ኤርማሳ ቲንቢቴ 46:5 - ጋሞ ማጻፋ

⁵ ጊዶ ኣቲን ሃይሲ ታኒ ቤኢዛይ ኣዜ? ኬሂ ያዪዲ ጉዬ ኡንዱዴቴስ፤ ዎልቃማ ኢስታ ኦላንቻቲ ጾኔቲዳ፤ ጉዬ ሲሚ ጼሎንታ ኤሶን ባቃቴቴስ፤ ኡባሶን ሺሮይ ዴስ።

Geeshsha Maxaafa

⁵ Gido attiin hayssi tani be7izay aazee? keehi yayyidi guye undudeettes; wolqqama istta olanchchati xoonettida; guye simmi xeellontta eeson baqateettes; ubbason shiroy dees.

ኤርማሳ ቲንቢቴ 46:5 Iomraidhean Croise

ሜቴ ማጻፋ 19:17

ኪታንቻቲ ኢስታ ካታማፔ ኬሲዳ ማላካ ኪታንቻታፔ ኢሳይ፥ «ኢንቴ ሼምፖ ኤኪዲ ባቃቲቴ! ጉዬ ጼሎፍቴ! ቃሴ ሃይሳ ሾባን ኣዋንካ ኤቆፍቴ! ዙማኮ ዎጺቴ! ሂስቶንታ ኢጺኮ ኢንቴ ያና» ጊዴስ።

ኢሳያሳ ቲንቢቴ 13:8

ኢስቲ ሺሮታና፤ ኢስታ ዋዬይኔ ሜቶይ ጋካና፤ ሚጻይ ኦይኪዳ ማጫሳ ማላ ኢስቲ ሚጻታና፤ ኢሶይ ኢሳራ ዳጋማን ጼሌታና፤ ኢስታ ኣይፌሶይ ዳጋማን ሻላ ማይኢዴስ።

ኢሳያሳ ቲንቢቴ 19:16

ሄ ዎዴ ጊብጼ ኣሳይ ማጫሳ ማላ ጊዳና። ቃሴ ኡባፌ ዎልቃማ ጎዳይ ኢስታ ቦላ ባ ቄሴ ዴንዛ ዎዴ ኢስቲ ያሻን ኮኮራና።

ኢሳያሳ ቲንቢቴ 42:17

ኤቃ ጾሳታን ኣማኔቲዛይቲ ጊዲኮ ሚስሌታካ፥ ‹ኢንቴ ኑ ጾሳታ› ጊዛይቲ ጉዬ ሲማና፤ ኢስቲ ሙሌራ ካዉያና» ጌስ።

ኢሳያሳ ቲንቢቴ 5:25

ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ኤርማሳ ቲንቢቴ 20:10

«ኡባሶን ሺሮይ ዴስ፤ ሂሊቴ ኣኔ ኑኒካ ሂሎስ» ጊዲ ዳሮቲ ሳሱኬቲሺን ታ ሲያዲስ፤ ታ ኩንዴ ናጌቲሼ ዲዛ ታ ላጌቲ ኡባይ፥ «ኦኔ ኤሪዛይ ባሌታና ዳንዳይዛኮ ሂስቲኮ ኑኒ ኢዛ ጾናናኮኔ ኑ ሃሎ ኬሳናኮ» ጌቴስ።

ኤርማሳ ቲንቢቴ 46:15

ዎልቃማ ጊዲዳ ኣጵሴ ጌቴቲዛ ኤቃ ጾሳይ ኣይስ ኩንዲዴ? ጎዳይ ኢዛ ሱጊ ዬጊዳ ጊሻስ ኤቃና ዳንዳይቤና።

ኤርማሳ ቲንቢቴ 46:21

ሚሻን ሻሜቲ ዪዳ ኢዚ ኦላንቻቲ ሞዳ ዎፋኖ ማላ። ኢስቲ ቃጻዬታና ዎዴይ ጋኪዳ ጊሻሲኔ ኢስቲ ያናስ ዎዴይ ማቲዳ ጊሻስ ኢስቲ ኢሲፌ ጉዬ ሲሚ ባቃታና፤ ባ ዲዛሶን ሚኒ ኤቂዲ ኤቄታናስ ዳንዳዬቴና።

ኤርማሳ ቲንቢቴ 49:29

ኢስታ ዱንካኔታኔ ኢስታ ዉዴታ ኤኪቴ! ኢስታ ኣቆሶይኔ ኢስታ ጋሜላቲ ኡባይ ኣቶንታ ኤኬታና፤ ሂስቲዲ ኢስታስ፥ ‹ኢስታ ቦላ ሺሮ ቦላ ሺሮይ ዪዴስ› ጊዲ ዋሳና።

ኤርማሳ ቲንቢቴ 49:5

ታኒ ኔ ዩሾን ዲዛይታፔ ኔ ቦላ ሺሮ ኤሃና፤ ኢንቴ ኡባይካ ጎዴታና፤ ባቃታ ቦላ ዲዛይታ ሺሻና ኣሲ ቤቴና።

ኤርማሳ ቲንቢቴ 6:25

ሞርኬይ ማሻ ጊጺዴስ፤ ኡባሶን ሺሮይ ኩሚዴስ፤ ሄሳ ጊሻስ ካሬ ኬዞፒቴ፤ ኦጌንካ ሄሜቶፍቴ።

ሂዚቄላ ቲንቢቴ 32:10

ዳሮ ኣሳይ ኔ ቦላ ጋኪዳ ሜቶን ዳጋማና ማላ ታ ኦና፤ ታኒ ታ ማሻ ኢስታ ሲንን ሾዳ ሴሲሺን ኔ ቦላ ጋኪዳ ሃኖዛ ጋሶን ኢስታ ካዎቲ ዳጋማን ኖዡ ጋና፤ ኔኒ ኩንዲዛ ጋላስ ኢሶይ ኢሶይ ባ ሼምፖስ ያሻን ኣይፌ ቂጶን ኮኮራና።

ሂዚቄላ ቲንቢቴ 39:18

ኢንቴ ርሾ ኣሾኔ ላቃ ኣሾ ሚዛ ማላ፥ ዴይሻ ኣሾኔ ዎፋኖ ኣሾ ሚዛ ማላ ዎልቃማ ኣሳታ ኣሾ ማና፤ ቢታ ቦላ ሃላቃታ ሱካ ኢንቴ ኡያና፤ ሃይቲ ኡባይ ሞዳ ባሳኔ ሜሄታ።

ናሆሜ ቲንቢቴ 2:8

ናናዌይ ኤሌ ሃ ማላ፤ ኢዚ ሃካ ሚጫና። «ኤቃ! ኤቃ!» ጊ ኢስቲ ዋሳና፤ ጊዶ ኣቲን ጉዬ ሲሚዛይ ዴና።

ናሆሜ ቲንቢቴ 2:9

ኢዛ ሚንጃ ኬን ዳጋቲዳ ኣቆታስ ቆዳይ ዴና፤ ቢዲ ቢራካ፥ ዎርቃካ ቦንቂ ኤኪቴ።

ሶፎናሳ ቲንቢቴ 1:14

«ጎዳፔ ያና ጊታ ጋላሳይ ማቲዴስ፤ ሄሲካ ኤሶን ያና፤ ጎዳ ጋላሳን ሲዬታና ዬሆይ ጫሞ፤ ሄን ኦላንቻቲ ጫሞ ዋሶ ዋሳና።