ኤርማሳ ቲንቢቴ 4:8 - ጋሞ ማጻፋ

⁸ ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

Geeshsha Maxaafa

⁸ Hessa gishshas maaqa may7ite; kayottishe, ‹Wuu! Wuy› gi yeekkite. Ays giikko GODAA hanqo seelay nu bollafe simmibeenna» gees.

ኤርማሳ ቲንቢቴ 4:8 Iomraidhean Croise

ዬ ማጻፋ 78:49

ባ ሚኖ ሃንቆ፥ ቦሻ፥ ባሺኔ ይሲዛ ኪታንቻታን ኢስታ ቦላ ዬዲዴስ።

ኢሳያሳ ቲንቢቴ 10:4

ቃሼቲዳ ኣሳራ ኢሲፌ ቃሼቴፌ ሹኬቲዛ ኣሳራ ኢሲፌ ሹኬቴፌ ኣቲን ሃራይ ኢንቴስ ኣታናሶይ ዴና። ሄሲ ኡባይ ሃኒንካ ጎዳ ሃንቆይ ዶቺቤና፤ ቃጻያናስ ኢዚ ባ ኩሼ ዴን ዎዴስ።

ኢሳያሳ ቲንቢቴ 13:6

ጎዳ ጋላሲ ማቲዳ ጊሻስ ዬኪቴ! ሄ ጋላስ ኡባ ዳንዳይዛ ጾሳ ማታፔ ባሺ ያና።

ኢሳያሳ ቲንቢቴ 22:12

ሄ ጋላስ ጎዳይ ኡባፌ ዎልቃማ ጾሳይ ኢንቴ ዬካና ማላኔ ዋሳና ማላ፥ ኢንቴ ሁኤ ቢናና ቡጫና ማላኔ ማቃ ማይኣና ማላ ጼይጊዴስ።

ኢሳያሳ ቲንቢቴ 32:11

ኢንቴኖ ኦቶሮይ ቱጪዳ ማጫሳቶ! ኮኮሪቴ። ኢንቴኖ ባ ጊዳ ማጫ ናይቶ! ሂርጋን ጋጂጋጂቴ። ኢንቴ ማይኢዳ ማይኦ ቃሪ ዬጊቴ፤ ኢንቴ ጼሳን ማቃ ዳንጪቴ።

ኢሳያሳ ቲንቢቴ 5:25

ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ኢሳያሳ ቲንቢቴ 9:12

ኣርሼይ ሞኪዛ ባጋፌ ኣራሜ ቢታ ኣሳቲኔ ኣርሼይ ዉሊዛ ባጋፌ ፊሊስጼሜ ቢታ ኣሳቲ ባንታ ዶና ሃንጊዲ ኢስራኤሌ ሚታና። ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኢሳያሳ ቲንቢቴ 9:17

ሄሳ ጊሻስ ጎዳይ ናቴ ናይታን ኡፋዬቴና፤ ዪኦታሲኔ ኣምኤታስ ቃቴና፤ ኡባይካ ኢታ ኦዛይታኔ ጾሳ ያሻቴ ባይንዳይታ፤ ኡባ ኣሳ ዶናፔ ሃራሲዛ ቃላይ ኬዜስ፤ ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኢሳያሳ ቲንቢቴ 9:21

ሚናሴይ ኤፍሬሜ ማና፤ ኤፍሬሜይካ ሚናሴ ማና፤ ኢስቲ ኢሲፌ ጊዲዲ ዩሁዳ ቦላ ዴንዳና። ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኤርማሳ ቲንቢቴ 25:34

ኢንቴኖ ሄንንቻቶ! ዬኪቴኔ ዋሲቴ። ኢንቴኖ ዉዳ ሄሚዛይቶ! ቢዲንን ጌንዴሬቲቴ። ኢንቴ ሹኬታና ዎዴይ ጋኪዳ ጊሻስ ሎኢ ሜቲዳ ማና ሚሺ ቲንቼቲዛ ማላ ኢንቴ ኩንዲ ቲንቼታና።

ኤርማሳ ቲንቢቴ 30:24

ኢዛ ዎዚና ቆፋ ፖሎንታ ጎዳ ሃንቆይ ጮ ሃዳ ጉዬ ሲሜና፤ ሄሳ ዪዛ ዎዴታን ኢንቴ ኣኬካና።

ኤርማሳ ቲንቢቴ 48:20

ሞኣቤይ ላሌቲዲ ካዉዪዴስ፤ ‹ዉ! ዉይ› ጊዲ ዋሲቴ፤ ሞኣቤይ ሙሌራ ይዳይሳ ኣርኖኔ ሻፋ ኣቻን ኣዋጂቴ!

ኤርማሳ ቲንቢቴ 6:26

ታ ዴሬቶ ማቃ ማይኢቴ፤ ቢዲን ቦላ ቡሉሌቲቴ፤ ሜጺ ኢሲ ናይ ሃይቂዳ ኣሳ ማላ ጫሞ ዬሆ ዬኪቴ፤ ጋሶይካ ኑ ቆፖንታ ዲሺን ይሲዛይ ኑ ቦላ ያና።

ኤርማሳ ዚላስ 1:12

«ጎዳ ጾሲ ባ ዎልቃማ ሃንቆዛ ኑ ቦላ ዬዲዳ ዎዴ ኑ ቦላ ጋኪዳ ሜቶ ማላ ሜቶይ ጋኪዳ ኣሲ ዲዛ ጊዲኮ ኢንቴኖ ኦጌራ ኣ ቢዛ ኡባቶ ኣኔ ቤኢቴ! ሃ ሜቶይ ኢንቴስ ካዉሻ ሚሳቲዜ?

ሂዚቄላ ቲንቢቴ 21:12

ሃይሶ ኣሳ ናዉ! ሃይሲ ታ ዴሬ ቦላ ኢስራኤሌ ዳናታ ኡባ ቦላ ዪዴስ፤ ሄሳ ጊሻስ ዬሆኔ ዋሶ ሲሳ፤ ኢስቲ ታ ዴሬዛራ ኢሲፌ ማሻስ ኢሜቲዳ፤ ሄሳስ ኔ ጊሻስ ኔ ቲራ ኢጫ።

ሂዚቄላ ቲንቢቴ 30:2

«ሃይሶ ኣሳ ናዉ! ሃይሳ ማላ ጋዳ ቲንቢቴ ዮታ፡ ኡባ ሃሪዛ ጎዳይ፥ « ‹ዉ! ዉይ› ጋ ዋሳ፤ ‹ሄ ጋላሳይስ ኣዬ ኣና!› ጋ።

ኢዩኤሌ ቲንቢቴ 1:13

ኢንቴ ኢንቴ ጾሳ ያርሾ ሺሺዛ ካ ጊዲን ዎይኮ ዎይኔ ኡሺ ባይንዳ ጊሻስ ኢንቴኖ ታ ጎዳ ኦሳንቻታ ጊዲዳ ቄሴቶ! ኣኔ ሃ ዪዲ ማቃ ማይኢዲ ኩሜ ኦማርስ ዬኪቴ። ኢንቴኖ ያርሾ ያርሺዛሶን ኦዛይቶ! ኢንቴ፥ «ዉ! ዉይ!» ጊ ዋሲቴ።

ኣሞጼ ቲንቢቴ 8:10

ኢንቴ ላይን ላይን ቦንቺዛ ባኣሌዛ ዬሆን ላማና፤ ኢንቴ ዬጺዛ ዬካ ዋሶን ላማና፤ ዲዛ ፔጺ ኢሲ ናይ ሃይቂን ጫሞ ዬሆ ዬኪዛ ኣሳ ማላ ኢንቴ ኢንቴ ሁኤ ቢናና ቡጪዲ ማቃ ማይኣና ማላ ታኒ ኢንቴና ኦና፤ ሄ ዉርሴ ጋላሳይ ጫሞ ጋላስ ጊዳና።

ሚኪያሳ ቲንቢቴ 1:16

ኢንቴ ኢስታን ኡፋዬቲዛ ኢንቴ ናይቲ ኢንቴፌ ዲኤቲ ባና ጊሻስ ኢንቴ ሁኤ ቡሉሲቴ።

ታይቦ ማጻፋ 25:4

ጎዳይ ሙሴስ፥ «ኢስራኤሌ ኣሳ ቦላ ኤጺዳ ታ ሃንቆይ ዶቻና ማላ ኢስራኤሌ ኣሳ ካሌዛይታ ኡባ ኤካዳ ሴታ ጋላስ ሱሊዛ ኣዋን ዴሬዚ ቤኢሺን ካቃ ዎ» ጊዴስ።