ኤርማሳ ቲንቢቴ 4:30 - ጋሞ ማጻፋ

³⁰ ሃኔ ባሻስ ኡቲዳሬ! ኔኒ ኣይ ኦይ? ኔ ዞኦ ማይኦ ኣይስ ማይኣይ? ዎርቃ ኣሌቆካ ኣይስ ኣይ? ኔ ኣይፌ ጪሮ ኣይስ ቲያይ? ኔኒ ጮ ሜላ ኔና ሎኤሳ፤ ኔ ላጌቲ ኔና ካዳ፤ ኢስቲ ኔና ዎናስ ኮዬቴስ።

Geeshsha Maxaafa

³⁰ Hanne bashshas uttidaaree! Neni ay ooththay? Ne zo7o may7o ays may7ay? Worqqa alleqokka ays aaththay? Ne ayfe ciro ays tiyay? Neni coo mela nena lo7eththaasa; Ne laggeththoti nena kadhida; istti nena wodhanaas koyeettes.

ኤርማሳ ቲንቢቴ 4:30 Iomraidhean Croise

2ካዎታ ማጻፋ 9:30

ሄሳፌ ጉዬ ኢዩይ ጌዴ ኢዝራኤሌ ቢዴስ፤ ኤልዛቤላ ሄሳ ሲያዳ፥ ባ ኣይፌሶ ቲዬታዳ፥ ባ ሁኤ ሎኤ ጊጊሳዳ ማስኮቴራ ዱጌ ጼላዱስ።

ሌሚሶ ማጻፋ 6:25

ኢዚ ሎኤቴ ኔ ዎዚናን ኣሞቶፋ፤ ኢዚ ቂምኦቴን ኦይኬቶፋ።

ሌሚሶ ማጻፋ 7:10

ኢሲ ማጫሳያ ኢዛ ዴማናስ ኬዛዱስ፤ ላይማ ማጫሳ ማይኦ ማይኣዳ ባሌናስ ሙርታ ኬዛዱስ።

ኢሳያሳ ቲንቢቴ 10:3

ኢንቴና ጾሞሲዛ ዎዴ ኢንቴ ኣዋ ጌላንዴቲ? ሃኮፔ ባሺ ዪዛ ዎዴ ኣይ ሃናንዴቲ? ማዶ ዴማናስ ኦናኮ ባቃታንዴቲ? ኢንቴ ኣቆታ ኣዋን ቆታንዴቲ?

ኢሳያሳ ቲንቢቴ 20:6

ሄ ዎዴ ኣባ ማታን ዴኢዛ ዴሬይ፥ ‹ካሴ ኢስቲ ጬቄቲዳይቲ፥ ኣሶሬ ካዎፔ ኣታናሲኔ ላኣ ኬዛናስ ኑ ኢስታ ጊዶን ቆቴቲዳይታ ኣዚ ጋኪዳኮ ኣኔ ጼሊቴ፤ ሂስቲን ኑኒ ዋኒ ኬሲ ኤኪ ኣታኔ? ጋና› » ጊዴስ።

ኢሳያሳ ቲንቢቴ 33:14

ጺዮኔን ዲዛ ናጋራንቻቲ ዳጋሚዳ፤ ጾሲ ኢስታስ ባይንዳይቲ ባቢዲ፥ «ኑ ጋርሳፌ ጹጊዛ ታማራ ዳና ዳንዳይዛይ ኦኔ? ሜርና ታማራ ዳና ዳንዳይዛይ ኦኔ?» ጊዳ።

ኤርማሳ ቲንቢቴ 13:21

ኔኒ ኔስ ዳቦ ጊዳና ማላ ኮዪዳይቲ ኔና ጾኒዲ ሃሪዛ ዎዴ ኔ ኣይ ጋኔ? ዬሎ ሚጻይ ኦይኪዳ ማጫሳ ማላ ኔና ሚጻይ ኦይኬኔ?

ኤርማሳ ቲንቢቴ 22:23

ሃኔ ሊባኖሴን ዲዛሬ! ኔ ኬ ዚጋ ሚፌ ኬጺዳሬ! ሚጻይ ኦይኪዳ ማጫሳ ማላ ሜቶይ ኔ ቦላ ዪሺን ዋና ዋሳንዲ!» ጌስ።

ኤርማሳ ቲንቢቴ 30:14

ኢንቴ ላጌቲ ኡባይ ኢንቴና ዶጊዳ፤ ኢስቲ ኢንቴ ጊሻስ ዉዴቴቴና፤ ታኒ ኢንቴና ሞርኬ ሾጪዛ ማላ ሾጫዲስ፤ ሜንጼ ኢታ ኣሳ ማላ ታ ኢንቴና ቃጻያዲስ። ጋሶይካ ኢንቴ ቆሆይ ጊታ፤ ኢንቴ ናጋራይካ ዳሮ።

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ኤርማሳ ዚላስ 1:19

ታኒ ታ ዶሲዛይታ ጼይጋዲስ፤ ኢስቲ ጊዲኮ ታና ካዲዳ፤ ታ ቄሴቲኔ ጪማቲ ባ ሼምፖ ኣሻናስ ካ ኮዪሼ ካታማይ ጊዶን ዉሪዳ።

ኤርማሳ ዚላስ 1:2

ኢዛ ጊዶ ጫሞ ዬሆ ዬካዉስ፤ ኢዚስ ኣፉንይካ ሻጋላራ ጎጌስ፤ ኢዚ ላጌታፔ ኢዞ ሚንዛይ ኦኒካ ዴና፤ ኡባቲካ ኢዞ ካዲዳ፤ ዛሪዲካ ኢዚስ ሞርኬ ጊዲዳ።

ኤርማሳ ዚላስ 4:17

ኑ ኣይፌይ ማዶ ዴማናስ ጼሊሼ ጮ ሜላ ዳቡርዴስ፤ ኑና ኣሻናስ ዳንዳዮንታ ዴሬታፔ ማዶ ዴማናስ ላሞታን ናጊዶስ።

ሂዚቄላ ቲንቢቴ 28:13

ኔኒ ኤዴኔን፥ ጾሳ ኣታኪልቴ ጊዶን ዴኣዳሳ፤ ቦንቾ ሹቻዚ ኢሶይ ኢሶይ ኔና ኣሌቂሲዴስ፤ ኢስቲካ ሳርዲዮኔ፥ ቶጳዚዮኔኔ ኣልማዜ፥ ማርጊዴ፥ ኢያስጲዴኔ ሲምፔሬ፥ ቤሉሬ፥ ቢሪሌኔ ኣልኦ ኢንቁ፤ ኔ ማይኦቲካ ጾልቂዛ ኢንቁኔ ዎርቃ፤ ሃይቲ ኔኒ ሜቲዳ ጋላስ ኦሴቲዳ።

ሂዚቄላ ቲንቢቴ 28:9

ሂስቲን ኔኒ ኔና ዎዛይታ ሲንን፥ ‹ታኒ ጾሳ› ጋንዲ? ኔና ዎዛይታ ኩሼን ኔ ጌላሼ ኔኒ ኣሳ ኣቲን ጾስ ዳካ።

ኣብዲዩ ቲንቢቴ 1:7

ኔናራ ጫቄቲዳ ላጌቲ ኔና ባሌዳ፤ ኔና ዶሲዛ ላጌቲ ኔ ቦላ ሞርኬቴን ዴንዲዳ፤ ኔ ካ ሚዳይቲ ኔስ ያርዴ ዎዲ ኔና ኔ ዴሬፔ ጎዲዳ፤ ጊዶ ኣቲን ኢስቲ ሄሳ ኔ ቦላ ኦሺን ኔኒ ኤራቤካ።

Ibirawe 2:3

ኑ ቃሴ ሄሳ ማላ ጊታ ማሮቴ ጮ ሌፒ ሂስቲኮ ዋኒ ኣታኔ? ሃይሲ ማሮቴይ ኮይሮ ጎዳ ባጋራ ኑስ ዮቴቲዴስ፤ ኢዛፔ ሲዪዳይቲካ ኑስ ጌሺ ዮቲዳ።

ዮሃኒሳ ኣጁታ 17:13

ሄ ታሙ ካዎታስ ኢሲ ቆፋይ ዴኣና፤ ኢስቲ ባ ዎልቃኔ ባ ጎዳቴ ሄ ዶኣዛስ ኣ ኢማና።

ዮሃኒሳ ኣጁታ 17:2

ቢታ ቦላ ዲዛ ካዎቲ ዉሪካ ኢዚራ ላይማቲዳ፤ ቢታ ቦላ ዲዛ ኣሳይካ ኢዚ ላይማቴ ዎይኔ ጫጄን ማቲዴስ» ጊዴስ።

ዮሃኒሳ ኣጁታ 17:4

ሄ ማጫሳያ ጋላልኦ ማላ ማይኦኔ ዞኦ ማይኦ ማይኣዱስ፤ ዎርቃን፥ ቦንቾ ሹቻኒኔ ኢንቁ ጌቴቲዛ ኣልኦ ሚሽ ማይኣዳ ጶላዉስ፤ ኢዛ ባ ኩሼን ቃሴ ኢታ ሹኒዛ ሚሺኔ ባ ቱና ላይማቴ ኢዛን ኩሚዳ ዎርቃ ጹኣ ኦይካ ኡታዱስ።