታኒ ኔና ሄፔ ዱጌ ኦላና» ጌስ።

Geeshsha Maxaafa

¹⁶ Nenoo zaalla gongolo giddon dizayssoo! Nenoo dhoqqa zumbulla hu7en uttidayssoo! Ne yombiza yombaynne ne wozina otoroy nena baleththides; neni ne keeth golle mala dhoqqasohon keexxikokka tani nena heeppe duge olana» gees.

ኤርማሳ ቲንቢቴ 49:16 Iomraidhean Croise

2ካዎታ ማጻፋ 14:7

ኣማሲያሲ፥ «ማጺኔ ሾባ» ጌቴቲዛሶን ኤዶሜ ኣሳፔ 10,000 ዉርሲዴስ፤ ሴላ ኦሊ ኦይኪዲ ሃች ጋካናስ ዮቂቲኤሌ ጌቴቲዛ ሱን ኢሚዴስ።

ኢዮቤ ማጻፋ 39:27

ጎሌይ ፑዴ ኬኢዲ ቃሶሆን ባ ኬ ኬጺዛይ ኔ ኣዛዚኔ?

ሌሚሶ ማጻፋ 16:18

ኦቶሮ ጌዶ ባሺ ካሌስ፤ ሃላጫ ጌዶካ ኩንዴ ካሌስ።

ሌሚሶ ማጻፋ 18:21

ኢንጻርሳ ቦላ ሃይቆይኔ ዴኦ ዎልቃይ ዴስ፤ ኢዞ ዶሲዛይቲ ኢዚ ኣይፌ ሜቴስ።

ሌሚሶ ማጻፋ 29:23

ኦቶሮይ ኣስ ካዉሼስ፤ ጊዶ ኣቲን ኣሽኬቴ ቦንቺሴስ።

Siiqo Saba 2:14

«ኔኒ ኣፎ ዶናን ዛላ ዛኣ ጊዶን ዲዛ ሃራጴይ ማላ፤ ኣኔ ኢሲቶ ኔ ኣይፌሶ ታና ቤሳ፤ ኔ ቃላ ጬንጉርሲካ ታና ሲሳ። ኣይስ ጊኮ ኔ ጬንጉርሳይ ታና ኡፋይሴስ፤ ኔ ኣይፌሶይካ ታና ሎኤስ» ጊዴስ።

ኢሳያሳ ቲንቢቴ 10:14

ኣሲ ባ ኩሼ ካፎ ኬን ዬዲዛ ማላ ታኒካ ታ ኩሼ ካዎቴታ ኣቆታን ዬዳዲስ። ቃሴ ኣሲ ዶጌቲ ኣቲዳ ጱጱሌታ ሺሺዛ ማላ ታኒካ ዴሬ ኡባ ሺሻዲስ። ፓላናስ ባ ቄፌ ሚጪዳይ ዴና፤ ዋሳናስ ባ ዶና ዶይዳይ ዴና» ጊዴስ።

ኢሳያሳ ቲንቢቴ 2:21

ጎዳይ ሃ ቢታ ቃናስ ዴንዲዛ ዎዴ ኢዛ ያሺሴፌኔ ኢዛ ቴማፔ ዴንዲዳይሳን ሹቻ ጎንጎሎይኔ ዛላ ዛኣይ ዲዛሶ ባቃታና።

ኢሳያሳ ቲንቢቴ 49:25

ጊዶ ኣቲን ጎዳይ፥ «ቱሙካ ኦላንቻቲ ዲኢ ኤፊዳ ሚሽ ኬሲ ኤካናስ፥ ሜንጼ ኢታታ ኩሼፔ ዲኤቲዳይታ ኣሻናስ ዳንዳዬቴስ፤ ኔናራ ኦሌቲዛይታራ ታ ኦሌታና፤ ኔ ናይታካ ታኒ ኣሻና።

ኤርማሳ ቲንቢቴ 48:14

«ኢንቴ፥ ‹ኑኒ ሚኖ ኦላንቻታ› ጋናስ ዋኒ ዳንዳይዴቲ?

ኤርማሳ ቲንቢቴ 49:15

ጎዳይ፥ «ሃኢ ታኒ ኔና ካዎቴታ ጊዶን ላፋ፤ ኣሳ ጊዶንካ ካቲዳዴ ኦና።

ኤርማሳ ቲንቢቴ 50:29

«ዎንዳፌን ኦሊዛይታ ባቢሎኔ ቦላ ጼይጊቴ፤ ኢሳዴይካ ኬሲ ኤኪ ቦንታ ማላ ኢስታ ጊዶዲ ዱንካኒቴ፤ ጎዳ ኢስራኤሌ ጌሻ ካዉሺዳ ጊሻስ ኢዚ ኦሶ ማላ ኢዚስ ዛሪቴ፤ ኢዛ ሃራታ ቦላ ኦዳይሳ ኢዚ ቦላ ኦቴ።

ኤርማሳ ቲንቢቴ 51:53

ባቢሎኔይ ፑዴ ሳሎ ኬዚኮካ፥ ቁ ጊዳ ሚኖ ሚጻ ኦኮካ ታኒ ይሲዛይታ ኢዚ ቦላ ዬዳና» ጌስ።

ኣሞጼ ቲንቢቴ 9:2

ኢስቲ ዱፎ ቦኪ ጌሊዳኮካ ታ ኩሼይ ኢስታ ሄፔ ሾዲ ሃ ኬሳና፤ ኢስቲ ፑዴ ሳሎ ኬዚዳኮካ ታኒ ኢስታ ሄፔ ሃ ዱጌ ጎቻ ዎና።

ኢምባቆ ቲንቢቴ 2:9

«ዎርዶራ ባሌ ኤኪዳ ሚሻን ባስ ዳና ኬ ኬጺዛዴሲኔ ባ ሞርኬ ኩሼፔ ኣታናስ ባ ኬ ቃሶሆን ኬጺዛዴስ ኣዬ ኣና!

ሚልካሳ ቲንቢቴ 1:3

ጊዶ ኣቲን ኤሳዌ ኢጻዲስ፤ ኢዛ ዴሬን ዲዛ ዙማታ ባዞ ኬሳዲስ፤ ኢዛ ጋዴዛካ ባዞን ዲዛ ዎራካናታስ ኣ ኢማዲስ» ጊዴስ።